పూజా హెగ్డేకి వరుసగా మూడు సినిమాలు.. హీరోలెవరో తెలుసా?

రెండేళ్లుగా వరుస పరాజయాలతో సతమతమవుతున్న పూజా హెగ్డేకి ఇప్పుడు మూడు కొత్త సినిమాలు వచ్చాయి. వచ్చే ఏడాదంతా పూజా రచ్చనే ఉండబోతుంది. 

పూజా హెగ్డే నటించనున్న సినిమాలు

పూజా హెగ్డేని వరుస పరాజయాలు వెంటాడాయి. ఈ క్రమంలో ఒక్కసారిగా ఆమె డల్‌ అయిపోయింది. అయితే ఇప్పుడు రెట్టింపు ఉత్సాహంతో రాబోతుంది. బ్యాక్‌ టూ బ్యాక్‌ సినిమాలకు సైన్‌ చేసింది. నెక్ట్స్ ఇయర్‌ మొత్తం పూజా రచ్చ ఉండబోతుంది. 

పూజా హెగ్డే

 పూజా హెగ్డే చాలా కాలం తర్వాత మళ్ళీ మూడు సినిమాలతో బిజీ అయిపోయారు. ఆమె ఇటీవల కార్తీక్ సుబ్బరాజు దర్శకత్వంలో సూర్యతో సినిమా పూర్తి చేశారు. ప్రస్తుతం, ఆమె తలపతి 69 అనే విజయ్ కొత్త సినిమా షూటింగ్‌లో పాల్గొంటున్నారు. 

విజయ్‌ రాజకీయాల్లోకి ఎంట్రీ ఇచ్చిన నేపథ్యంలో ఇది ఆయన నటించబోతున్న చివరి సినిమా కావడం గమనార్హం.  ఈ సినిమాకి హెచ్. వినోద్ దర్శకత్వం వహిస్తున్నారు. ఈ రెండు పెద్ద తమిళ సినిమాలతో పాటు, ఆమె ఒక బాలీవుడ్ సినిమాలో కూడా నటిస్తున్నారు. ఈ మూవీ అప్‌ డేట్ వచ్చింది. 

నటి పూజా హెగ్డే

'హాయ్ జవానీ తో ఇష్క్ హోనా హై' టీమ్ పూజా హెగ్డే, వరుణ్ ధావన్‌ హీరోహీరోయిన్లుగా సినిమాని అధికారికంగా ప్రకటించింది. 2025లో పూజా హెగ్డేకి చాలా సినిమాలు విడుదలవుతున్నప్పటికీ, ఈ ఏడాది ఆమెకు ఒక్క సినిమా కూడా రిలీజ్ కాలేదు. ఆ లోటును వచ్చే ఏడాది భర్తీ చేయబోతుంది బుట్టబొమ్మ.