సెట్స్ కి వచ్చి కెమెరా ఎత్తుకుపోతా... డైరెక్టర్ త్రివిక్రమ్ కి మిర్చి విలన్ సంపంత్ స్ట్రాంగ్ వార్నింగ్

టాలీవుడ్ టాప్ విలన్స్ లో సంపత్ రాజ్ (Sampath raj)ఒకరు. తెలుగు అద్భుతంగా మాట్లాడగల సంపత్ రాజ్ సౌత్ ఇండియాను దున్నేస్తున్నారు. ఆరడుగుల ఆహార్యం, ఆకట్టుకునే నటన ఆయనను ప్రత్యేకంగా మార్చాయి. తాజాగా సంపత్ తెలుగు పాప్యులర్ షో ఆలీతో సరదాగాకి అతిథిగా వచ్చారు. ఈ సందర్భంగా ఆయన పలు ఆసక్తికర విషయాలు పంచుకున్నారు. 

ముఖ్యంగా డైరెక్టర్ త్రివిక్రమ్ (Trivikram) కి వార్నింగ్ ఇచ్చానంటూ ఆయన చెప్పడం ఆసక్తికరంగా మారింది. హోస్ట్ ఆలీ ఓ స్టార్ డైరెక్టర్ కి వార్నింగ్ ఇచ్చావట? సెట్స్ కి వచ్చి కెమెరాలు ఎత్తుకుపోతా అన్నావట? అని అడుగగా అవునని సంపత్ ఒప్పుకున్నారు.

 ఆ దర్శకుడు ఎవరో కాదు, త్రివిక్రమ్ అని సంపత్ తెలియజేశారు. తన నెక్స్ట్ మూవీలో ఛాన్స్ ఇవ్వకపోతే సెట్స్ కి వచ్చి కెమెరా తీసుకుపోతా అని వార్నింగ్ ఇచ్చాను, అన్నారు. ఎఫ్ 3 షూటింగ్ లో సునీల్ ని కూడా త్రివిక్రమ్ గురించి అడిగాను. సునీల్ ఆయన ఉండే ఆఫీస్ అడ్రస్ నాకు చెప్పాడని, సంపత్ తెలిపారు. 

ఐతే దర్శకుడు త్రివిక్రమ్ కి సంపత్ రాజ్ ఇచ్చింది సీరియస్ వార్నింగ్ కాదులెండి. తనను మర్చిపోకుండా మంచి ఆఫర్ ఇవ్వాలంటూ ;అలా సరదా వార్నింగ్ ఇచ్చాడన్న మాట. త్రివిక్రమ్ తో సంపత్ కి మంచి రిలేషన్ ఉంది. త్రివిక్రమ్ తెరకెక్కించిన సన్ ఆఫ్ సత్యమూర్తి, అజ్ఞాతవాసి చిత్రాలలో  సంపత్ విలన్ రోల్స్ చేశారు. 

త్వరలో త్రివిక్రమ్-మహేష్ (Mahesh babu)మూవీ సెట్స్ పైకి వెళ్లనున్నట్లు వార్తలు వస్తున్నాయి. ఆ ప్రాజెక్ట్ లో రోల్ ఇవ్వాలంటూ సంపత్ త్రివిక్రమ్ ని అడిగినట్లు తెలుస్తుంది. మహేష్ 28వ చిత్రం త్రివిక్రమ్ దర్శకత్వంలో ప్రకటించిన విషయం తెలిసిందే. 

కాగా ఇదే షోలో సంపత్ రాజ్ ఓ ఆసక్తికర విషయం పంచుకున్నారు. సీనియర్ హీరోయిన్ శరణ్య సంపత్ నంది భార్య కాగా విడాకులు తీసుకొని విడిపోయారన్న ఓ వాదన ఉంది. దీనిపై ఆయన స్పందించారు. శరణ్య నేను కలిసి ఓ సినిమాలో నటించాము. ఆ ఫోటోలు పెట్టి ఎవరో భార్య భర్తలు అంటూ రాశారు. నిజానికి శరణ్య భర్త, పిల్లలు నాకు చాలా క్లోజ్. ఆమె నా భార్య కాదంటూ తేల్చి చెప్పాడు.

ఇక తాము మొత్తం ఏడుగురు సంతానం, అమ్మకు సినిమాలు అంటే ఇష్టం ఉండదు. చదువు రాక, ఉద్యోగం లేని పనికిరాని వాళ్ళు మాత్రమే సినిమా పరిశ్రమకు వెళతారని ఆమె నమ్మకం. నన్ను కూడా అదే అనేది. మానాన్న మాత్రం అవేమీ పట్టించుకోకుండా ప్రయత్నాలు చేయి అనేవారని సంపత్ తెలిపారు.