‘కార్తికేయ 2’ రెస్పాన్స్ పై నిఖిల్ ఇంట్రెస్టింగ్ కామెంట్స్.. ఆ రెండు గంటలు టెన్షన్ తట్టుకోలేకపోయాడంట.!

టాలీవుడ్ యంగ్ హీరో నిఖిల్ సిద్ధార్థ (Nikhil Siddhartha) - యంగ్ బ్యూటీ అనుపమా పరమేశ్వరన్ జంటగా నటించిన మైథలాజికల్ ఫిల్మ్ ‘కార్తికేయ 2’ (Karthikeya 2). ఈ చిత్రానికి చందూ మొండేటి అద్భుతమైన దర్శకత్వం వహించి ప్రేక్షకులను ఆకట్టుకున్నారు. మూవీ నిన్న గ్రాండ్ గా రిలీజ్ అయ్యి ప్రేక్షకుల నుంచి మంచి రెస్పాన్స్ ను సొంతం చేసుకుంటోంది.
 

అయితే ఈ చిత్రం రిలీజ్ కు ముందుకు కొన్ని సమస్యల్ని ఎదుర్కొన్న విషయం తెలిసిందే. కరోనా పరిస్థితుల తర్వాత ప్రేక్షకులు థియేటర్ల రాకపోవడంతో నిఖిల్ పరిస్థితి ఏంటని, అలాగే ఈ మూవీ థియేటర్లు దొరకడం కూడా కష్టమైందనే వార్తలు వినిపించాయి. ఇవన్నీ దాటుకొని ప్రేక్షకుల ముందుకు చిత్రాన్ని తీసుకొచ్చారు మేకర్స్. ఆడియెన్స్ కూడా మూవీని థియేటర్లలోనే చూసేందుకు ఇష్టపడుతున్నారు. 
 

చిత్రానికి వస్తున్న రెస్పాన్స్ తో యూనిట్, నిఖిల్ నిన్న సాయంత్రం థ్యాంక్యూ మీట్ ఏర్పాటు చేసి ఆడియెన్స్ కు ధన్యవాదాలు తెలిపారు. ఈ సందర్భంగా నిఖిల్ మాట్లాడుతూ ఇంట్రెస్టింగ్ కామెంట్స్ చేశారు....  ఎంతో కష్టపడి సినిమాను ప్రేక్షకుల ముందుకు తీసుకొచ్చాం. ​యూఎస్‌లో కార్తికేయ2కి పాజిటివ్‌ రెస్పాన్స్‌ వచ్చింది. అయినప్పటికీ కొంచెం టెన్షన్‌గా ఫీలయ్యాను. 

తెలుగు ప్రేక్షకులు మా సినిమాని ఎలా రిసీవ్‌ చేసుకుంటారోనని కాస్తా కంగారు పడ్డాను. భయం వేసింది. సినిమా తొలి ప్రదర్శన ప్రారంభమైన తర్వాత రెండు గంటలు నేను బాగా టెన్షన్ కు గురయ్యారు. అప్పటికే నాకు ఫోన్‌ కాల్స్‌, మేసేజ్ వస్తూనే ఉన్నాయి. రెస్పాన్స్ ఎలా ఉందోనని భయపడ్డా.. పాజిటివ్ టాక్ రావడంతో ఊపిరిపీల్చుకున్నారు.  అలాగే సినిమా హిట్ కావాలని చాలా మంది కోరుకోవడం సంతోషకరం. 

వచ్చే రెండ్రోజులు కూడా ‘కార్తికేయ’2కు బుకింగ్స్‌ అదిరిపోయేలా అయ్యాయి. ప్రస్తుతం బాక్సాఫీస్ వద్ద తొలిరోజు మాత్రం మంచి వసూళ్లను సాధించిందన్నారు. ఈ సినిమాను ఆదరిస్తున్న ప్రేక్షకులకు, చిత్ర యూనిట్, ప్రత్యేకంగా టెక్నీషియన్స్ కు ధన్యవాదాలు తెలుపుతున్నామన్నారు. ఏట్టకేళలకు ఈ చిత్రం నిఖిల్ ఖాతాలో మరో హిట్ ను పడేలా చేసింది.
 

రిలీజ్ కు ముందే ‘కార్తికేయ 2’పై ఇంట్రెస్ట్ ను క్రియేట్ చేసింది చిత్ర యూనిట్. అలాగే ప్రమోషన్స్ ను కూడా చాలా క్రియేటివ్ గా చేశారు. అందుకు తగ్గట్టుగానే సినిమా కథ, దర్శకత్వం, సంగీతం, నటీనటుల పెర్పామెన్స్ ఉండటంతో ప్రేక్షకులు ఆదరిస్తున్నారు. తొలిరోజు యూఎస్ లో 1 లక్ష డాలర్స్ కలెక్షన్లు సాధించింద. హిందీలోనూ అదిరిపోయే వసూళ్లను రాబడుతోంది. ఇదే జోరు కొనసాగితే త్వరలోనే బ్రేక్ ఈవెన్ కూడా పూర్తి చేసుకోనుంది.