బాలయ్య షోలో పవన్‌.. వామ్మో ఇదెక్కడి రచ్చ.. ఆట మొదలెట్టేది మెగాస్టారే.. ఫ్యాన్స్ కి పండగే ?

బాలయ్య హోస్ట్ గా మారి నిర్వహించిన `అన్‌స్టాపబుల్‌` షోలో విశేష ఆదరణ పొందింది. బిగ్‌ స్టార్స్ ఇందులో పాల్గొనడంతో దీనికి మంచి రేటింగ్‌ వచ్చింది. బాగా సక్సెస్‌ అయ్యింది. ఈ సారి మాత్రం అంతకు మించి అనేలా ఉండబోతుందట. 

Unstoppable

హోస్ట్ గా బాలయ్య ఎలా ఉంటుందో, షో క్లిక్‌ అవుతుందా? బాలయ్య చేయగలడా అనే రూమర్స్ నుంచి అత్యంత టీఆర్‌పీ రేటింగ్‌ సాధించిన షోగా `అన్‌స్టాపబుల్‌` నిలిచింది. ఇందులో స్టార్‌ హీరోలు, హీరోయిన్లు, దర్శకులను ఆహ్వానించి తనదైన స్టయిల్‌లో బోల్డ్ గా ప్రశ్నలు సందించి అనేక కొత్త విషయాలను బయటకు తీశారు బాలయ్య. మొదటి సీజన్‌లో బాగానే సెలబ్రిటీలు సందడి చేశారు. మహేష్‌, బన్నీ, రవితేజ, మోహన్‌బాబు, రాజమౌళి, నాని వంటి స్టార్స్ సందడి చేసిన విషయం తెలిసిందే. 

తాజాగా త్వరలోనే `అన్‌స్టాపబుల్‌విత్ఎన్బీకే2` ప్రారంభం కాబోతుందని ప్రకటించింది `ఆహా`. ఇది ఆహాలోనే ప్రసారమవుతున్న విషయం తెలిసిందే. దీపావళికి ఈ షో రెండో సీజన్‌ ప్రారంభం కానుందని తెలుస్తుంది. మరి ఇందులో ఎవరెవరు పాల్గొంటారనేది ఇప్పుడు హాట్‌ టాపిక్‌ అవుతుంది. పలు బిగ్‌ స్టార్స్ నేమ్స్ తెరపైకి రావడం ఆశ్చర్యానికి గురి చేస్తుంది. ఫ్యాన్స్  పండగ చేసుకునే పేర్లు వినిపించడం విశేషం. 

బాలయ్య హోస్ట్ గా చేయబోతున్న `అన్‌స్టాపబుల్‌విత్ఎన్బీకే2`కి మెగాస్టార్‌ ప్రారంభ గెస్ట్ గా రాబోతున్నారట. చిరంజీవి ఎపిసోడ్‌తో రెండో సీజన్‌ షురూ కానుందని తెలుస్తుంది. దీంతో అభిమానులు ఆసక్తిగా ఎదురుచూస్తున్నారు. నిజానికి టాలీవుడ్‌లో బాలయ్యకి, చిరుకి మధ్య కొంత గ్యాప్‌ ఉంటుందని, వారికి పడదనే కామెంట్ ఉంది. ఈ నేపథ్యంలో బాలయ్య షోలో చిరంజీవి పాల్గొనబోతున్నాడనే వార్త సర్వత్రా ఆసక్తి నెలకొంది. ఇప్పుడు హాట్ టాపిక్‌ అవుతుంది. 

ఇదే క్రేజీగా ఉందంటే, దీనికి మించిన క్రేజీ విషయం మరోటి ఉందట. ఈ షోకి పవన్‌ కళ్యాణ్‌ కూడా గెస్ట్ గా రాబోతున్నారనే ప్రచారం ఊపందుకోవడం విశేషం. తన ఫ్రెండ్‌, దర్శకుడు మాటల మాంత్రికుడు త్రివిక్రమ్‌ తో కలిసి బన్నీ ఈ షోలో పాల్గొనబోతున్నట్టు సమాచారం. ఈ ఇద్దరిని ఒప్పించే పనిలో అల్లు అరవింద్ ఉన్నారని టాక్‌. 

అసలే రాజకీయంగా, ఇటు సినిమాల పరంగా ఇద్దరూ పూర్తి భిన్నమైన వారు, సినీ ఇండస్ట్రీలోనూ బాలయ్య, పవన్‌కి మధ్య చాలా గ్యాప్‌ ఉంది. ఈ నేపథ్యంలో వీరిద్దరు కలిస్తే ఎలా ఉంటుందనేది ఇంట్రెస్ట్ ని క్రియేట్‌ చేస్తుంది. బాలయ్య ఏం అడుగుతాడు, పవన్‌ ఏంచెబుతాడనేది మరింత చర్చనీయాంశమవుతుంది. కానీ ఇదే జరిగితే మాత్రం ఇదొక క్రేజీ విషయంగా మారుతుంది. ఇద్దరు హీరోల అభిమానులు పండగ చేసుకుంటారు. చూసేందుకు రెండు కళ్ల చాలవని చెప్పొచ్చు. మరి అల్లు అరవింద్‌ ప్రయత్నాలు ఎంత వరకు ఫలిస్తాయో చూడాలి.