నా సామిరంగ ప్రీమియర్ టాక్: పక్కా సంక్రాంతి సినిమా, నాగార్జున ఊరమాస్ జాతర!

నా సామిరంగ ప్రీమియర్స్ ఆలస్యంగా పడ్డాయి. దాంతో టాక్ లేటుగా వచ్చింది. మరి నా సామిరంగ సినిమా చూసిన ఆడియన్స్ అభిప్రాయం ఏమిటో చూద్దాం.. మెజారిటీ ఆడియన్స్ సినిమా పట్ల పాజిటివ్ గా స్పందిస్తున్నారు. నా సామిరంగ పక్కా సంక్రాంతి చిత్రం అంటున్నారు. 

నా సామిరంగ మలయాళ హిట్ మూవీ పొరింజు మరియం జోసే రీమేక్. అయితే ఒరిజినల్ కి చాలా మార్పులు చేశారు. తెలుగు నేటివిటీకి తగ్గట్లు కథలో మార్పులు చేయడం జరిగింది. నాగార్జున కిష్టయ్యగా ఊరమాస్ రోల్ చేశాడు. అల్లరి నరేష్ మరో కీలక రోల్ చేయడం జరిగింది. 

నా సామిరంగ మూడు పాత్రలు ప్రధానంగా సాగుతుంది. నాగార్జున, అల్లరి నరేష్, ఆషిక రంగనాథ్ ఆ పాత్రలు చేయడం జరిగింది. ఇక నా సామిరంగ విలేజ్ పొలిటిక్స్ నేపథ్యంలో సాగుతుంది. యాక్షన్, ఎమోషన్, రొమాన్స్ వంటి అంశాలతో తెరకెక్కించాడు. 

నాగార్జున క్యారెక్టరైజేషన్ సినిమాకు హైలెట్. కిష్టయ్య పాత్రలో ఆయన అద్భుతం చేశాడు. ఆయన లుక్, డైలాగ్స్, మేనరిజమ్స్ ఫ్యాన్స్ కి ఫీస్ట్. చాలా కాలం తర్వాత నాగార్జునకు సరిపోయే ఒక పక్కా మాస్ రోల్ లో దర్శకుడు ప్రజెంట్ చేశాడు. 
 

అల్లరి నరేష్, ఆషిక రంగనాథ్ కీలక రోల్స్ దక్కించారు. నాగార్జున తర్వాత కథలో ప్రాధాన్యత వీరిదే. తమ పాత్రకు వారు వంద శాతం న్యాయం చేశారన్న మాట వినిపిస్తోంది. కథలో వచ్చే మలుపు కూడా అలరిస్తాయట . కీరవాణి సంగీతం ప్రత్యేకం అంటున్నారు. 

మొత్తంగా నా సామిరంగ చిత్రం ఆకట్టుకుంది. దర్శకుడు విజయ్ బిన్నీ నాగార్జునను గొప్పగా ప్రజెంట్ చేశాడు అంటున్నారు. కాబట్టి ఈ సంక్రాంతి నాగార్జున అభిమానులకు మరింత పండగ తెచ్చిపెట్టింది.