- Home
- Entertainment
- Balakrishna: నందమూరి వంశాన్ని నడిపించవలసిన వారసుడు, జాతకం సరిగ్గా లేదా.. బాలకృష్ణ సంచలన వ్యాఖ్యలు
Balakrishna: నందమూరి వంశాన్ని నడిపించవలసిన వారసుడు, జాతకం సరిగ్గా లేదా.. బాలకృష్ణ సంచలన వ్యాఖ్యలు
నందమూరి బాలకృష్ణ తన కుమారుడు మోక్షజ్ఞ గురించి చేసిన వ్యాఖ్యలు వైరల్ అవుతున్నాయి. దీనితో నందమూరి వంశాన్ని నడిపించే వారసుడి విషయంలో అభిమానుల్లో చర్చ మొదలైంది.
Nandamuri Balakrishna
నందమూరి బాలకృష్ణ నేడు జూన్ 10న తన 65వ జన్మదిన వేడుకలు సెలెబ్రేట్ చేసుకుంటున్నారు. దీనితో సోషల్ మీడియాలో సినీ రాజకీయ ప్రముఖులు, అభిమానులు బాలకృష్ణకి పుట్టినరోజు శుభాకాంక్షలు తెలియాజేస్తున్నారు. ఈ సందర్భంగా బాలకృష్ణ గురించి కొన్ని ఆసక్తికర విషయాలు. ఆయన చేసిన వ్యాఖ్యలు సోషల్ మీడియాలో వైరల్ అవుతున్నాయి.
నందమూరి వంశాన్ని నడిపించవలసిన వారసుడు
బాలకృష్ణ ఓ ఇంటర్వ్యూలో మాట్లాడుతూ తన కుమారుడు నందమూరి మోక్షజ్ఞ ఎంట్రీ గురించి సంచలన వ్యాఖ్యలు చేశారు. మోక్షజ్ఞ ఎంట్రీ ఎప్పుడు అని ప్రశ్నించగా బాలయ్య ఇలా అన్నారు. త్వరలోనే ఆ టైం వస్తుంది. మోక్షజ్ఞ కోసం 4 కథలు రెడీగా ఉన్నాయి. అతను నందమూరి వంశాన్ని నడిపించవలసిన వారసుడు. మోక్షజ్ఞపై చాలాబాధ్యతలు ఉన్నాయి.
ఆస్ట్రాలజీని నమ్ముతా
కానీ దేనికైనా టైం రావాలి. నేను ఆస్ట్రాలజీని బలంగా నమ్ముతాను. మంచి టైం లోనే మోక్షజ్ఞ వస్తాడు. ఒక్కసారి వచ్చాక మోక్షజ్ఞ తప్పకుండా రాణిస్తాడు. అందులో ఎలాంటి సందేహం లేదు అని బాలయ్య అన్నారు. బాలయ్య ఆస్ట్రాలజీ గురించి ప్రస్తావించడంతో ఇప్పుడు మోక్షజ్ఞ జాతకంలో ఏదైనా సమస్య ఉందా.. అందుకే అతడిని లాంచ్ చేయడానికి బాలయ్య సరైన టైం కోసం ఎదురుచూస్తున్నారా అనే చర్చ అభిమానుల్లో మొదలయింది.
అభిమానుల్లో సరికొత్త చర్చ
నందమూరి వంశాన్ని నడిపించవలసిన వారసుడు అతడే అని బాలయ్య అనడం కూడా చర్చకు దారితీసింది. గతంలో మోక్షజ్ఞ ఎంట్రీ గురించి చాలా వార్తలు వచ్చాయి. హను మాన్ దర్శకుడు ప్రశాంత్ వర్మ దర్శకత్వంలో మోక్షజ్ఞ చిత్రం లాంచ్ అయినట్లు కూడా వార్తలు వచ్చాయి. కానీ ఆ ప్రాజెక్ట్ అటకెక్కింది. కారణాలు ఏంటో బయటకి రాలేదు.
బాలకృష్ణ తదుపరి చిత్రాలు
ఏళ్ళు గడుస్తున్నాయి కానీ మోక్షజ్ఞ తొలి చిత్రం మాత్రం ప్రారంభం కావడం లేదు. బాలకృష్ణ ప్రస్తుతం గోపీచంద్ మలినేని దర్శకత్వంలో ఓ చిత్రంలో నటిస్తున్నారు. అదే విధంగా కొరటాల శివ దర్శకత్వంలో కూడా ఒక మూవీ రాబోతున్నట్లు ప్రచారం జరుగుతోంది.
