ఈ విషయంలో పవిత్రా లోకేష్ గ్రేట్ అబ్బా.. దగ్గరుండి పరీక్ష రాయించిన నరేష్, పీహెచ్.డి కోసం ప్రయత్నం

లేటు వయసులో ఘాటు ప్రేమతో ఒక రేంజ్ లో వివాదం సృష్టించిన జంట నరేష్, పవిత్ర. ఎవరెన్ని విమర్శలు చేసినా తమ రిలేషన్ ని నరేష్, పవిత్ర ఇంకా బలపరుచుకుంటున్నారు. నరేష్ తన మూడవ భార్య రమ్య రఘుపతితో విడిపోయి.. పవిత్రతో సహజీవనం చేస్తున్నారు.

లేటు వయసులో ఘాటు ప్రేమతో ఒక రేంజ్ లో వివాదం సృష్టించిన జంట నరేష్, పవిత్ర. ఎవరెన్ని విమర్శలు చేసినా తమ రిలేషన్ ని నరేష్, పవిత్ర ఇంకా బలపరుచుకుంటున్నారు. నరేష్ తన మూడవ భార్య రమ్య రఘుపతితో విడిపోయి.. పవిత్రతో సహజీవనం చేస్తున్నారు. అయితే వీరిద్దరూ పెళ్లి ఎప్పుడు చేసుకుంటారు అనేది క్లారిటీ లేనప్పటికీ ప్రస్తుతానికి మాత్రం కలసి జీవిస్తూ ప్రేమలో మునిగితేలుతున్నారు. 

తమ రిలేషన్ షిప్ పై సోషల్ మీడియాలో, ఆడియన్స్ లో ఉన్న క్రేజ్ ని ఉపయోగించుకుంటూ ఈ జంట మళ్ళి పెళ్లి అనే చిత్రంలో నటించిన సంగతి తెలిసిందే. పబ్లిక్ గా ముద్దులు పెట్టుకోవడం, లేటు వయసులో నరేష్ వరుస పెళ్లిళ్లు చేసుకుంటుండడంతో ఆయనపై.. పవిత్ర పై సోషల్ మీడియాలో దారుణంగా ట్రోలింగ్ సాగుతోంది. 

ఇదంతా పక్కన పెడితే పవిత్రా లోకేష్ ఒక గొప్ప నిర్ణయం తీసుకుంది. ఆమె తన మాతృ భాష కన్నడ సాహిత్యంలో పీహెచ్ డీ చేసేందుకు ప్రయత్నిస్తోంది. దీనికోసం నరేష్ పవిత్రని బళ్లారి తీసుకువెళ్లారు. దీనికోసం పవిత్రా హంపి కన్నడ యూనివర్సిటీలో ప్రవేశ పరీక్ష రాసింది. నరేష్ పవిత్రని దగ్గరుండి తీసుకువెళ్లి పరీక్ష రాయించారు. 

వీళ్లిద్దరి వ్యవహారం ఎలా ఉన్నపటికీ మాతృ భాషలో పీహెచ్ డి చేయాలనే పవిత్ర పట్టుదలని నెటిజన్లు అభినందిస్తున్నారు. సౌత్ చిత్రాల్లో రాణిస్తూనే కన్నడ సాహిత్యంలో పీ హెచ్ డి పూర్తి చేయాలని పవిత్ర భావిస్తోంది. 

ఇదిలా ఉండగా పవిత్రా, నరేష్ నటించిన మళ్ళీ పెళ్లి చిత్రం ఇటీవల విడుదలై మిక్స్డ్ టాక్ సొంతం చేసుకుంది. ఈ చిత్ర ప్రచార కార్యక్రమాల్లో నరేష్ మాట్లాడుతూ పవిత్ర, తాను పిల్లలని కనేందుకు ఫిట్ గా ఉన్నాం అని షాకింగ్ కామెంట్స్ చేశారు. అయితే ఆల్రెడీ తమకి పిల్లలు ఉండడం వల్ల ఆ విషయంలో ఇంకా నిర్ణయం తీసుకోలేదు అని అన్నారు. 

పెళ్లి గురించి ప్రస్తావన వచ్చినప్పుడు.. పెళ్లిపై తమకు గౌరవం ఉందని.. కానీ ప్రస్తుతం మ్యారేజ్ వ్యవస్థ అస్తవ్యస్తం అవుతోంది అని కామెంట్స్ చేసారు. చేసుకోవాలనిపించినప్పుడు పెళ్లి చేసుకుంటాం అని నరేష్ అన్నారు.