KVV Review:'కృష్ణ వ్రింద విహారి' ట్విట్టర్ రివ్యూ.. నాగశౌర్య హిట్టు కొట్టాలంటే ఇవి సరిపోతాయా ?

యువ హీరో నాగశౌర్య టాలీవుడ్ లో హార్డ్ వర్కింగ్ హీరోగా గుర్తింపు తెచ్చుకున్నాడు. జయాపజయాలు పక్కన పెడితే సిల్వర్ స్క్రీన్ పై తన ప్రత్యేకత చాటుకోవాలని ప్రయత్నించే నటుడు నాగశౌర్య. నాగ శౌర్య ఖాతాలో ఊహలు గుసగుసలాడే, జ్యోఅచ్యుతానంద, ఛలో, అశ్వద్ధామ లాంటి విజయాలు ఉన్నాయి. అయితే నాగ శౌర్య ఛలో లాంటి సాలిడ్ హిట్ కోసం చాలా కాలంగా ప్రయత్నిస్తున్నాడు. నేడు నాగ శౌర్య నటించిన లేటెస్ట్ మూవీ 'కృష్ణ వ్రింద విహారి'తో ప్రేక్షకుల ముందుకు వచ్చేస్తున్నాడు. 

ఫ్యామిలీ ఎంటర్టైనర్ గా ఈ చిత్రం అనీష్ ఆర్ కృష్ణ దర్శకత్వంలో తెరకెక్కింది. యంగ్ బ్యూటీ షెర్లీ శేతి హీరోయిన్ గా నటించింది. ఇప్పటికే ఈ చిత్ర ప్రీమియర్ షోలు మొదలయ్యాయి. దీనితో ప్రేక్షకులు సోషల్ ట్విట్టర్ సినిమా గురించి తమ అభిప్రాయం తెలియజేస్తూ పోస్ట్ లు పెడుతున్నారు. నాగ శౌర్య తాను ఆశించిన హిట్ అందుకునే విధంగా ట్విట్టర్ లో రెస్పాన్స్ ఉందా లేదా ఇప్పుడు చూద్దాం. 

కృష్ణ వ్రింద విహారి చిత్రం ఫ్యామిలీ అండ్ లవ్ ఎంటర్టైనర్ గా తెరకెక్కింది. కాబట్టి ఫ్యామిలీ సన్నివేశాలు, ప్రేమ సన్నివేశాలు బలంగా ఉండాలి. లేదా కామెడీ కడుపుబ్బా నవ్వించాలి. కొత్తదనం లేని స్క్రీన్ ప్లే కథతో ఈ చిత్రం మొదలవుతుంది. బిగినింగ్ సీన్స్ లో కమెడియన్ సత్య కామెడీ ఆకట్టుకుంటుంది. ఆ తర్వాత దర్శకుడు ఎక్కువగా నాగ శౌర్య, షెర్లీ శేతి మధ్య ప్రేమ సన్నివేశాలకు సమయం కేటాయించారు. 

లవ్ సీన్స్ నార్మల్ గా అనిపిస్తాయి. సో కథనం ఫ్లాట్ గా సాగుతున్న ఫీలింగ్ ఉంటుంది అని ప్రేక్షకులు ట్విటర్ లో చెబుతున్నారు. దీనివల్ల కామెడీకి ఎక్కువగా స్కోప్ లేకుండా పోయింది అని అంటున్నారు. కథలో యూనిక్ పాయింట్ ఉన్నప్పటికీ దానిపై ఫోకస్ ఎక్కువగా లేదు. ఫస్ట్ హాఫ్ లో రెండు పాటల చిత్రీకరణ ఆకట్టుకుంటుంది. 

హీరో, హీరోయిన్ల లుక్స్ చాలా బావుంటాయి. కానీ అందుకు తగ్గట్లుగా లవ్ సీన్స్, రొమాన్స్ పండలేదు అని అంటున్నారు. మరికొందరు మాత్రం నాగ శౌర్య గత నాలుగైదు చిత్రాలతో పోల్చితే ఈ మూవీ చాలా బాగుంది అని అంటున్నారు. హాయిగా ఒక్కసారి చూసి ఎంజాయ్ చేసే విధంగా ఉందని అంటున్నారు. ఫస్ట్ హాఫ్ బావుంది. రొటీన్ కథ అయినప్పటికీ స్క్రీన్ ప్లే, బిజియం ఆకట్టుకుంటాయి అని అంటున్నారు. 

మరికొందరు అక్కడక్కడా కొన్ని కామెడీ సన్నివేశాలు బాగా వర్కౌట్ అయ్యాయి అంటున్నారు. సత్య, రాహుల్, బ్రహ్మాజీ ల కామెడీ బావుంటుంది అని అంటున్నారు. సెకండ్ హాఫ్ లో వచ్చే పాయింట్ ఇంటరెస్టింగ్ గా ఉంటుందని అంటున్నారు. 

మరికొందరు ఈ చిత్రం బిలో యావరేజ్ మూవీ అని తేల్చేస్తున్నారు. రోమ్ కామ్ గా తెరకెక్కిన ఈ చిత్రం ప్రేక్షకులకు పూర్తి స్థాయి సంతృప్తి ఇవ్వదు. కథలో వచ్చే లవ్ సీన్స్, ఫ్యామిలీ ఎమోషన్స్ బలవంతంగా ఉంటూ బోర్ కలిగిస్తాయి అని అంటున్నారు. ఈ చిత్రంలో ప్రధాన బలం కామెడీ మాత్రమే అని అంటున్నారు. 

హీరో, హీరోయిన్ల మధ్య వచ్చే కాన్ఫ్లిక్ట్ ని డీసెంట్ గా హ్యాండిల్ చేశారు. సినిమా టోగ్రఫీ చాలా బావుంటుంది. ఓవరాల్ గా ట్విట్టర్ లో కృష్ణ వ్రింద విహారి చిత్రానికి మిక్స్డ్ రెస్పాన్స్ వస్తోంది. ఈ టాక్ తో కృష్ణ వ్రింద విహారి చిత్రం బాక్సాఫీస్ వద్ద ఎలాంటి ఫలితాన్ని రాబడుతుందో చూడాలి.