సుధీర్, అనసూయ లాంటివాళ్ళు వస్తుంటారు పోతుంటారు.. నువ్వు మాత్రం జబర్దస్త్ లెజెండ్, రష్మీ ఫోజులపై కామెంట్స్

జబర్దస్త్ షో తో క్రేజీ యాంకర్ గా గుర్తింపు తెచ్చుకుంది రష్మీ గౌతమ్. బుల్లితెరపై రష్మీ యాంకరింగ్ చేస్తూ అప్పుడప్పుడూ నటిగా కూడా రాణిస్తూ ఉంది. ఒకప్పుడు రష్మీ, సుధీర్ రొమాన్స్ బుల్లితెరపై ఆడియన్స్ కి మంచి వినోదాన్ని అందించింది. 

రష్మీ, సుధీర్ లవ్ ఎఫైర్ గురించి ఏళ్ల తరబడి ప్రేక్షకుల్లో చర్చ జరుగుతూనే ఉంది. బుల్లితెరపై వీరిద్దరూ నిజమైన ప్రేమికుల్లాగే వ్యవహరిస్తూ వినోదం పంచుతున్నారు. 

బుల్లితెరపై ప్రోగ్రామ్స్ లో భాగంగా సుధీర్ , రష్మీ కి చాలా సార్లు పెళ్లి జరిగింది. అయితే అదంతా స్రిప్ట్ లో భాగమే. ఇద్దరూ రొమాంటిక్ డ్యూయెట్లు చేస్తూ అలరిస్తున్నారు. 

సుధీర్ పై రష్మీ వేసే కామెడీ పంచ్ లు కూడా బాగానే పేలుతుంటాయి. ఇదంతా రష్మీలో ఒక కోణం మాత్రమే. జబర్దస్త్ నుంచి సుధీర్ తప్పుకోవడంతో రష్మీ ఒంటరైపోయింది అంటూ ఫన్నీ కామెంట్స్ వినిపిస్తున్నాయి. 

ఇదంతా ఒకెత్తయితే.. ఆమెలో మరో కోణం కూడా దాగి ఉంది. రష్మీ జంతు ప్రేమికురాలు. చాలా సందర్భాల్లో రష్మీ జంతువులపై తన ప్రేమ చాటుకుంది. 

లాక్ డౌన్ టైంలో ఫుడ్ లేక అల్లాడుతున్న జంతువులకు రష్మీ స్వయంగా ఆహారం అందించింది. ఆ దృశ్యాలు సోషల్ మీడియాలో వైరల్ అయ్యాయి కూడా. జంతువులపై హింసాయుత సంఘటనలు ఏమైనా జరిగితే రష్మీ వెంటనే సోషల్ మీడియా ద్వారా స్పందిస్తుంది.

గ్లామర్ విషయంలో కూడా రష్మీ కేరింగ్ గా ఉంటుంది. తరచుగా గ్లామరస్ ఫోటోస్ ని సోషల్ మీడియాలో షేర్ చేస్తూ ఉంటుంది. అలాగని రష్మీ ఓవర్ డోస్ గా ఎప్పుడూ అందాలు ఆరబోయలేదు. 

తాజాగా రష్మీ తనలోని అసలు సిసలైన బ్యూటీ యాంగిల్ ని బయట పెట్టింది. కొత్త సంవత్సరంలో తొలి ఫోటో షూట్ తో రష్మీ మెరుపులు మెరిపించింది. 35 ఏళ్ల రష్మీ తాజా ఫోటో షాట్ లో టీనేజ్ పిల్లలా మారిపోయింది.  రష్మీ తాజా ఫోటోలపై నెటిజన్లు కొంటెగా కామెంట్స్ చేస్తున్నారు. ఇదే తరహాలో గ్లామర్ మైంటైన్ చేస్తే రష్మీకి త్వరగా పెళ్ళైపోతుంది అని అంటున్నారు. 

కళ్ళు చెదిరే రెడ్ డ్రెస్ లో చిరునవ్వులు చిందిస్తూ రష్మీ ఇస్తున్న ఫోజులు అదరహో అనిపిస్తున్నాయి. అంతేకాదు. నెమలి నాట్యం చేసినట్లు ఉన్న ఫోజుల్లో రష్మీ సొగసు చూడడం కుర్రాళ్ళకి పండగే అని చెప్పాలి. 

రష్మీపై కొందరు నెటిజన్లు షాకింగ్ కామెంట్స్ చేస్తున్నారు. జబర్దస్త్ కి ఎంతో మంది యాంకర్లు వస్తుంటారు పోతుంటారు. సుడిగాలి సుధీర్ లాంటి కమెడియన్లు వస్తుంటారు పోతుంటారు. కానీ జబర్దస్త్ కి రష్మీ లెజెండ్ అంటూ ఫన్నీగా కామెంట్స్ చేయడం విశేషం. జబర్దస్త్ షోలో అనసూయ, సౌజన్య రావు ఇలా చాలా మంది యాంకర్లు మారిన సంగతి తెలిసిందే. సుడిగాలి సుధీర్ జబర్దస్త్ ని వదిలిపెట్టి చాలా కాలం అవుతోంది.