పవిత్ర లోకేష్‌ నా పక్కన ఉంటే మరొకరిని చూడాల్సిన అవసరం లేదు.. రచ్చ లేపుతున్న నరేష్‌ బోల్డ్ కామెంట్స్

సీనియర్‌ నటుడు నరేష్‌, పవిత్ర లోకేష్‌ ఇప్పుడు కలిసి ఉంటున్నారు. పవిత్రని ఉద్దేశిస్తూ నరేష్‌ చేసిన వ్యాఖ్యలు రచ్చ లేపుతున్నాయి.  

సీనియర్‌ నటుడు నరేష్‌, పవిత్ర లోకేష్‌కి సంబంధించిన వ్యవహారం ఇప్పుడు సర్దుమనిగింది. ఎవరి లైఫ్‌ వాళ్లు జీవిస్తున్నారు. నరేష్‌ సైతం ఇప్పుడు సైలెంట్‌ అయ్యాడు. ఆ మధ్య ప్రెస్‌ మీట్లలోనూ హడావుడి చేసిన ఆయన ఇప్పుడు అక్కడ కూడా కనిపించడం లేదు. సినిమాలు కూడా తగ్గినట్టుగా అనిపిస్తున్నాయి. ఈ నేపథ్యంలో ఆయన పూర్తిగా ఫ్యామిలీ లైఫ్‌కి ప్రయారిటీ ఇస్తున్నట్టు తెలుస్తుంది. 

ఇదిలా ఉంటే నరేష్‌ ఇప్పటికే మూడు పెళ్లిళ్లు చేసుకున్న విషయం తెలిసిందే. మూడు పెటాకులయ్యాయి. పవిత్ర లోకేష్‌ నాలుగో భార్య. అయితే ఇంకా ఈ ఇద్దరు అధికారికంగా పెళ్లి చేసుకోలేదని తెలుస్తుంది. కానీ కలిసే ఉంటున్నారట. తమ గత పెళ్లిళ్ల విడాకులు కోర్టు నుంచి రావాల్సి ఉన్న నేపథ్యంలో ఇంకా పెళ్లి చేసుకోలేదు. కానీ కలిసే కాపురం చేస్తున్నారు. కలిసే తిరుగుతున్నారు. 

 పవిత్ర లోకేష్‌ తన జీవితంలోకి రావడంపై నరేష్‌ సంచలన స్టేట్‌మెంట్స్ ఇచ్చాడు. అమ్మ విజయ నిర్మల చనిపోయినప్పుడు చాలా బాధేసిందని, కానీ కృష్ణగారిని చూసినప్పుడు ధైర్యంగా ఉండేదని, అమ్మని ఆయనలో చూసుకునేవాడిని అని తెలిపారు. అయితే కృష్ణ కూడా చనిపోవడంతో ఒక్కసారిగా కుంగిపోయినట్టు తెలిపారు. ఆ సమయంలో పవిత్ర లోకేష్‌ తనకు అండగా ఉందని, తన వెంటే ఉండి ధైర్యాన్నిచ్చిందని చెప్పాడు నరేష్‌. 

ఆ పరిణామాల తర్వాత పవిత్రలో తాను అన్ని చూసినట్టు చెప్పారు. ఓ అమ్మోరు, అమ్మగా, కూతురుగా, ఓ ఫ్రెండ్‌గా, ఒక గైడ్‌గా, శ్రేయోభిలాషిగా, తాను ఉన్నానని భరోసా ఇచ్చే పెద్ద సపోర్టర్‌గా నిలిచిందని, దీంతో ఆమెలో తాను అన్ని చూసుకుంటున్నట్టు తెలిపారు నరేష్‌. పవిత్ర తన పక్కన ఉంటే మరోకరిని చూడాల్సిన అవసరం, మరొకరిని చూసుకోవాల్సిన అవసరం లేదని బోల్డ్ స్టేట్‌మెంట్‌ ఇచ్చాడు నరేష్‌. తనకు ఇంకా ఎవరితోనూ పనిలేదని చెప్పాడు. ఆమెలోనే అందరు కనిపిస్తున్నారని చెప్పాడు నరేష్‌.

Naresh - Pavitra Lokesh

అంతేకాదు పవిత్ర తన జీవితంలోకి వచ్చాక తన జీవితం అంతా మారిపోయిందన్నారు. మార్నింగ్‌ ఆఫీస్‌కి వెల్లడం, షూటింగ్‌లకు వెళ్లడం, సాయంత్రానికి ఇంటికి రావడం, హాయిగా తినడం, కాసేపు కబుర్లు చెప్పుకోవడం పడుకోవడం, అంతే నో పార్టీస్‌, ఓన్లీ ఇళ్లు అనేలా మారిపోయిందని, పవిత్ర తన జీవితాన్నే మార్చేసిందని చెప్పాడు నరేష్‌. ప్రస్తుతం ఆయన కామెంట్స్ నెట్టింట చక్కర్లు కొడుతున్నాయి. 

గతేడాది పవిత్ర లోకేష్‌, నరేష్‌ కలిసి `మళ్లీ పెళ్లి` అనే సినిమాలో నటించారు. ఎంఎస్‌ రాజు రూపొందించిన ఈ చిత్రంలో తాము ఎలా స్ట్రగుల్‌ అయ్యారు, ఎలా లవ్‌లో పడ్డారు, ఎలా కలిసిపోయారనేది చూపించారు. ఎలాంటి పరిస్థితుల్లో కలవాల్సి వచ్చిందో వెల్లడించారు. కానీ ఈ సినిమా ఆడలేదు. ప్రస్తుతం నరేష్‌ అడపాదడపా సినిమాలు చేస్తున్నారు. అలాగే పవిత్ర కూడా సెలక్టీవ్‌గా వెళ్తున్నట్టు తెలుస్తుంది.