మీడియా రంగంలోకి నాగబాబు.. మెగా బ్రదర్ ప్లాన్ మామూలుగా లేదుగా..?

మెగా బ్రదర్ నాగబాబు రీసెంట్ గా  N మీడియా ఎంటర్టైన్మెంట్స్ పేరుతో ఛానెల్స్ ను ప్రకటించిన సంగతి తెలిసిందే. ప్రస్తుతానికి ఎంటర్టైన్మెంట్ న్యూస్ తో పాటు భక్తి న్యూస్, హెల్త్ న్యూస్, వరకే పరిమితం అవ్వనున్నాయి  N మీడియా ఛానెల్స్. అందులోను  ఇంటర్వ్యూలు మాత్రమే  ఇవ్వనున్నారు. ఇక  భవిష్యత్తును దృష్టిలో పెట్టుకుని.. వీటి నుంచి  పొలిటికల్ న్యూస్ కూడా రాబోతున్నట్టు సమాచారం.  ప్రస్తుతానికి యూట్యూబ్ ఛానల్స్ తో ఈ N మీడియా రన్ అవ్వనుంది. త్వరలో శాటిలైట్ ఛానెల్ గా తీసుకువచ్చే అవకాశం ఉన్నట్టు  తెలుస్తోంది. 

ఈక్రమంలో తాజాగా  N మీడియా  సంస్థ కోసం ఓ కొత్త ఆఫీస్ ని ఓపెన్ చేసారు నాగబాబు. ఈ ఆఫీస్ ఓపెనింగ్ ను ఆయన భార్య, కూతురు నిహారిక కలిసి చేశారు.  నాగబాబు జనసేన పార్టీకి సబంధించని  పనుల్లో బిజీగా ఉండటంతో ఆయన ఈ ఓపెనింగ్ కు  రాలేకపోయారు.  ఈ ఆఫీస్ ఓపెనింగ్ వీడియోని తమ యూట్యూబ్ ఛానల్ లో పోస్ట్ చేసారు. ఈ వీడియోలో ఆఫీస్ ఓపెనింగ్, ఆఫీస్ ఎలా ఉందో చూపించారు. 
 

ఇక ఆఫీస్ లో ప్రత్యేకలు చాలా కనిపించాయి. ఆఫీస్ గోడల మీద మెగా ప్యామిలీకి సబంధించిన  సినిమా పేర్లు, మెగా ఫ్యామిలీ సినిమాల పోస్టర్లతో పాటు.. ప్రత్యేకమైన పిక్స్ అభిమానులను ఆకర్శించాయి. అందులోను ఓ అభిమాని గీసి పవన్ కళ్యాణ్  స్కెచ్ ఫోటో ఫ్రేమ్ ప్రత్యేకంగా కనిపిస్తోంది. దీనితో పాటు నాగబాబు ఫోటో కూడా ప్రత్యేక ఆకర్శణగా నిలుస్తోంది. 
 

ఇక త్వరలో ఈ చానెల్ నుంచి న్యూస్ కూడా బయటకు రాబోతుండగా.. ఇది జనసేన సపోర్ట్ గా ఉండబోతుందని తెలుస్తోంది. ఇప్పటికే చాలా వరకూ అన్ని పార్టీలకు సపోర్ట్ చేసే మీడియా ఉంది. ఇక ఈ ఎన్ మీడియా జనసేన సపోర్ట్ గా నడిచే అవకాశాలుఉన్నట్టు తెలుస్తోంది. ఇక ఈ మీడియా ఆఫీస్ వీడియో వైరల్ అవుతుండగా.. అభిమానుల నుంచి రకరకాల కామెంట్లు వినిపిస్తున్నాయి. ఈ వీడియో చూసి పవన్ ఫ్యాన్స్ సంతోషం వ్యక్తం చేస్తున్నారు.