- Home
- Entertainment
- HHVM Review :ఫ్యాన్స్ కి హై ఇచ్చేలా యాక్షన్ ఇరగదీసిన పవన్.. వీరమల్లులో హైలైట్స్ ఇవే, ట్విటర్ రివ్యూ ఇదిగో
HHVM Review :ఫ్యాన్స్ కి హై ఇచ్చేలా యాక్షన్ ఇరగదీసిన పవన్.. వీరమల్లులో హైలైట్స్ ఇవే, ట్విటర్ రివ్యూ ఇదిగో
భారీ అంచనాలతో విడుదలైన హరిహర వీరమల్లు చిత్ర ప్రీమియర్ షోలు ప్రారంభం అయ్యాయి. ఈ చిత్రం ఫ్యాన్స్ అంచనాలకు తగ్గట్లుగా ఉందా, పవన్ నటించిన తొలి పీరియాడిక్ చిత్రం ఆకట్టుకుందా అనే అంశాలు ట్విట్టర్ రివ్యూలో తెలుసుకుందాం.
పవర్ స్టార్ పవన్ కళ్యాణ్ తొలిసారి నటించిన పీరియాడిక్ చిత్రం హరి హర వీరమల్లు. క్రిష్ జాగర్లమూడి దర్శకత్వంలో ప్రారంభమైన ఈ చిత్రం జ్యోతి కృష్ణ దర్శకత్వంలో ముగిసింది. కొన్ని కారణాల వల్ల క్రిష్ ఈ చిత్రం నుంచి మధ్యలో తప్పుకున్నారు. మిగిలిన చిత్రాన్ని జ్యోతి కృష్ణ పూర్తి చేశారు. ఏఎం రత్నం ఖుషి, బంగారం తర్వాత పవన్ కళ్యాణ్ తో నిర్మించిన చిత్రం ఇదే. ఐదేళ్లపాటు షూటింగ్ జరుపుకున్న ఈ చిత్రం ఎట్టకేలకు ప్రేక్షకుల ముందుకు వచ్చింది. కోహినూర్ డైమండ్, మొఘల్ సామ్రాజ్యంలో ఔరంగజేబు పాలన లాంటి అంశాలతో ఈ చిత్రాన్ని తెరకెక్కించారు. ఈ చిత్రంలో నిధి అగర్వాల్ హీరోయిన్ గా నటించింది. కీరవాణి సంగీతం అందించారు. పవన్ అభిమానులు ఎప్పటి నుంచో ఎదురుచూస్తున్న చిత్రం కావడం, ట్రైలర్, సాంగ్స్ కి టెరిఫిక్ రెస్పాన్స్ రావడంతో అంచనాలు ఆకాశాన్ని తాకాయి.
తాజాగా తెలుగు రాష్ట్రాల్లో ప్రీమియర్ షోలు ప్రారంభమయ్యాయి. ఈ నేపథ్యంలో ప్రీమియర్స్ నుంచి ఆడియన్స్ రెస్పాన్స్ ఎలా ఉంది, ట్విట్టర్ లో ఈ చిత్ర టాక్ ఎలా ఉంది లాంటి అంశాలు ఇప్పుడు తెలుసుకుందాం. 1650 ఎడి సమయంలో కొల్లూరు మైన్ ప్రాంతంలో కథ మొదలవుతుంది. పవన్ కళ్యాణ్ ఎంట్రీ, కుస్తీ ఫైట్ సన్నివేశాలని దర్శకుడు అద్భుతంగా డిజైన్ చేశారు. ఔరంగజేబు పాత్రలో బాబీ డియోల్ క్రూరత్వాన్ని చూపిస్తూ కథ మొదలవుతుంది.
పవన్ ఎంట్రీ తర్వాత హీరోయిన్ నిధి అగర్వాల్ పంచమి పాత్రలో ఎంట్రీ ఇస్తుంది. ఆ తర్వాత సునీల్, నాజర్, సుబ్బరాజు పాత్రలు కూడా పరిచయమవుతాయి. యాక్షన్ సన్నివేశాలు ఫ్యాన్స్ కి విజువల్ ట్రీట్ ఇచ్చే విధంగా ఉంటాయి. దర్శకుడు జ్యోతి కృష్ణ కాన్సెప్ట్ ని చక్కగా డ్రైవ్ చేస్తూ మధ్యలో గూస్ బంప్స్ తెప్పించే యాక్షన్ ఎపిసోడ్స్ పెట్టారు. ఇక కీరవాణి బ్యాగ్రౌండ్ మ్యూజిక్ తో చెలరేగిపోయినట్లు తెలుస్తోంది.
ఓవరాల్ గా ఫస్ట్ హాఫ్ లో పవన్ కళ్యాణ్ ఎంట్రీ, కుస్తీ ఫైట్ సన్నివేశం, పులి మేక ఎపిసోడ్, కొల్లగొట్టినాది రో సాంగ్, చార్మినార్ ఫైట్ సీక్వెన్ హైలైట్ గా నిలిచాయి. నిధి అగర్వాల్ పాత్రలో వచ్చే ట్విస్ట్ బావుంటుంది. కొన్ని సన్నివేశాల్లో కథ నెమ్మదించడం మైనస్ అనే చెప్పాలి.
సెకండ్ హాఫ్ లో పవన్ కళ్యాణ్ తన మిషన్ మొదలు పెడతారు. సెకండ్ హాఫ్ లో వీరమల్లు ఫ్లాష్ బ్యాక్ సన్నివేశాలు, ఎమోషనల్ సీన్స్ వస్తాయి. ఆయా సన్నివేశాలు కొంత సాగదీసినట్లు అనిపిస్తాయి. సెకండ్ హాఫ్ 20 నిమిషాల తర్వాత మళ్ళీ జోరందుకుంటుంది. సిజి వర్క్ కూడా అక్కడక్కడా మైనస్ గా నిలిచింది.
ప్రీ క్లైమాక్స్ నుంచి సినిమా యాక్షన్ మోడ్ లోకి వెళుతుంది. కీరవాణి పవర్ ఫుల్ బీజియంతో సన్నివేశాలని ఎలివేట్ చేశారు. ఫస్ట్ హాఫ్ కంటే సెకండ్ హాఫ్ కాస్త తగ్గింది. ఫస్ట్ హాఫ్ లో మైంటైన్ చేసిన టెంపోని సెకండ్ హాఫ్ లో కూడా కొనసాగించి ఉంటే మూవీ నెక్స్ట్ లెవల్ లో ఉండేది. ఓవరాల్ గా చెప్పాలంటే హరిహర వీరమల్లు చిత్ర యూనిట్ 5 ఏళ్ళు పడ్డ కష్టానికి మంచి ఫలితమే దక్కుతుంది అని అంటున్నారు. సెకండ్ హాఫ్ కాస్త తగ్గడం నిరాశ కలిగించే అంశం.
