Intinti Gruhalakshmi: ఢీ అంటే ఢీ అంటున్న నందు, లాస్య.. అత్తగారికి చుక్కలు చూపిస్తున్న దివ్య!

Intinti Gruhalakshmi: స్టార్ మా లో ప్రసారమవుతున్న ఇంటింటి గృహలక్ష్మి సీరియల్ మంచి కంటెంట్ తో ప్రేక్షకుల హృదయాలని గెలుచుకుంటుంది. సవతి తల్లి పన్నాగం నుండి తన భర్తని కాపాడుకుంటున్న ఒక తెలివైన భార్య కధ ఈ సీరియల్. ఇక ఈరోజు మే 19 ఎపిసోడ్ లో ఏం జరిగిందో చూద్దాం. 

 ఎపిసోడ్ ప్రారంభంలో నందుని రెచ్చగొట్టేలాగా మాట్లాడుతుంది లాస్య. ఆయనని రెచ్చగొట్టొద్దు సమస్యని పరిష్కరించుకునే విధానం ఇది కాదు అంటుంది తులసి. నేను ఇలాగే మాట్లాడుతాను ఏం చేస్తాడు అంటూ పొగరుగా మాట్లాడుతుంది లాస్య. నువ్వు నా కళ్ళ ముందు ఉంటే ఏం చేస్తానో నాకే తెలియదు ముందు ఇక్కడి నుంచి వెళ్ళిపో అంటూ కోపంగా అరుస్తాడు నందు.

నేనేమీ నీతో ముచ్చట్లు పెట్టుకోడానికి రాలేదు కేఫ్ తాళాలు  చేతిలో పెట్టు నేను వెళ్ళిపోతాను అంటుంది లాస్య.దాంతో నీకేం సంబంధం అంటాడు నందు. అది నాది మర్యాదగా తాళాలు నా చేతికి ఇవ్వు అంటుంది లాస్య. చచ్చినా ఇవ్వను ఏం చేసుకుంటావో చేసుకో అంటాడు నందు. వాటిని ఎలా దగ్గించుకోవాలో నాకు తెలుసు అంటూ కోపంగా అక్కడి నుంచి వెళ్ళిపోతుంది  లాస్య.

 తను కేఫ్ దగ్గరికి వెళ్లి ఏమైనా చేయొచ్చు మీరు అక్కడికి వెళ్ళండి మనం దివ్య దగ్గరికి  తర్వాత వెళ్దాం అంటుంది తులసి. తను ఏమి చేయలేదు నాకు దివ్యని  చూడాలని ఉంది నువ్వు వస్తావా నన్ను వెళ్ళిపోమంటావా అని మొండిగా మాట్లాడుతాడు నందు. ఇక తప్పదన్నట్లు అతనితో బయలుదేరుతుంది తులసి. మరోవైపు దివ్యని దగ్గరికి తీసుకుంటాడు విక్రమ్.

 ముహూర్తం పెట్టకుండా ఇలాంటి పనులు చేస్తే బాగోదేమో ముహూర్తం విషయంలో మీ అమ్మగారిని గట్టిగా నిలదీయండి అంటుంది దివ్య. తను మాత్రం ఏం చేస్తుంది ముహూర్తాలు ఉండాలి కదా అంటాడు విక్రమ్. పోనీ మా అమ్మ వాళ్ళని పెట్టించమని చెప్పనా అంటుంది దివ్య. మా అమ్మ మీద నమ్మకం లేదా అంటాడు విక్రమ్. అలా అని కాదు కొందరు పేషెంట్లు ఒక డాక్టర్ దగ్గరికి చూపించుకొని మరొక డాక్టర్ దగ్గరికి సెకండ్ ఆప్షన్ కోసం వెళ్తారు.

ఎందుకంటే ఒక ధైర్యం కోసం అలాగే ఇది కూడా అంటుంది దివ్య. మా అమ్మని అడిగి చెప్తాము అంటాడు విక్రమ్.వాళ్ళు అలా మాట్లాడుకుంటూ ఉండగానే  రాజ్యలక్ష్మి విక్రమ్ ని పిలుస్తుంది. నా చెప్పులు తెగిపోయాయి అవి నాకు చాలా ఇష్టం పని వాళ్ళు ఎవరూ కనిపించడం లేదు అని చెప్తుంది. నేను కుట్టించుకొని  వస్తాను లేమ్మా అంటాడు విక్రమ్.

 పెళ్లికి ముందు అంటే పర్వాలేదు కానీ ఇప్పుడు నీకు పెళ్లయింది కదా ఇలాంటి పనులు చేయకూడదు అని మాటవరసకి అంటుంది రాజ్యలక్ష్మి. అప్పుడే అక్కడికి వచ్చిన దివ్యతో చూడు మా అమ్మ ఎలా అంటుందో  తల్లి చెప్పులు కొడుకు కుట్టిస్తే తప్పా అంటాడు విక్రమ్. మీ అమ్మగారు చెప్పారంటే అందులో అర్థం ఉంటుంది అయినా ఇలాంటి పనులన్నీ పనివాళ్ళు చేస్తారు అంటుంది  దివ్య.నువ్వు తల్లి కొడుకుకి గొడవ పెట్టే లాగా ఉన్నావు.

తల్లి చెప్పులు కొడుకు కుట్టిస్తే నామోషియా.. విక్రమ్ బాధ్యత గల కొడుకు ఇంతకుముందు కూడా విక్రమ్ చాలా సార్లు కుట్టించాడు అంటాడు బసవయ్య. అంతలోనే సంజయ్ అటుగా వెళుతుంటే నువ్వు బయటికి వెళ్తున్నావు కదా మీ అమ్మగారు అమ్మగారి చెప్పులు కుట్టించుకొని రా అంటుంది దివ్య. ఆ మాటలకి కోపంతో రగిలిపోయిన సంజయ్ పని వాళ్ళు చేయవలసిన పనులు నాతో చేయిస్తావా అంటూ కోప్పడతాడు.

బాబాయ్ గారు బాధ్యత అంటూ ఏదో అన్నారు ఇప్పుడేమంటారు నోరు పడిపోయిందా అంటూ నిలదీస్తుంది  దివ్య. బలే అడిగావ్ అమ్మ అంటూ ఆనందపడతాడు విక్రమ్ వాళ్ళ తాతయ్య. వాడు చదువుకున్నాడు చెప్పులు కుట్టించడానికి సిగ్గుపడుతున్నాడు అంటూ తమ్ముడిని  వెనకేసుకొస్తాడు విక్రమ్. ఇలాంటి పనులు చేయడానికి అయినా నువ్వు చదువు మానేసింది అంటూ నిలదీస్తుంది దివ్య.

ఆ ప్రశ్నకి అక్కడున్న అందరికీ మైండ్ బ్లాక్ అయిపోతుంది. అనవసరమైన రాద్ధాంతం వద్దు అంటూ దివ్య కి చెప్పి అక్కడ నుంచి వెళ్ళిపోతాడు విక్రమ్. మరోవైపు కారులో దివ్య ఇంటికి వస్తుంటారు నందు వాళ్లు. ఇంతలో కేపీ మేనేజర్ ఫోన్ చేసి లాస్ట్ ఏ మేడం వచ్చారు మీ క్యాబిన్ కీస్ అడుగుతున్నారు అని చెప్తాడు. మెడ పెట్టి బయటికి గెంటేయ్ కెఫేకి తనకి ఏ సంబంధం లేదు అని చెప్పి ఫోన్ పెట్టేస్తాడు నందు.

 ఇదే మూడ్ లో దివ్య వాళ్ళ ఇంటికి వెళ్తే బాగోదు. అక్కడ ఉండే తలనొప్పులు అక్కడ ఉన్నాయి ఏమాత్రం బయటపడకుండా మాట్లాడాలి అంటుంది తులసి. తులసి వాళ్ళు కారు దిగడం చూసిన రాజ్యలక్ష్మి వీళ్ళు మళ్ళీ మళ్ళీ ఇక్కడికి వస్తే నాకు తలనొప్పి అనుకుంటూ కిందికి వస్తుంది. మీరు వచ్చేటప్పుడు ఫోన్ చేయాలి కదా నాకు కాళీ లేదు నేను కొంచెం బిజీ అంటుంది రాజ్యలక్ష్మి.

 వాళ్లు మీ కోసం రాలేదు నా కోసం వచ్చారు అంటూ తల్లిని హత్తుకుంటుంది దివ్య. తరువాయి భాగంలో ఇంటికి వచ్చిన విక్రమ్ అత్తమామల్ని  పలకరిస్తాడు. అత్తయ్య పర్మిషన్ తీసుకోకుండా అమ్మానాన్న వాళ్ళని రమ్మన్నాను అంటుంది దివ్య. వాళ్లకి పర్మిషన్ ఏంటి అంటూ కోప్పడతాడు విక్రమ్. కొడుకు మాటలకి కోపంతో రగిలిపోతుంది రాజ్యలక్ష్మి.