Pooja Hegde Desire: మనసులోని కోరికని బయటపెట్టిన బుట్టబొమ్మ.. ఆ ముగ్గురు ఎవరు?.. విజయ్‌పై కామెంట్‌ వైరల్‌

టాలీవుడ్‌ స్టార్‌ హీరోయిన్‌ పూజా హెగ్డే తన మనసులోని మాట బయటపెట్టింది. తాను బలంగా కోరుకుంటున్న విషయాన్ని వెల్లడించింది. అంతేకాదు దళపతి విజయ్‌పై ఓ ఆసక్తికర కామెంట్‌ చేసింది. ఇప్పుడది వైరల్‌ అవుతుంది. మరి ఆమె కోరికేంటి? విజయ్‌ పై చేసిన కామెంట్‌ ఏంటనేది చూస్తే. 

పూజా హేగ్డే(Pooja Hegde) ప్రస్తుతం తెలుగులో స్టార్‌ హీరోయిన్‌గా రాణిస్తుంది. స్టార్‌ హీరోలకు బెస్ట్ ఆప్షన్‌గా నిలుస్తూ దూసుకుపోతుంది. అత్యధిక పారితోషికం అందుకుంటున్న కథానాయికగా నిలుస్తుంది. అందులో భాగంగా ప్రస్తుతం ఆమె పాన్‌ ఇండియా స్టార్ ప్రభాస్‌(Prabhas)తో కలిసి `రాధేశ్యామ్‌`(Radheshyam) చిత్రంలో నటిస్తుంది. ఈ నెల 11న సినిమా విడుదల కానున్న నేపథ్యంలో పూజా హెగ్డే చిత్ర ప్రమోషన్‌లో బిజీగా గడుపుతుంది. ముంబయి, చెన్నై ఈవెంట్లలో సందడి చేసింది. 

ఈ సందర్భంగా `రాధేశ్యామ్‌` చిత్రంపై తన కాన్ఫిడెంట్‌ని వ్యక్తం చేసిన ఆమె తన మనసులోని మాటని బయటపెట్టింది. తాను ఇప్పటికే తెలుగులో ప్రభాస్‌, బన్నీ, ఎన్టీఆర్‌, మహేష్‌, నాగచైతన్య, అఖిల్‌, రామ్‌చరణ్‌లతో కలిసి నటించింది. ఇంకా ఎవరితో నటించాలనే డిజైర్‌ ఉందన్న ప్రశ్నకి పూజా స్పందించింది. ముగ్గురు హీరోలతో నటించాలనే కోరిక ఉన్నట్టు వెల్లడించింది. 

ఆ ముగ్గురు ఎవరో కాదు కోలీవుడ్‌ స్టార్స్, లోకనాయకుడు కమల్‌ హాసన్‌, ధనుష్‌, అలాగే బాలీవుడ్‌ స్టార్‌ హీరో రణ్‌బీర్‌ కపూర్‌లతో కలిసి నటించాలనే కోరిక ఉందని చెప్పింది. అయితే ఇప్పటికే ధనుష్‌తో ఓ ప్రాజెక్ట్ కి సంబంధించి చర్చలు జరుగుతున్నట్టు ఓ వార్త చక్కర్లు కొడుతుంది. 

పూజా హిందీలోనూ అడపాదడపా సినిమాలు చేస్తుంది. ప్రస్తుతం కొత్తగా రెండు చిత్రాలకు కమిట్‌ అయ్యిందని టాక్‌. త్వరలోనే రణ్‌బీర్‌తోనూ నటించే ఛాన్స్ వస్తుందని ఫ్యాన్స్ ఆశాభావం వ్యక్తం చేస్తున్నారు. మరి కమల్‌ హాసన్‌తో అనేది చెప్పడం కష్టమే. ఏమో ఏమైనా జరగా వచ్చు. 

మరోవైపు ప్రస్తుతం కోలీవుడ్‌ దళపతి విజయ్‌తో `బీస్ట్` చిత్రంలో నటిస్తుంది పూజా. ఈ సందర్భంగా విజయ్‌పై ప్రశంసలు కురిపించింది. ఆయన చాలా హార్డ్ వర్కర్‌ అని, స్వీటెస్ట్ పర్సన్‌ అంటూ ఆయన్ని ఆకాశానికి ఎత్తేసింది. డౌన్‌ టూ ఎర్త్ ఉంటారని, కోస్టార్స్ కి రెస్పెక్ట్ ఇస్తారని చెప్పింది పూజా. ఇక `బీస్ట్` సినిమా ఫన్‌ ఫిల్మ్ అని చెప్పడం విశేషం. 

ప్రస్తుతం పూజా హెగ్డే తెలుగులో మహేష్‌తో త్రివిక్రమ్‌ సినిమా చేస్తుంది. పవన్‌తో హరీష్‌ శంకర్‌ మూవీ చేయబోతుంది. అలాగే బన్నీతోనూ మరో సినిమా కమిట్‌మెంట్‌ ఉందట. దీంతోపాటు లేటెస్ట్ నాగచైతన్యతో మరో సినిమా చేయబోతుందని తెలుస్తుంది. వెంకట్‌ ప్రభు దర్శకత్వంలో నాగచైతన్య ఓ సినిమా చేయబోతున్నారు. ఇందులో హీరోయిన్‌గా పూజాని ఫైనల్‌ చేశారని టాక్‌. ఇప్పటికే చైతూతో `ఒక లైలా కోసం` సినిమా చేసిన విషయం తెలిసిందే.