ప్రభాస్ కోసం ఫస్ట్ టైమ్ ఆ పని చేయబోతున్న దీపికా పదుకోనే
తెలుగులో ఫస్ట్ టైమ్ డైరెక్ట్ సినిమా చేస్తుంది బాలీవుడ్ స్టార్ హీరోయిన్ దీపికా పదుకునే. ప్రభాస్ జోడీగా నటిస్తోంది. ఈక్రమంలో స్టార్ హీరోయిన్ గా చాలా ఏళ్ల కెరీర్ కలిగి ఉన్న దీపికా.. తన కెరీర్ లో ఎప్పుడు చేయని పని ప్రభాస్ కోసం చేస్తుందట. ఇంతకీ ఏం పనిచేస్తోందంటే..?
బాలీవుడ్ స్టార్ హీరోయిన్.. దీపికా పదుకునే నార్త్ లో ఎంత పాపులారిటీ దక్కించుకుందో తెలిసిందే. తెలుగు సినిమా పాన్ ఇండియా క్రేజ్ ను దక్కించుకోవడంతో.. ఇక్కడ సినిమాలు చేయడానికి అక్కడి స్టార్ హీరోయిన్లు కూడా సై అంటున్నారు. ఈక్రమంలో దీపికా పదుకునే కూడా ప్రభాస్ జోడీగా.. ప్రాజెక్ట్ కే సినిమాలో నటిస్తోంది.
ఈక్రమంలో కొన్ని దశాబ్దాలుగా సినిమా ఇండస్ట్రీలో హీరోయిన్ గా ముఖ్యంగా బాలీవుడ్ లో తనకంటూ చెరగని ముద్ర వేసిన దీపికా పదుకునే టాలీవుడ్ సినిమా ద్వారా మెరవబోతోంది. ప్రాజెక్ట్ కే కోసం బాలీవుడ్ లో కూడా చేయని పనిని దీపకా ఇప్పుడు చేయబోతుందట.
దీపికా ఏ సినిమాకి అయినా.. ఇప్పటి వరకు తన సినిమాకు సంబంధించిన ఏ డైలాగ్స్ ని ప్రాక్టీస్ చేయదట.కాని ఇప్పుడు ప్రభాస్ తో సీన్ అంటే చాలు ఒకటికి నాలుగు సార్లు ఆ సీన్.. ఆ డైలాగ్ ను ప్రాక్టీస్ చేసి మరి షూటింగ్ లొకేషన్లోకి ఎంటర్ అవుతుందట . దీపికాలో ఈ మార్పు చూసి అంతా ఆశ్చర్య పోతున్నారట. వారు కూడా ఆశ్చర్యపోతున్నారట.
దీపికా పదుకునే నటించినా ఏ సినిమా కోసం ఇంత రిహార్సల్స్ చేయలేదని.. కేవలం ప్రభాస్ తో డైలాగ్ అనేసరికి మాత్రమే ప్రాజెక్టుకే విషయంలో ఇలాంటి జాగ్రత్తలు తీసుకుంటుందని.. ప్రభాస్ నటన చూసి.. ఆయన డెడికేషన్ కు ముచ్చటపడిన దీపికా పదుకునే.. ఇలా జాగ్రత్తగా తన పని తాను చేస్తుందంటున్నారు.
ప్రాజెక్ట్ కే ద్వారా తెలుగులో తన అదృష్టాన్ని పరీక్షించుకోవడానికి దీపికా పదుకొనే రెడీగా ఉంది. సినిమాకోసం చాలా కష్టపడుతుంది కూడా. ఈ సినిమా హిట్ అయితే దీపికాకు మళ్లీ మునుపటి రోజులు వస్తాయంటున్నారు సినీ విశ్లేషకులు . నాగ్ అశ్విన్ డైరెక్ట్ చేస్తున్న ఈసినిమా షూటింగ్ చాలా స్పీడ్ గా జరుగుతుంది. రీసెంట్ గా ఈమూవీ నుంచి ఓచిన్న వీడియో కూడా వదిలారు మేకర్స్.