Mufasa OTT: `ముఫాసా: లయన్ కింగ్` ఓటీటీలో వచ్చేది ఎప్పుడంటే?

Mufasa OTT: డిస్నీ `ముఫాసా: ది లయన్ కింగ్` 2024లో ఎంతో ఆసక్తిగా ఎదురుచూసిన చిత్రాలలో ఒకటి. బారీ జెంకిన్స్ రూపొందించిన ఈ మ్యూజికల్ లైవ్-యాక్షన్ డ్రామా డిసెంబర్ 9, 2024న లాస్ ఏంజిల్స్‌లోని డాల్బీ థియేటర్‌లో ప్రపంచ వ్యాప్తంగా విడుదలైంది.

ఆ తర్వాత, ఇది డిసెంబర్ 20న యునైటెడ్ స్టేట్స్‌లో విడుదలై భారీ బాక్సాఫీస్ వసూళ్లను సాధించింది. ఇది ప్రపంచవ్యాప్తంగా దాదాపు 653 మిలియన్ USD వసూలు చేసింది. ఈ చిత్రం త్వరలో OTTలో చూడటానికి అందుబాటులో ఉంటుందని తెలుసుకుని అభిమానులు సంతోషిస్తారు.

సాహసోపేత సంగీత చిత్రం ముఫాసా: ది లయన్ కింగ్ ఫిబ్రవరి 18 నుండి డిస్నీ+ హాట్‌స్టార్‌లో ఓటీటీలో స్ట్రీమింగ్‌ కానుంది. అయితే దీన్ని మనీ పే చేసి చూడాల్సి ఉంటుంది. ఆ తర్వాత  ఏప్రిల్ 1 నుండి  దీన్ని ఉచితంగా యాక్సెస్ చేయనున్నారు.

`ముఫాసా: ది లయన్ కింగ్ ` అనేది వాల్ట్ డిస్నీ యానిమేషన్ స్టూడియోస్ కి చెందిన లైవ్-యాక్షన్ ఫిల్మ్. 2019 కథనం సింబా రాజు కావడానికి దారితీసిన మార్గాన్ని వివరిస్తుండగా, 2024 ప్రీక్వెల్ ముఫాసా చిన్ననాటి జీవితాన్ని తెలియజేస్తుంది. 

ఈ సాహస చిత్రం ముఫాసా చిన్ననాటి జీవితం, సంబంధాలు, ప్రైడ్ ల్యాండ్స్ రాజుగా అతని ఎదుగుదల గురించి తెలియజేస్తుంది. అదే సమయంలో స్నేహితులైనా టాకా, ముఫాసా  సింహాసనం కోసం పోటీ కారణంగా శత్రువులుగా మారతారు.  అయితే ప్రేమ వీరిద్దరి మధ్య చిచ్చు పెడుతుంది. ఈ క్రమంలో ప్రత్యర్థులను ఎదుర్కొనే క్రమంలో ముఫాసా చూపించిన ధైర్యాసాహసాలు, పోరాట తత్వం దాన్ని రాజగా మారుస్తుంది. 

తెలుగులో ముఫాసాకి మహేష్‌ బాబు డబ్బింగ్‌ చెప్పగా, టాకాకి సత్యదేవ్‌ డబ్బింగ్‌ చెప్పారు. ముంగీసకి బ్రహ్మానందం, ఉడుతకి అలీ డబ్బింగ్‌ చెప్పడం విశేషం.  ప్రపంచవ్యాప్త ప్రేక్షకులను లక్ష్యంగా చేసుకుని డిస్నీ చిత్రం హిందీ, తమిళం, తెలుగు భాషల్లో విడుదలైంది. హిందీలో షారుఖ్ ఖాన్ ముఫాసా ది లయన్ కింగ్‌లో కీలక పాత్ర ముఫాసాకు గాత్రదానం చేశాడు, 

వీరితోపాటు షారూఖ్‌ పిల్లలు ఆర్యన్ ఖాన్, అబ్రామ్ వరుసగా సింబా, యంగ్ ముఫాసాగా వినిపించారు. ఇతర తారాగణంలో సంజయ్ మిశ్రా, ఆశిష్ విద్యార్థి, శ్రేయాస్ తల్పాడే ఉన్నారు. 

read  more: నెట్‌ఫ్లిక్స్‌లో ఈ ఏడాది రాబోతున్న సినిమాలు, సిరీస్‌లు.. లిస్ట్ లో వెంకీ, కీర్తిసురేష్‌, నయనతార మూవీస్‌

also read: 60 ఏళ్ల వయసులో 300కోట్ల కలెక్షన్లు రాబట్టిన సౌత్‌ హీరోలు ఎవరో తెలుసా? తెలుగులో ఒకే ఒక్కరు