చిన్నప్పట్నుంచి నాన్న రక్షణ కవచంలా ఉన్నారు..కానీ ఆ ఒక్క విషయం తెలియదంటోన్న నిహారిక

మెగా బ్రదర్ నాగబాబు, మెగా డాటర్ నిహారిక ఎంతో అనుబంధంతో ఉంటారు. చిన్నప్పటి నుంచి తనకు రక్షణగా ఉన్న నాగబాబుకి ఆ ఒక్క విషయం తెలియదంటోంది నిహారిక. ఇన్నాళ్లకి ఆ విషయాన్ని చెప్పింది. 
 

నిహారికా మ్యారేజ్‌ గతేడాది డిసెంబర్‌లో జరిగింది. ఇప్పుడామె ఓ ఇంటి ఇల్లాలు కూడా అయ్యింది. అయితే చాలా రోజుల తర్వాత వీరిద్దరు ఒకే ఇంటిలో తండ్రి కూతుళ్లుగా తమ అనుబంధాన్ని చాటుకున్నారు. అందుకు వీరు పంచుకున్న వీడియో నిదర్శనంగా నిలిచింది.

నాగబాబు, నిహారికలు కలిసి ఓ యాడ్‌ చేశారు. ఇందులో ఆన్‌లైన్‌ బ్యాంకింగ్‌పై అవగాహన కల్పిస్తూ ప్రమోట్‌ చేసిన ప్రకటనని నిహారిక పంచుకోగా అది నెట్టింట్లో తెగ వైరల్‌ అవుతుంది.

ఈ వీడియోలో మొదట నిహారిక ఓ చిన్ననాటి ఫోటోని పంచుకుంది. ఇందులో నిహారిక చిన్నపిల్లగా ఉండగా, తండ్రి నాగబాబు ఆమెని ముద్దాడుతున్నాడు. ఈ ఫోటో ఎంతగానే ఆకట్టుకుంటుంది.

ఈ ఫోటోని చూపిస్తూ నిహారిక తండ్రి నాగబాబు గురించి చెప్పుకొస్తుంది. `చిన్నప్పటి నుంచి నాన్న నాకు రక్షణ కవచంలా ఉన్నారు. నటుడిగా, రైటర్‌గా, నిర్మాతగా ఆయన నన్ను ఇన్‌స్పైర్‌ చేస్తూనే ఉన్నారు.

జీవితంలో అన్ని పాత్రలను ఆయన విజయవంతంగా పోషించారు. ఒక్క ఆన్‌లైన్‌ ట్రాన్సాక్షన్‌ తప్పా` అంటూ ఆమె వివరించగా ఈ ప్రకటన సాగుతుంది.

నాగబాబు ఆన్‌లైన్‌ ట్రాన్సాక్షన్‌ ఎలా చేయాలో తెలియక ఇబ్బంది పడుతూ నిహారికను అడుగుతాడు. దీంతో ఆమె నవ్వుతూ ఇంకా ఈ అకౌంట్‌ డీటెయిల్స్ అవసరం లేదు డాడీ అంటూ, `మీ దగ్గర వాళ్ల ఫోన్ నంబర్స్ ఉన్నాయా? అది చాలు అంటూ, ఇకపై ఫోన్‌ నెంబర్‌ ఉంటే మనీ ట్రాన్స్ఫర్‌ చేయోచ్చ`ని చెప్పారు.

ఐసీఐసీఐ మొబైల్ బ్యాంకింగ్ కి సంబంధించి యాడ్‌ ఇది. నాగబాబు కూడా ఈ యాప్‌తో మనీ పంపిస్తానని చెప్పాడు. చివరగా తండ్రి నాగబాబుకి నిహారిక `హ్యాపీ ఫాదర్స్ డే` అని చెప్పడం హైలైట్‌గా నిలిచింది. ఈ వీడియో ఆద్యంతం ఆకట్టుకుంటుంది.

నిహారిక గతేడాది డిసెంబర్‌ 9న చైతన్యను పెళ్లి చేసుకుని వైవాహిక జీవితంలోకి అడుగు పెట్టిన సంగతి తెలిసిందే. రాజస్థాన్‌లోని ఉదయ్‌పూర్‌లో జొన్నలగడ్డ చైతన్యతో నిహారిక పెళ్లి అంగరంగ వైభవంగా జరిగింది.

ప్రస్తుతం భర్త‌ చైతన్యతో కలిసి వైవాహిక​ జీవితాన్ని ఎంజాయ్‌ చేస్తుంది. అలాగే వృత్తిపరంగానూ ఫోకస్‌ పెట్టింది. పెళ్లి తర్వాత ఓ వెబ్‌సిరీస్‌కు గ్రీన్‌ సిగ్నల్‌ ఇచ్చిన నిహారిక..ఇటీవలె ఓ సినిమాకి కూడా సైన్‌ చేసిందని సమాచారం.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి