సినిమాలకు దూరంగా టాలీవుడ్ హీరోయిన్, ఇప్పుడేం చేస్తోంది?
చాలామంది తారలు ఇండస్ట్రీలో వచ్చిన అవకాశాన్ని ఉపయోగించుకోలేక త్వరగా కెరీర్ కు వాళ్లే బ్రేక్ వేసుకుంటుంటారు. అవకాశాలు రాక సైలెంట్ గా సైడ్ అయిపోతుంటారు. అలాంటి ఓ టాలీవుడ్ హీరోయిన్ గురించి ఇప్పుడు చూద్దాం.
ఫిల్మ్ ఇండస్ట్రీలో అవకాశం కోసం ఎంతో మంది ఎన్నో ప్రయత్నాలు చేస్తుంటారు. అందరికి ఆ అదృష్టం దక్కదు. కాని వచ్చిన అవకాశాన్ని ఉపమోగించుకుని, నిలబెట్టుకుని స్టార్స్ గా మారినవారెందరో. కాని కొంత మంది మాత్రం లక్కీ ఛాన్స్ ను యూస్ చేసుకోలేక మధ్యలోనే డ్రాప్ అయిపోతుంటారు. హీరోయిన్ల విషయంలో కూడా ఇదే జరుగుతోంది. కెరీర్ బిగినింగ్ లో వరుస సినిమాలు చేసిన ఓ హీరోయిన్ ప్రస్తుతం కనిపించకుండాపోయింది. ఇంతకీ ఎవరా బ్యూటీ.
ఒక్క హిట్ సినిమా కోసం ఎదురు చూస్తూ ఉండే హీరోలు, హీరోయిన్ల సంఖ్య ఇండస్ట్రీలో చాలా ఎక్కువ. అలాంటి వారిలో సుధీర్ బాబు ఒకరు. హిట్‌లు ఫ్లాప్‌లు అని చూడకుండా మంచి మంచి కాన్సెప్ట్ లతో వరుస సినిమాలు చేస్తూ ఇండస్ట్రీలో తనకంటూ స్థానం ఏర్పరచుకునే ప్రయత్నంలో ఉన్నాడు సుధీర్.
ఎన్ని ప్రయత్నాలు చేసినా సాలిడ్ హిట్ మాత్రం అందుకోలేకపోతున్నాడు సుధీర్ బాబు. ఆయన నటించిన బ్లాక్ బస్టర్ హిట్ అంటే అది ప్రేమ కథా చిత్రం మూవీ ఒక్కటే అని చెప్పాలి. ఈసినిమాతో సుధీర్ బాబు మాత్రమే కాదు హీరోయిన్ గా నందిత రాజ్ కూడా స్టార్ అయ్యింది.
అయితే సుధీర్ బాబు నటించిన సినిమాల్లో 'ప్రేమకథ చిత్రం' మాత్రమే టక్కున గుర్తొచ్చే సూపర్ హిట్ మూవీగా నిలిచింది. మారుతి దర్శకత్వంలో వచ్చిన ఈ హారర్ కామెడీ చిత్రం 2013లో విడుదలై మంచి విజయం సాధించింది. ఈ సినిమాలో హీరోయిన్‌గా నందిత రాజ్ నటించింది.
కామెడీ ఆర్టిస్టుగా సప్తగిరి చేసిన పాత్ర సినిమాకు హైలెట్ అయ్యింది. హీరోయిన్ నందిత తన అందం, అభినయంతో యూత్ ను ఎంతగానో ఆకట్టుకుంది. ఈ సినిమాతో ఆమె తక్కువ సమయంలోనే ఎంతో మంది అభిమానులను సంపాదించుకుంది.
నందిత రాజ్ తొలిసారి హీరోయిన్‌గా నటించిన చిత్రం తేజ దర్శకత్వంలో వచ్చిన ‘నీకు నాకు డాష్ డాష్’. అయితే ఆమెకు నిజమైన గుర్తింపు మాత్రం ప్రేమకథ చిత్రంతోనే వచ్చింది. ఆ తరవాత ‘కృష్ణమ్మ కలిపింది నిన్ను నన్ను’ అనే చిత్రంలో మళ్లీ సుధీర్ బాబుతో కలిసి నటించింది. కానీ ఆ సినిమా పెద్దగా ఆకట్టుకోలేకపోయింది. ఫలితంగా ఆమెకు కొత్త అవకాశాలు తక్కువయ్యాయి.
ఆ తర్వాత కొంతకాలం గ్యాప్ తీసుకున్న నందిత, ఎన్టీఆర్ నటించిన ‘జై లవకుశ’ సినిమాలో ఓ చిన్న పాత్రలో కనిపించింది. ఆ తర్వాత ఈ హీరోయిన్ ఎక్కడా కనిపించలేదు. సినిమాలు కూడా చేయలేదు. ప్రస్తుతం నందిత రాజ్ ఏం చేస్తుందో కూడా తెలియదు. ఈమె ఇప్పుడు ఎక్కడ ఉంది? అని గూగుల్‌లో సర్చ్ చేసే వారి సంఖ్య పెరుగుతోంది.
ఇక నందిత సోషల్ మీడియాలో యాక్టివ్‌గా ఉండకపోవడంతో ఆమె ఏం చేస్తోంది అనే విషయం తెలియడంలేదు. నందిత రీసెంట్ా ఫోటోలు కూడా అంతగా కనిపించటం లేదు. అయితే నందిత పాత ఫోటోలు మాత్రం నెట్టింట చక్కర్లు కొడుతున్నాయి. తన కెరీర్ మొదట్లో మంచి స్పీడ్ అందుకున్నప్పటికీ, ఆశించిన స్థాయిలో అవకాశాలు రాకపోవడంతో నందిత ఇప్పుడు తెర వెనుకకి వెళ్లిపోయినట్టే కనిపిస్తోంది.ప్రస్తుతం నందిత రాజ్ ఎలాంటి ప్రాజెక్టుల్లో ఉన్నదీ స్పష్టత లేదు. అభిమానులు మాత్రం ఆమె మళ్లీ సినిమాల్లో నటించాలని ఆశిస్తున్నారు.
