ఎన్టీఆర్‌లో రియలైజేషన్‌ తెచ్చిన లవ్‌ బ్రేకప్‌, ఆ ఘటనతో సంచలన నిర్ణయం, ప్రణతిని చేసుకోవడానికి కారణమదేనా?

ఎన్టీఆర్‌ `దేవర` సినిమాతో త్వరలోనే ఆడియెన్స్ ముందుకు రాబోతున్నారు. కొరటాల శివ దర్శకత్వం వహించిన ఈ మూవీ ఈ నెల 27న విడుదలవుతుంది. ఆరేళ్ల తర్వాత సోలో హీరోగా ఆయన్నుంచి వస్తోన్న సినిమా కావడం విశేషం.

దీనిపై తారక్‌ చాలా అంచనాలు పెట్టుకున్నారు. అభిమానుల కంటే ఆయనే ఎక్కువ హోప్స్ తో ఉన్నట్టు నిన్న ట్రైలర్‌ ఈవెంట్‌లో ఆయన చెప్పిన మాటలు వింటే అర్థమవుతుంది. ఈ సినిమా వస్తుందంటే తనకు చాలా నర్వస్‌గా ఉందని చెప్పడం గమనార్హం. 

అదే సమయంలో సినిమాలో మెయిన్‌ బ్లాక్‌ని రివీల్‌ చేశారు. చివరి 40 నిమిషాల గూస్‌ బంమ్స్ అని తెలిపారు. అంతేకాదు ట్రైలర్‌లోనే అసలు కథ రివీల్‌ చేయడంతో సినిమాలో అసలు కిక్‌ అంతా పోయిందనే విమర్శలు వస్తున్నాయి.

మరోవైపు ట్రైలర్‌ రికార్డ్ వ్యూస్‌ సాధిస్తుంటే, ఇంకోవైపు ట్రోలింగ్‌ నడుస్తుంది. `ఆచార్య 2` లోడింగ్‌ అని, మరో `ఆంధ్రావాలా`లా ఉందని  అంటున్నారు. సినిమా ఆడటం కష్టమే అనే ట్రోల్‌ నడుస్తుంది. అయితే తనకు పడని హీరో అభిమానులు ఇదంతా చేస్తున్నట్టుగా తెలుస్తుంది. 

బిగ్‌ బాస్‌ తెలుగు 8 అప్‌ డేట్స్, ఇంట్రెస్టింగ్‌ వార్తల కోసం ఇక్కడ చూడండి.
 

ఈ నేపథ్యంలో ఎన్టీఆర్‌కి సంబంధించిన ఓ వీడియో క్లిప్‌ ఇప్పుడు సోషల్‌ మీడియాలో వైరల్‌ అవుతుంది. తారక్‌ పాత ఇంటర్వ్యూ క్లిప్‌ చక్కర్లు కొడుతుంది. ఇందులో ఆయన లవ్‌, బ్రేకప్‌ గురించి ఓపెన్‌ అయ్యారు. తనకు ఎలాంటి భార్య రావాలనుకుంటున్నాడో తెలిపాడు. ఓపెన్‌ హార్ట్ విత్‌ ఆర్కే ఇంటర్వ్యూలో

ఎన్టీఆర్‌ మాట్లాడుతూ, తన ప్రేమ విషయాన్ని రివీల్‌ చేశారు. ఆ ఏజ్‌లో ఆకర్షణకు గురయినట్టు చెప్పాడు తారక్‌. సినిమాని, పర్సనల్‌ లైఫ్‌ని మిక్స్ చేయకూడదని తాను భావిస్తానని, కానీ ఆ సమయంలో లవ్‌ తనని డామినేట్‌ చేసిందన్నారు. ఆ సమయంలో తన ఏజ్‌ 23 అని వెల్లడించారు ఎన్టీఆర్‌.  
 

ఆ తర్వాత లవ్‌ సెట్‌ కాలేదని, ఏదో ఆకర్షణలో ఏదో జరిగిందని, ఆ తర్వాత ఇది రైటా? రాంగా అనే ఆలోచనలో అది(లవ్) అయిపోయిందని తెలిపారు ఎన్టీఆర్. అయితే తాను ఏ నిర్ణయం తీసుకున్నా బాధపడిన సందర్భాలు లేవని, కొన్ని అలా జరుతుంటాయని చెప్పారు. అప్పట్నుంచి తాను పర్సనల్‌ లైఫ్‌, సినిమా కెరీర్‌ని వేరేగా చూడాలని బలంగా నిర్ణయించుకున్నట్టు తెలిపారు తారక్‌. 

ఈ సందర్భంగానే తన జీవితంలోకి ఎలాంటి భార్య రావాలో తెలిపారు. అమ్మని బాగా చూసుకునే అమ్మాయి భార్యగా రావాలని కోరుకుంటున్నట్టు తెలిపారు. తాను ఎలాగైతే చూసుకుంటానో, ఆ స్థాయిలో కాకపోయినా, దానికి సమానంగా అయినా ఉండేలా చూసుకోవాలని, అలాంటి అమ్మాయిని పెళ్లి చేసుకోవాలనుకుంటున్నట్టు తెలిపాడు ఎన్టీఆర్‌.

ఈ లెక్కన లక్ష్మీ ప్రణతిని పెళ్లి చేసుకోవడానికి కారణం అదే అని తెలుస్తుంది. 2011లో వీరి వివాహం అయ్యింది. వీరికి ఇద్దరు కుమారులు అభయ్‌ రామ్‌, భార్గవ్‌ రామ్‌ ఉన్నారు.  
 

ఎన్టీఆర్‌.. హీరోయిన్‌ సమీరా రెడ్డితో ప్రేమలో పడిన విషయం తెలిసిందే. ఆమెతో కలిసి `నరసింహుడు`, `అశోక్‌` చిత్రాలు చేశారు ఎన్టీఆర్‌. ఈ సినిమాల టైమ్‌లోనే ఈ ఇద్దరు ప్రేమలో పడ్డారు. అయితే పెళ్లి వరకు వెళ్లారనే రూమర్లు కూడా వచ్చాయి. తండ్రి హరికృష్ణ మందలివ్వడంతో తారక్‌ వెనక్కి తగ్గాడని సమాచారం. మరి ఇందులో నిజమెంతా అనేది తెలియాల్సి ఉంది.