గుర్తు పట్టడం కూడా కష్టమే... మహేష్, ఎన్టీఆర్ లతో జతకట్టిన స్టార్ హీరోయిన్ ఇలా అయిపోయిందేంటి..!

ఎన్టీఆర్, చిరంజీవి, మహేష్ వంటి టాప్ స్టార్స్ తో జతకట్టిన రక్షిత లేటెస్ట్ లుక్ చూసి ఆమె అభిమానులు షాక్ అవుతున్నారు. అసలు ఆమె ఈమేనా అన్నంతగా రక్షిత మారిపోగా ఇలా అయిపోయిందేంటని అవాక్కవుతున్నారు.  

Rakshitha

ఈ జనరేషన్ యూత్ కి రక్షిత అంటే పెద్దగా తెలియకపోవచ్చు. 2000లలో యువతకు రక్షిత పరిచయం అక్కర్లేని పేరు. స్టార్స్ తో జతకట్టిన రక్షిత హీరోయిన్ గా ముప్పైకి పైగా చిత్రాలు చేశారు. వాటిలో కొన్ని సూపర్ హిట్స్ ఉన్నాయి. 

కన్నడ అమ్మాయి అయిన రక్షిత మోడల్ గా కెరీర్ ప్రారంభించారు. దర్శకుడు పూరి జగన్నాధ్ రక్షితకు హీరోయిన్ ఛాన్స్ ఇచ్చాడు. రాజ్ కుమార్ వారసుడిగా పునీత్ కుమార్ వెండితెర అరంగేట్రం చేసిన అప్పు మూవీకి రక్షితను హీరోయిన్ గా తీసుకున్నాడు. అప్పు బ్లాక్ బస్టర్ హిట్ కొట్టింది. 

అప్పు చిత్రాన్ని తెలుగులో ఇడియట్ గా రవితేజతో రీమేక్ చేశారు. తెలుగులో కూడా భారీ విజయాన్ని సొంతం చేసుకుంది. రీమేక్ లో సైతం రక్షిత హీరోయిన్ గా నటించారు. దీంతో ఆమెకు ఆఫర్స్ పెరిగాయి. ముఖ్యంగా పూరి తన చిత్రాల్లో ఆమెకు ఛాన్సులు ఇచ్చాడు. 

సింహాద్రి తో ఇండస్ట్రీ హిట్ కొట్టిన ఎన్టీఆర్ మంచి ఫార్మ్ లో ఉన్న పూరి జగన్నాధ్ ఆంధ్రావాలా మూవీ చేశారు. అప్పట్లో ఈ సినిమాకు వచ్చిన హైప్ మరే సినిమాకు రాలేదు. ఇండస్ట్రీ రికార్డ్స్ బద్దలు కావడం ఖాయం అనుకున్నారు. అనూహ్యంగా ఆంధ్రావాలా పరాజయం పొందింది. ఈ మూవీలో రక్షిత హీరోయిన్ గా నటించారు. 

పూరి డైరెక్షన్ లో వచ్చిన హిట్ మూవీ శివమణిలో రక్షిత సెకండ్ హీరోయిన్ గా నటించారు. మహేష్ తో నిజం, చిరంజీవికి జంటగా అందరివాడు చిత్రాల్లో రక్షిత నటించారు. బొద్దుగా ఉండే రక్షిత తక్కువ ఏజ్ లోనే బరువెక్కారు. అందరివాడు సినిమా నాటికి రక్షిత షేప్ అవుట్ అయ్యారు. 

మంచి ఆరంభం లభించినా రక్షిత ఉపయోగించుకోలేకపోయారు. ఆమె కెరీర్ త్వరగా డౌన్ అయ్యింది. స్టార్స్ తో చేసిన ఆంధ్రావాలా, నిజం, అందరివాడు చెప్పుకోదగ్గ స్థాయిలో ఆడలేదు. నిజం మూవీ పర్వాలేదు అనిపించినా మహేష్ ఇమేజ్ కి సెట్ కాలేదు. అలా టాలీవుడ్ లో ఆమెకు ఆఫర్స్ తగ్గాయి. 

2005లో విడుదలైన జగపతి తెలుగులో రక్షితకు చివరి చిత్రం. తర్వాత ఆమె కన్నడలో వరుసగా చిత్రాలు చేశారు. పెళ్లి చేసుకునే వరకు రక్షిత కన్నడ పరిశ్రమకే పరిమితమయ్యారు.

2007లో దర్శకుడు ప్రేమ్ ని ప్రేమించి వివాహం చేసుకున్నారు. నటనకు గుడ్ బై చెప్పిన రక్షిత నిర్మాతగా మారారు. పెళ్లయ్యాక రక్షిత మరింత లావుగా మారారు. ఒక బిడ్డకు జన్మనిచ్చిన రక్షిత ప్రస్తుతం గుర్తు పట్టలేనంతగా మారిపోయారు. 

38ఏళ్ల రక్షితను ఇప్పుడు చూస్తే ఆమె ఈమేనా అనిపించక మానదు. అంతలా రక్షిత మారిపోయారు. శరీరతత్త్వంతో పాటు శ్రద్ధ తీసుకోకపోవడంతో ఆమె విపరీతంగా బరువు పెరిగారు. ఒకప్పటి అందాల భామ, గ్లామరస్ హీరోయిన్ ని ఇలా చూసి ఆమె అభిమానులు ఒకింత విచారం వ్యక్తం చేస్తున్నారు.