డాక్టర్ పాపతో నాగ చైతన్య రొమాన్స్.. ఇప్పుడిదే హాట్ టాపిక్, వైరల్

అక్కినేని నాగ చైతన్య గురించి తరచుగా సోషల్ మీడియాలో చర్చ జరుగుతూనే ఉంది. సమంత తో విడిపోయాక చైతు తన ప్రాజెక్ట్స్ తో తాను బిజీ అయ్యాడు. ప్రస్తుతం నాగ చైతన్య తన కెరీర్ లోనే బిగ్గెస్ట్ ప్రాజెక్ట్ లో నటిస్తున్నాడు. చందూ ముండేటి దర్శకత్వంలో తండేల్ చిత్రంలో నాగ చైతన్య నటిస్తున్న సంగతి తెలిసిందే. 

ఒక వైపు క్రేజీ చిత్రాలు చేస్తూనే చైతు ప్రయోగాల బాట కూడా పడుతున్నాడు. ఈ క్రమంలో నాగ చైతన్య ఫ్యూచర్ ప్రాజెక్ట్స్ గురించి ఆసక్తికర వార్తలు వెలువడుతున్నాయి. నాగ చైతన్య దూత అనే వెబ్ సిరీస్ లో నటించిన సంగతి తెలిసిందే. విక్రమ్ కుమార్ దర్శకత్వంలో తెరకెక్కిన ఈ వెబ్ సిరీస్ సూపర్ సక్సెస్ అయింది. 

ప్రస్తుతం దూత 2 కి సన్నాహకాలు జరుగుతున్నాయట. సాధారణంగా బాలీవుడ్ వాళ్ళు చూపించినంత ఇంట్రెస్ట్ టాలీవుడ్ హీరోలు వెబ్ సిరీస్ లపై చూపించడం లేదు. కానీ నాగ చైతన్య దూత 2 కి కూడా ఒకే చెప్పడం ఇప్పుడు హాట్ టాపిక్ గా మారింది. 

దూత మొదటి భాగం కంటే దూత 2 విభిన్నంగా పూర్తిగా వేరే కథతో ఉండబోతోందట. ఈ వెబ్ సిరీస్ లో యువ డాక్టర్ లక్కీ ఛాన్స్ కొట్టేసినట్లు వార్తలు వస్తున్నాయి. ఆ డాక్టర్ భామ ఎవరో కాదు కామాక్షి భాస్కర్ల. టాలీవుడ్ లో కామాక్షి భాస్కర్ల వైవిధ్యమైన పాత్రలు ఎంచుకుంటోంది. 

ఆమె చివరగా పొలిమేర, పొలిమేర 2, విరూపాక్ష లాంటి చిత్రాల్లో నటించింది. సోషల్ మీడియాలో బోల్డ్ గా కనిపించే కామాక్షి భాస్కర్ల దూత 2 లో గ్లామర్ షోకి రెడీ అవుతున్నట్లు టాక్. 

దూత 2 కథ వైవిధ్యంగా ఉంటూనే రొమాంటిక్ సీన్స్ కూడా ఉండేలా డైరెక్టర్ విక్రమ్ కుమార్ రూపొందిస్తున్నారు. త్వరలో ఈ వెబ్ సిరీస్ కి సంబంధించిన పూర్తి వివరాలు వెలువడనున్నాయి. కామాక్షికి దూత 2 గోల్డెన్ ఆఫర్ అనే చెప్పాలి. కామాక్షి భాస్కర్ల వృత్తి రీత్యా డాక్టర్. కానీ ఆమె మోడలింగ్, నటనపై ఆసక్తితో టాలీవుడ్ లో ఎంట్రీ ఇచ్చారు.