OTT: ఈ సినిమా ఒంట‌రిగా ఉన్న‌ప్పుడే చూడండి.. రొమాన్స్‌, ట్విస్టులతో మ‌తిపోవాల్సిందే. ఎక్కడ చూడొచ్చు..

OTT: ఓటీటీ ప్రేక్షకుల అభిరుచిని పూర్తిగా మార్చేసింది. ముఖ్యంగా ఇత‌ర భాష‌ల సినిమాల‌కు కూడా అభిమానులుగా మారిపోతున్నారు. ఓటీటీలో సంచ‌ల‌నం సృష్టించిన ఇలాంటి ఓ ఇత‌ర భాష సినిమా గురించి ఇప్పుడు తెలుసుకుందాం. 

Image Credit : Saregama Malayalam/YT

ఓటీటీలో మలయాళ సినిమాల హవా

ఇటీవల ఓటీటీలో ఎక్కువగా ట్రెండ్ అవుతున్నవి మలయాళ సినిమాలే. కథ బలం, రియలిస్టిక్ ట్రీట్‌మెంట్, భిన్నమైన కథనంతో ఈ సినిమాలు ప్రేక్షకులను బాగా ఆకట్టుకుంటున్నాయి. ‘చతురం’ కూడా అదే కోవలోకి వస్తుంది. పెద్ద హడావుడి లేకుండా విడుదలైన ఈ సినిమా, మౌత్ టాక్‌తోనే టాప్ ట్రెండింగ్‌లోకి వచ్చింది.

Image Credit : our own

కథలోని డార్క్ షేడ్

ఈ కథ కేంద్రంగా ఓ యువతి ఉంటుంది. డబ్బున్న వృద్ధుడిని ఆమె వివాహం చేసుకుంటుంది. ఆ పెళ్లి ఆమె ఇష్టంతో జరగదు. భర్త శారీరకంగా బలహీనుడే అయినా, ఆమెపై అధికారం చెలాయిస్తూ వేధింపులకు గురి చేస్తుంటాడు. రోజూ హింస, అవమానాలు ఆమె జీవితాన్ని నరకంగా మార్చేస్తాయి. అతని ఇంటికి వచ్చే ఓ లాయర్ పరిస్థితిని మరింత భయంకరంగా మారుస్తాడు. అతను కూడా ఆమెను బలవంతపెట్టి శారీర‌కంగా వాడుకుంటాడు. ఈ సంఘటనలతో ఆమె మానసికంగా పూర్తిగా కుంగిపోతుంది.

Image Credit : our own

షాకింగ్ టర్నింగ్ పాయింట్

తన జీవితం ఇలా ఉండకూడదని నిర్ణయించుకున్న యువతి ఓ ప్లాన్ వేస్తుంది. ఓ రోజు భర్తను కొండపై నుంచి తోసేస్తుంది. అతను చనిపోకపోయినా, మంచానికే పరిమితం అవుతాడు. ఇక ఇంట్లో అతన్ని చూసుకునేందుకు ఓ మేల్ నర్స్ వస్తాడు. ఈ క్ర‌మంలో కథ కొత్త మలుపు తీసుకుంటుంది. నర్స్‌తో ఆమె మధ్య ఓ ఎమోషనల్ కనెక్షన్ ఏర్పడుతుంది. ఆ బాండింగ్ క్రమంగా శారీరక సంబంధంగా మారుతుంది. ఇక్కడ నుంచే సినిమా మరింత డార్క్‌గా మారుతుంది.

Image Credit : our own

ఆ నిర్ణయంతో జీవితం తలకిందులు

భర్త నుంచి పూర్తిగా విముక్తి కావాలని ఆమె మరోసారి నిర్ణయం తీసుకుంటుంది. ఈసారి నేరుగా అతన్ని చంపాలనే ఆలోచనకు వస్తుంది. అందుకు మేల్ నర్స్ సహాయం తీసుకుంటుంది. కానీ ఈ నిర్ణయం వాళ్ల జీవితాలను ఏ దిశగా తీసుకెళ్లింది? ప్లాన్ సక్సెస్ అయ్యిందా? లేక అనూహ్య పరిణామాలు ఎదురయ్యాయా? అన్నది సినిమాకి అసలైన సస్పెన్స్.

Image Credit : sainaplay.com

కొన్ని సీన్స్ అసౌకర్యంగా

‘చతురం’ సాధారణ థ్రిల్లర్ కాదు. మానవ మనస్తత్వం, కోరికలు, ప్రతీకారం వంటి అంశాలను చాలా నేరుగా చూపించిన సినిమా. కొన్ని సన్నివేశాలు అసౌకర్యంగా అనిపించొచ్చు. అందుకే ఈ సినిమాను ఒంటరిగా చూడటం మంచిది. బోల్డ్ కంటెంట్, స్లో బర్న్ నేరేషన్, షాకింగ్ క్లైమాక్స్ ఈ సినిమాకు పెద్ద ప్లస్. ప్రస్తుతం సైనాప్లే (Saina Play) ఓటీటీలో ఈ సినిమా స్ట్రీమింగ్ అవుతోంది. డిఫరెంట్ సినిమాలు చూడాలనుకునే వాళ్లకు ఇది కచ్చితంగా నచ్చుతుంది. హిందీ వెర్ష‌న్ యూట్యూబ్‌లో కూడా అందుబాటులో ఉంది.