ప్రభాస్, మహేష్, ఎన్టీఆర్, బన్నీ, చరణ్, పవన్... స్టార్స్ ప్రజెంట్ రెమ్యూనరేషన్స్! టాప్ లో ఉంది ఎవరు?

ఈ లిస్ట్ లో ఫస్ట్ ప్రభాస్ ఉన్నారు. బాహుబలి సిరీస్ తో పాన్ ఇండియా స్టార్ గా ఎదిగిన ప్రభాస్ తో సినిమా అంటే బడ్జెట్ రూ. 500 కోట్లకు పైమాటే. ఆయన ప్లాప్ మూవీస్ కూడా వందల కోట్లు వసూలు చేస్తాయి. ఈ క్రమంలో ప్రభాస్ సినిమాకు రూ. 150 కోట్లకు పైగా తీసుకుంటున్నారు. 

మహేష్ బాబు అత్యధిక ఫ్యాన్ బేస్ కలిగిన హీరో. ఆయన ఒక్క పాన్ ఇండియా మూవీ చేయకున్నా విపరీతమైన క్రేజ్ ఉంది. దాంతో మహేష్ సినిమాకు రూ. 70 కోట్ల వరకూ తీసుకుంటున్నారు. అయితే కొన్నిసార్లు ఆయన నిర్మాణ భాగస్వామిగా ఉంటారు. అలాగే లాభాల్లో వాటా అడుగుతారు. అలా మహేష్ కూడా సినిమాకు రూ. 100 కోట్ల వరకు ఆర్జిస్తున్నారని సమాచారం. 

ఎన్టీఆర్ గతంలో రూ. 40 కోట్లు తీసుకునేవారు. ఆర్ ఆర్ ఆర్ తర్వాత ఆయన రేంజ్ మారిపోయింది. ప్రస్తుతం ఎన్టీఆర్ సినిమాకు రూ. 80 నుండి 100 కోట్లు డిమాండ్ చేస్తున్నట్లు సమాచారం. 
 

అల్లు అర్జున్ పుష్ప తో పాన్ ఇండియా హీరోల లిస్ట్ లో చేరాడు. ప్రస్తుతం చిత్రీకరణ దశలో ఉన్న పుష్ప 2 మూవీ దాదాపు రూ. 300 కోట్లకు పైగా బడ్జెట్ తో తెరకెక్కుతుంది. ఇక అల్లు అర్జున్ పుష్ప 2 చిత్రానికి గానూ రూ. 80 కోట్లు తీసుకున్నారట. పుష్ప 2 వసూళ్లను బట్టి ఈ ఫిగర్ పెరిగే అవకాశం కలదంటున్నారు. 

ఆర్ ఆర్ ఆర్ కి ముందు రామ్ చరణ్ రెమ్యూనరేషన్ రూ. 40 కోట్లకు లోపే అని సమాచారం. ఆర్ ఆర్ ఆర్ తర్వాత ఆయన కూడా రెమ్యూనరేషన్ పెంచేశారు. గేమ్ ఛేంజర్ చిత్రానికి రామ్ చరణ్ రూ. 70 నుండి 80 కోట్లు తీసుకుంటున్నారట. 
 

ఇక పవన్ కళ్యాణ్ రాజకీయంగా బిజీ కావడంతో సినిమాల మీద ఫోకస్ తగ్గింది. పవన్ కళ్యాణ్ ఒక రేటు ఫిక్స్ చేశాడు. అది రీమేక్ అయినా, స్ట్రెయిట్ మూవీ అయినా, గెస్ట్ రోల్ అయినా... రూ. 50 కోట్లు ఇవ్వాల్సిందే..