ఆ స్టార్‌ హీరోయిన్‌ అంటే జూ. ఎన్టీఆర్‌కి పిచ్చ క్రష్‌.. పాపం ఆ డ్రీమ్‌ నెరవేరకుండానే.. కానీ కూతురితో మాత్రం

జూ ఎన్టీఆర్‌ సోమవారం తన పుట్టిన రోజుని సెలబ్రేట్‌ చేసుకున్నారు. ఆయన ఫ్యామిలీతో కలిసి విదేశాల్లో వెకేషన్‌లో సెలబ్రేట్‌ చేసుకున్నారు. అయితే ఈ సందర్బంగా తారక్‌కి సంబంధించిన చాలా అరుదైన విషయాలు, ఆసక్తికర విషయాలు బయటకు వచ్చాయి. అందులో యంగ్‌ టైగర్‌ ఫేవరేట్‌ హీరోయిన్‌ ఎవరో తెలిసిపోయింది. 

ఎన్టీఆర్‌ తనతో పనిచేసిన హీరోయిన్లలో ఒకరిని బాగా ప్రేమించాడు తారక్‌. అది బ్రేక్‌ అయ్యింది. కానీ వీరందరు కాదు, ఓ హీరోయిన్‌ అంటే ఆయనకు క్రష్‌ అట. ఆమె సీనియర్‌ హీరోయిన్‌ కావడం విశేషం. ఆ సీనియర్‌ హీరోయిన్‌పై తనకు బాగా క్రష్‌ అని చెప్పాడు. ఆమెతో కలిసి సినిమా చేయాలని, వయసులో పెద్దది కావడంతో తాత పాత్రలో అయినా ఆమెకి జోడీగా చేయాలని డ్రీమ్‌ అని చెప్పాడు. 

కొన్నేళ్ల క్రితం ఎన్టీఆర్‌.. జయప్రద నిర్వహించిన టాక్‌ షోకి వెళ్లాడు. ఇందులో అనేక విషయాలు చెప్పిన ఆయన మీరు నటించిన సినిమాల్లోని హీరోయిన్లలో మీకి ఇష్టమైన, ఫేవరేట్‌ హీరోయిన్‌ ఎవరు అని ఆమె అడగ్గా.. తనతో నటించిన హీరోయిన్లు కాదుగానీ, శ్రీదేవి అంటే తనకు పిచ్చి అని చెప్పాడు. బాగా క్రష్‌, అది ఎంత అంటే కుదిరితే, ఎప్పటికైనా ఆమెతో కలిసి సినిమా చేయాలని ఉందన్నాడు. 
 

అయితే శ్రీదేవి.. ఎన్టీఆర్‌ తాత రామారావుకి జోడీగా చేసింది. అంటే తారక్‌ తాత పాత్ర వేస్తేగానీ ఆమెతో జోడీ కట్టలేదు. దీంతో తాత పాత్రలు వేయడానికైనా రెడీ కానీ ఆమెకి జోడీగా చేయాలని ఉందన్నారు. ఈ ఇంటర్వ్యూ జరిగే నాటికి అతిలోక సుందరి శ్రీదేవి బతికే ఉంది. దీంతో ఈ ఇంటర్వ్యూ ఆమె చూడాలి, తన కోరిక నెరవేర్చాలని కోరుకుంటున్నట్టు తారక్‌ తెలిపారు. కానీ అది జరగలేదు. 
 

ఆరేళ్ల క్రితం శ్రీదేవి దుబాయ్‌లో ఓ స్టార్‌ హోటల్లో బాత్‌రూమ్‌లో జారి పడి కన్నుమూసిన విషయం తెలిసిందే. ఆమె ఆ అందమైన రూపం నుంచి ఈ లోకాలు విడిచి వెళ్లింది. ఆడియెన్స్ హృదయాల్లో అతిలోక సుందరిగానే నిలిచిపోయింది. ఇలా జూ ఎన్టీఆర్‌కి శ్రీదేవితో కలిసి నటించే అవకాశం రాలేదు, ఆయన డ్రీమ్‌ అలానే ఉండిపోయింది. కానీ మరో రూపంలో అది తీరే అవకాశం ఉంది. 
 

ప్రస్తుతం ఎన్టీఆర్‌ `దేవర` చిత్రంలో నటిస్తున్నారు. ఇందులో అతిలోక సుందరి శ్రీదేవి కూతురు జాన్వీ కపూర్‌ హీరోయిన్‌గా చేస్తుంది. సో ఇలా అమ్మ శ్రీదేవితో ఛాన్స్ లేదు, దీంతో ఆమె కూతురు జాన్వీతో నటిస్తున్న నేపథ్యంలో తారక్‌ కోరిక `దేవర` రూపంలో ఎంతో కొంత తీరుతుందని చెప్పొచ్చు. కొరటాల శివ దర్శకత్వం వహిస్తున్న ఈ మూవీ దసరాకి విడుదల కానుంది. ఇటీవల ఫియర్‌ సాంగ్‌ విడుదలై మెప్పించింది. ప్రస్తుతం తారక్‌ హిందీలోకి ఎంట్రీ ఇస్తూ `వార్‌ 2`లోనూ నటిస్తున్న విషయం తెలిసిందే.