నిహారికతో విడాకులు మరోసారి క్లారిటీ ఇచ్చిన భర్త!
నిహారిక కొణిదెల భర్త వెంకట చైతన్యతో విడిడిపోయారనే ప్రచారం జరుగుతుంది. పరోక్షంగా హింట్ ఇచ్చిన ఈ జంట అధికారిక ప్రకటన చేయలేదు. తాజా పరిణామంతో మరోసారి స్పష్టత వచ్చింది.
Niharika Konidela
నాగబాబు తనయ నిహారిక విడాకుల వార్తలు కొద్దిరోజులుగా హల్చల్ చేస్తున్నాయి. ఈ పుకార్లకు నాగబాబు అల్లుడు వెంకట చైతన్య జొన్నలగడ్డ ఆజ్యం పోశాడు. ఆయన తన ఇంస్టాగ్రామ్ అకౌంట్ నుండి పెళ్లి ఫోటోలు తొలగించారు. కొన్ని రోజుల అనంతరం నిహారిక సైతం ఇంస్టాగ్రామ్ లో పెళ్లి ఫోటోలు డిలీట్ చేశారు. మొత్తంగా ఇద్దరూ తమ జ్ఞాపకాలు చెరిపేశారు.
Niharika Konidela
ఈ మధ్య కాలంలో నిహారిక-వెంకట చైతన్య కలిసి కనిపించిన దాఖలు లేవు. నిహారిక కెరీర్ పై దృష్టి పెట్టింది. తన నిర్మాణ సంస్థ పేరున ఆఫీస్ ఓపెన్ చేసింది. కొన్ని ప్రాజెక్ట్స్ నిర్మించేందుకు ప్రణాళికలు వేస్తుంది. రైటర్స్, డైరెక్టర్స్ తో చర్చలు జరుపుతుంది.
డెడ్ ఫిక్సెల్స్ టైటిల్ తో ఓ వెబ్ సిరీస్లో నటించింది. మే 19 నుండి హాట్ స్టార్ లో డెడ్ ఫిక్సెల్స్ స్ట్రీమ్ అవుతుంది. అటు నటిగా ఇటు నిర్మాతగా రాణించాలని నిహారిక ఆలోచనలు చేస్తున్నారు. పరిణామాలు చూస్తుంటే నిహారిక భర్తతో విడిపోయిన మాట వాస్తవమే అనిపిస్తుంది. అధికారికంగా ప్రకటించకున్నప్పటికీ ఇది నిజమని పలువురు భావిస్తున్నారు.
నిహారిక విడాకుల వార్తలపై నేరుగా స్పందించింది లేదు. తాజాగా ఘటనతో మరోసారి విడాకుల రూమర్స్ తెరపైకి వచ్చాయి. వెంకట చైతన్య కుటుంబ సభ్యులతో పాటు తిరుమల వెళ్లారు. అక్కడ మీడియా కంట పడడంతో ఆయన ఫోటోలు తీశారు. వీరితో నిహారిక లేదు. కాబట్టి నిహారిక వెంకట చైతన్యకు దూరమైందని మీడియా వర్గాలు బలంగా నమ్ముతున్నారు.
Niharika Konidela
2020 డిసెంబర్ 19న నిహారిక-వెంకట చైతన్యల వివాహం రాజస్థాన్ ఉదయ్ పూర్ ప్యాలస్ లో ఘనంగా జరిగింది. డెస్టినేషన్ వెడ్డింగ్ కోసం కోట్లలో ఖర్చు చేశారు. మెగా కుటుంబ సభ్యులు అందరూ ఈ పెళ్ళికి హాజరయ్యారు. దీంతో నేషనల్ వైడ్ నిహారిక వివాహం న్యూస్ అయ్యింది. ఐదు రోజులు వీరి పెళ్లి జరిగింది. మూడేళ్లు కాకుండానే విడిపోయారు.