చైతన్య కాదు సమంత ఫస్ట్ లవ్ అతడే.. రెండేళ్లు సాగిన ప్రేమాయణం, అలా జరగడంతో కథకు ముగింపు!

సమంత తన ఫస్ట్ లవ్ గురించి ఓపెన్ అయ్యింది. నాగ చైతన్య కంటే ముందే ఆమె ఒకరిని ప్రేమించింది అట. ఆ వ్యక్తి ఎవరో రివీల్ చేసింది.

Sambi Reddy

First Published Jul 19, 2024, 6:17 PM IST | Last Updated Jul 19, 2024, 6:31 PM IST

సమంత మొదటి చిత్రం ఏమాయ చేసావే. దర్శకుడు గౌతమ్ మీనన్ తెరకెక్కించిన ఈ రొమాంటిక్ లవ్ ఎంటర్టైనర్ సూపర్ హిట్ కొట్టింది. నాగ చైతన్య రెండో చిత్రం కాగా ఆయనకు మొదటి హిట్ అని చెప్పాలి. సినిమాలో నాగ చైతన్య-సమంత కెమిస్ట్రీ అదుర్స్. జంట చాలా ఫ్రెష్ గా అనిపించారు.

ఆ మూవీ సెట్స్ లో నిజంగానే ప్రేమలో పడిపోయారు. చాలా కాలం రహస్యంగా వారి ప్రేమాయణం సాగింది. మరోవైపు సమంత స్టార్ గా ఎదుగుతూ వచ్చింది. సమంత కెరీర్ పీక్స్ లో ఉండగా పెళ్లి చేసుకుంది. నాగ చైతన్య-సమంతల వివాహం 2014లో గోవాలో ఘనంగా జరిగింది.

టాలీవుడ్ లవ్లీ కపుల్ గా పేరు తెచ్చుకున్నారు సమంత-నాగ చైతన్య. ఏమైందో తెలియదు కానీ మనస్పర్థలు తలెత్తాయి. నాలుగేళ్ల వైవాహిక జీవితానికి స్వస్తి చెప్పి 2021లో విడాకులు తీసుకున్నారు. ఈ పరిణామం సమంత, నాగ చైతన్య అభిమానులను బాధపెట్టింది. ప్రస్తుతం ఎవరి కెరీర్లో వారు బిజీగా ఉన్నారు.

అయితే సమంతకు నాగ చైతన్యతో ఫస్ట్ లవ్ కాదట. అంతకు ముందే ఆమె ఒకరిని ప్రేమించిందట. ఇటీవల సదరు లవ్ స్టోరీ బయట పెట్టింది. సమంత చదువుకునే రోజుల్లో పల్లవరం నుండి టీనగర్ వెళ్ళడానికి రెండు బస్సులు మారాల్సి వచ్చేదట. ఒక అబ్బాయి రోజూ సమంత కోసం బస్ స్టాప్ వద్ద వెయిట్ చేసేవాడట.

Samantha

సమంతను స్కూల్ వరకు ఫాలో అయ్యేవాడట. ఎప్పుడూ దగ్గరకు రాలేదట. కొన్ని అడుగుల దూరం లో ఉంటూ అనుసరించేవాడట. ఇంటర్ కూడా పూర్తి అయ్యిందట. రెండేళ్లుగా ఫాలో అవుతున్న అతని వద్దకు వెళ్లి... ఎందుకు నా వెనకాల పడుతున్నావ్... అని అడిగిందట. నేను నిన్ను ఫాలో కావడం ఏంటీ, అనేశాడట. దాంతో సమంత షాక్ అయ్యిందట.

అది ప్రేమో కాదో తెలియదు కానీ... అదే నా ఫస్ట్ లవ్ అని సమంత చెప్పుకొచ్చింది. సమంత మాటలను బట్టి చూస్తే సమంత కూడా అతన్ని ఇష్టపడింది. కానీ ఆ పిరికివాడు ధైర్యం చేయలేదు. అదన్నమాట సంగతి.

కొన్నాళ్లుగా మయోసైటిస్ తో బాధపడుతున్న సమంత చిత్రాలు తగ్గించారు. ఇటీవల మా ఇంటి బంగారం టైటిల్ తో లేడీ ఓరియెంటెడ్ మూవీ ప్రకటించింది. సమంత నటించిన యాక్షన్ సిరీస్ సిటాడెల్ పోస్ట్ ప్రొడక్షన్ జరుపుకుంటుంది. త్వరలో హనీ బన్నీ టైటిల్ తో అమెజాన్ ప్రైమ్ లో స్ట్రీమ్ కానుంది...