దుబాయ్‌ వెళ్లి ఆటో హారన్‌ కొన్న ఎన్టీఆర్‌, ఇదేం విచిత్రం.. కారణం తెలిస్తే నోరెళ్లబెట్టాల్సిందే

ఎన్టీఆర్‌ తనకు ఉన్న విచిత్రమైన అలవాట్లని బయటపెట్టాడు. ఆయన విదేశాలకు వెళ్లి తాను కొన్న ఐటెమ్‌ తెలిస్తే ఆశ్చర్యపోవాల్సిందే.  

Jr NTR

ఎన్టీఆర్‌ త్వరలో పుట్టిన రోజు(may 20)ని సెలబ్రేట్‌ చేసుకోబోతున్నారు. ఆయన హీరోగా నటిస్తున్న సినిమాలకు సంబంధించిన అప్‌ డేట్లు రాబోతున్నాయి. ఈ సారి ఎన్టీఆర్‌ బర్త్ డే హడావుడి గట్టిగానే ఉండే అవకాశం ఉంది. `వార్‌ 2` నుంచి టీజర్‌, ప్రశాంత్‌ నీల్ మూవీ నుంచి ఫస్ట్ లుక్‌ వచ్చే ఛాన్స్ ఉంది. 

ntr

ఈ నేపథ్యంలో ఎన్టీఆర్‌కి సంబంధించిన కొన్ని ఆసక్తికర విషయాలు బయటకు వచ్చాయి. తారక్‌ తనకు ఉన్న విచిత్రమైన అలవాట్లని బయటపెట్టారు. ఆయనకు వాచీలంటే చాలా ఇష్టమట. తన ఇంట్లో చిన్నపాటి వాచీల షాపే ఉంటుందని తెలిపారు తారక్‌. అలాగే కూలింగ్‌ గ్లాసెస్‌ అన్నా ఇష్టమట. రేట్‌ ఎంత అనేది చూడరు, తనకు నచ్చిందంటే వందల్లో ఉన్న కూడా తీసుకోవడానికి వెనకాడట. 

ఈ క్రమంలో తారక్‌ తాను చేసిన విచిత్రమైన పని బయటపెట్టాడు. ఓ సారి దుబాయ్‌ వెళ్లి ఆటో హారన్‌ కొన్నాడట. అక్కడ షాపింగ్‌ చేసేసమయంలో ఆటోలకు ఉండే హారన్‌ గమ్మత్తుగా కనిపించిందట. తెగ నచ్చిందట. అంతే కొనేశాడు జూ ఎన్టీఆర్‌. అయితే అది చూసి దుబాయ్‌ లో కొనడానికి ఇదే దొరికిందా అంటూ ఆయన ఫ్రెండ్‌ తెగ ఆటపట్టించారట. తనకు ప్రయాణం అంటే ఇష్టమని ప్రపంచమంతా తిరిగి రావాలని ఉందని తెలిపారు ఎన్టీఆర్‌. 

తారక్‌ తన ఫ్యామిలీతో కలిసి ఏడాదికి నాలుగైదు సార్లు విదేశాలకు వెకేషన్‌ వెళ్తారనే విషయం తెలిసిందే. సినిమా సెలబ్రిటీలు మన వద్ద ఎంజాయ్‌ చేయలేదు, బయట తిరగలేరు. దీంతో విదేశాలకు వెళ్లి రిలీఫ్‌ అవుతారు. ఫ్యామిలీతో కలిసి బయటి ప్రపంచాన్ని ఎంజాయ్‌ చేస్తారు. బర్త్ డే సమయంలోనూ తారక్‌ ఫ్యామిలీతో కలిసి విదేశాలకు చెక్కేస్తుంటారు. మరి ఈ బర్త్ డే ఎక్కడ ప్లాన్‌ చేశారో చూడాలి. 

Junior NTR

ప్రస్తుతం ఎన్టీఆర్‌ `వార్‌ 2`లో నటించారు. ఇది ఆగస్ట్ లో విడుదల కానుంది. ఈ మూవీ నుంచి ఆయన బర్త్ డే రోజు టీజర్‌, ఫస్ట్ లుక్‌, టైటిల్‌ లుక్‌ వచ్చే అవకాశం ఉంది. అలాగే ప్రశాంత్‌ నీల్‌తో ఓ మూవీ చేస్తున్నారు తారక్‌. ఇది చిత్రీకరణ దశలో ఉంది. దీన్నుంచి ఫస్ట్ లుక్‌ వచ్చే అవకాశాలున్నాయి. దీంతోపాటు `దేవర 2`కి సంబంధించిన అప్‌ డేట్‌ కూడా ఆశిస్తున్నారు అభిమానులు. మరి ఈ పుట్టిన రోజు ఫ్యాన్స్ కి తారక్‌ ఎలాంటి ట్రీట్‌ ఇస్తారో చూడాలి.