నాకు అతనొక్కడే, తన హ్యాపీనెస్ వెనకున్న వ్యక్తిని రివీల్ చేసిన రేణు!
పవర్ స్టార్ మాజీ భార్య రేణు దేశాయ్ వ్యాఖ్యలు తరచుగా సంచలనంగా మారుతూ ఉంటాయి. ముఖ్యంగా తన వ్యక్తిగత జీవితం గురించి ఆమె స్పందించే తీరు టాక్ ఆఫ్ ది ఇండస్ట్రీ అవుతుంది.
సోషల్ మీడియాలో చాలా యాక్టీవ్ గా ఉండే రేణు దేశాయ్ సామాజిక, వ్యక్తిగత విషయపై స్పందిస్తూ ఉంటారు. ఫ్యాన్స్ తో చిట్ చాట్ చేస్తూ వారు అడిగిన ప్రశ్నలకు సమాధానం చెబుతారు. ఎవరైనా తిక్క ప్రశ్నలు వేసి విసిగిస్తే గట్టిగా సమాధానం చెబుతారు.
పవన్ ని వివాహం చేసుకున్న తరువాత ఆమె వెండితెర వెనుకకు వెళ్లిపోయారు. పవన్ సినిమాలకు కాస్ట్యూమ్ డిజైనర్ గా పనిచేశారు. ఇక విడాకుల తరువాత రేణు పిల్ల్లలతో పాటు పూణే వెళ్లి, అక్కడే నివాసం ఏర్పాటు చేసుకున్నారు.
ఈ మధ్య రేణు సెకండ్ ఇన్నింగ్స్ స్టార్ట్ చేశారు. ఆమె నటిగా మరలా బిజీ అయ్యారు. కెరీర్ కోసం హైదరాబాద్ వచ్చిన రేణు ప్రస్తుతం ఇక్కడే ఉంటున్నారు.
రేణు దేశాయ్ కొన్ని టెలివిజన్ ప్రోగ్రామ్స్ కి జడ్జెస్ గా వ్యవహరిస్తున్నారు. ఓ సీరియల్ లో కూడా తళుక్కున మెరిశారు రేణు దేశాయ్. ప్రస్తుతం ఆమె ప్రధాన పాత్రలో ఓ వెబ్ సిరీస్ తెరకెక్కుతుంది.
కాగా రేణు దేశాయ్ కొడుకు, పవన్ సినీ వారసుడు అకీరా టీనేజ్ లో ఉన్నారు. 16ఏళ్లకే ఆరడగుల హైట్ దాటేసిన అకీరా, పవన్ ఫ్యాన్స్ లో ఆసక్తి రేపుతున్నారు. ఈ క్రమంలో అకీరా వెండితెర ఎంట్రీ ఎప్పుడు అంటూ వారు ప్రశ్నిస్తున్నారు.
ఇటీవల సోషల్ మీడియా ఛాట్ లో పాల్గొన్న రేణుదేశాయ్ ని ఇదే ప్రశ్న అడుగగా... కరోనా వంటి కష్ట కాలంలో ఇలాంటి విషయాలపై మాట్లాడలేము. అకీరా ఎంట్రీకి సమయం ఉంది. ఆ సమయం వచ్చినప్పుడు మీతో ఖచ్చితంగా పంచుకుంటాను అన్నారు.
అలాగే అకీరా గురించి మాట్లాడుతూ.. ఈ ప్రపంచంలో నాకు ఆనందం పంచగల ఒకే వ్యక్తి అకీరా. తను జోక్స్ వేసి నవిస్తూ ఉంటే , తనలో నన్ను నేను చూసుకుంటూ ఉంటాను. నా సంతోషానికి కారణం అకీరా అని చెప్పుకొచ్చారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
