- Home
- Entertainment
- National Awards: అత్యధిక నేషనల్ అవార్డులు గెలిచిన 9 మంది స్టార్స్ వీళ్లే.. టాప్లో మన సౌత్ యాక్టర్
National Awards: అత్యధిక నేషనల్ అవార్డులు గెలిచిన 9 మంది స్టార్స్ వీళ్లే.. టాప్లో మన సౌత్ యాక్టర్
National Awards: భారతీయ సినిమాలో అత్యధిక జాతీయ అవార్డులు గెలుచుకున్న 9 మంది గొప్ప నటుల గురించి మీకు తెలుసా? ఈ లిస్ట్లో బాలీవుడ్ దిగ్గజాలతో పాటు సౌత్ ఇండియా నుంచి ప్రకాష్ రాజ్ కూడా టాప్ పొజిషన్లో ఉండటం విశేషం.
జాతీయ అవార్డులను కొల్లగొట్టిన ఆ 9 మంది స్టార్స్
భారతీయ సినిమా రంగంలో ప్రతి నటీనటులకు, టెక్నీషియన్కు నేషనల్ ఫిల్మ్ అవార్డు అందుకోవాలనేది జీవితాంతం గుర్తుండిపోయే కల. అయితే, కొందరు నటులు ఒకటి కాదు, రెండు కాదు.. ఏకంగా ఐదు, ఆరుసార్లు ఈ అవార్డును గెలుచుకున్నారు. నటనకే కాకుండా, సినిమా నిర్మాణానికి కూడా జాతీయ అవార్డులు అందుకున్న ఆ 9 మంది స్టార్స్ ఎవరో ఇప్పుడు చూద్దాం. ఈ లిస్ట్లో మనందరికీ తెలిసిన, మన తెలుగులో కూడా నటించిన ప్రకాష్ రాజ్ టాప్ 3లో ఉండటం విశేషం!
అమితాబ్ బచ్చన్ - షబానా అజ్మీ
ఈ లిస్ట్లో మొదటి స్థానం బాలీవుడ్ బిగ్ బి అమితాబ్ బచ్చన్దే. 'సాత్ హిందుస్తానీ' (తొలి చిత్రం), 'అగ్నిపథ్', 'బ్లాక్', 'పా' (నటుడు, నిర్మాతగా), 'పీకు' చిత్రాలకు గాను మొత్తం 6 జాతీయ అవార్డులు అందుకున్నారు. ఈయనకు దేశ సినీ రంగంలో అత్యున్నత పురస్కారమైన దాదాసాహెబ్ ఫాల్కే అవార్డు కూడా లభించింది.
భారతదేశంలోని గొప్ప నటీమణులలో ఒకరైన షబానా అజ్మీ.. 'అంకుర్', 'అర్థ్', 'ఖాందర్', 'పార్', 'గాడ్మదర్' చిత్రాల్లో తన అద్భుత నటనకు 5 సార్లు 'ఉత్తమ నటి'గా జాతీయ అవార్డు గెలుచుకుని చరిత్ర సృష్టించారు.
మన ప్రకాష్ రాజ్! (5 అవార్డులు)
బెంగళూరులో పుట్టి పెరిగి, నాటకరంగం నుంచి వచ్చి బహుభాషా నటుడిగా ఎదిగిన ప్రకాష్ రాజ్ మొత్తం 5 జాతీయ అవార్డులను గెలుచుకున్నారు. కేవలం నటుడిగానే కాకుండా, స్పెషల్ జ్యూరీ అవార్డుతో పాటు ఉత్తమ చిత్ర నిర్మాతగా కూడా ఆయన అవార్డు అందుకోవడం గమనార్హం.
పుట్టక్కన హైవే (2010, కన్నడ) - ఉత్తమ కన్నడ చిత్రం (నిర్మాతగా)
ఇరువర్ (1997, తమిళం) - ఉత్తమ సహాయ నటుడు
అంతఃపురం (1998, తెలుగు) - ప్రత్యేక ప్రశంస (Special Mention)
ధయా (2002, తమిళం) - స్పెషల్ జ్యూరీ అవార్డు
కంచివరం (2007, తమిళం) - ఉత్తమ నటుడు
కమల్ హాసన్ -ధనుష్
తమిళ 'విశ్వనాయకుడు' కమల్ హాసన్ బాలనటుడిగా ఒక అవార్డు, 'మూండ్రమ్ పిరై' (వసంత కోకిల), 'నాయకన్' (నాయకుడు), 'ఇండియన్' (భారతీయుడు) చిత్రాలకు ఉత్తమ నటుడిగా, 'తేవర్ మగన్' (క్షత్రియ పుత్రుడు) చిత్రానికి నిర్మాతగా మొత్తం 5 అవార్డులు గెలుచుకున్నారు.
తమిళ వర్సటైల్ స్టార్ ధనుష్.. 'ఆడుకళం' (పందెం కోళ్లు), 'అసురన్' చిత్రాలకు ఉత్తమ నటుడిగా, 'కాక ముట్టై', 'విసారణై' చిత్రాలకు సహ-నిర్మాతగా మొత్తం 4 అవార్డులు తన ఖాతాలో వేసుకున్నారు.
మోహన్లాల్ - మమ్ముట్టి
మలయాళ చిత్రసీమ 'కంప్లీట్ యాక్టర్' మోహన్లాల్.. 'కిరీడం', 'భారతం', 'వానప్రస్థం' (నటుడు, నిర్మాతగా) చిత్రాలతో పాటు స్పెషల్ జ్యూరీ అవార్డుతో కలిపి మొత్తం 5 జాతీయ అవార్డులు అందుకున్నారు.
మలయాళ మెగాస్టార్ మమ్ముట్టి.. 'ఒరు వడక్కన్ వీరగాథ', 'విధేయన్', 'డా. అంబేద్కర్', ఇటీవల వచ్చిన 'భ్రమయుగం' చిత్రాల్లోని నటనకు గాను 4 సార్లు ఉత్తమ నటుడి అవార్డును గెలుచుకున్నారు.
అజయ్ దేవగన్ - కంగనా రనౌత్
బాలీవుడ్ 'సింగం' అజయ్ దేవగన్.. 'జఖ్మ్', 'ది లెజెండ్ ఆఫ్ భగత్ సింగ్', 'తానాజీ' (నటుడు, నిర్మాతగా) చిత్రాలకు గాను 4 జాతీయ అవార్డులు గెలుచుకున్నారు.
ఈ జాబితాలో ఉన్న మరో నటి కంగనా. 'ఫ్యాషన్' చిత్రానికి ఉత్తమ సహాయ నటిగా, 'క్వీన్', 'తను వెడ్స్ మను రిటర్న్స్', 'మణికర్ణిక & పంగా' చిత్రాల్లోని నటనకు గాను మొత్తం 4 జాతీయ అవార్డులు అందుకున్నారు.
