28 కోట్ల బడ్జెట్, 200 కోట్లు వసూలు చేసిన సస్పెన్స్ థ్రిల్లర్ మూవీ ఏదో తెలుసా ?
కేవలం 28 కోట్ల బడ్జెట్ తో తెరకెక్కిన సినిమా దేశ వ్యాప్తంగా సంచలనంగా మారింది. బాక్సాఫీస్ దగ్గర భారీ వసూళ్లను రాబడుతోంది. 200 కోట్లకుపైగా వసూళ్లను సాధించింది ఈ సినిమా. ఇంతకీ ఏంటా మూవీ?
కేవలం 28 కోట్ల బడ్జెట్ తో తెరకెక్కిన సినిమా దేశ వ్యాప్తంగా సంచలనంగా మారింది. బాక్సాఫీస్ దగ్గర భారీ వసూళ్లను రాబడుతోంది. 200 కోట్లకుపైగా వసూళ్లను సాధించింది ఈ సినిమా. ఇంతకీ ఏంటా మూవీ?
thudarum movie mohanlal
తాజాగా విడుదలైన మలయాళ సస్పెన్స్ థ్రిల్లర్ చిత్రం తుడరుమ్ బాక్సాఫీస్ వద్ద సంచలన విజయం సాధించింది. స్టార్ హీరో మోహన్ లాల్ ప్రధాన పాత్రలో నటించిన ఈ చిత్రం ఏప్రిల్ 25న మలయాళం తో పాటు తెలుగు భాషల్లో విడుదలైంది. రిలీజ్ సమయంలో పెద్దగా అంచనాలు లేకపోయినా, మొదటి షో నుంచే ఈ మూవీ పాజిటివ్ టాక్ సంపాదించగా, ఇప్పుడు 200 కోట్ల వసూళ్లు రాబట్టి ట్రేడ్ వర్గాలను ఆశ్చర్యానికి గురిచేసింది.
ఈ సినిమాను మలయాళ దర్శకుడు తరుణ్ మూర్తి తెరకెక్కించాడు. 'దృశ్యం' తరహాలోనే సస్పెన్స్, క్రైమ్, థ్రిల్లింగ్ ఎలిమెంట్లతో రూపొందిన ఈ చిత్రంలో మోహన్ లాల్కు జంటగా శోభన నటించింది. చిత్ర కథనం, పరిణామాలు ప్రేక్షకులను ఆకట్టుకోవడంతో పాటు మలయాళం మార్కెట్లో ఇప్పటికీ హౌస్ఫుల్ షోలు కొనసాగుతున్నాయి. తెలుగులోనూ ఈ సినిమా మంచి కలెక్షన్లు రాబట్టినట్లు ట్రేడ్ విశ్లేషకులు చెబుతున్నారు.
తుడరుమ్ డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్ఫార్మ్ జియో హాట్స్టార్ కొనుగోలు చేసింది. థియేటర్లో రిలీజ్ అయిన నెలరోజుల తర్వాత అంటే మే 23 లేదా మే 30 తేదీల్లో ఈ సినిమాను ఓటీటీలో విడుదల చేయాలన్న ప్లాన్ ఉంది. అయితే ప్రస్తుతం సినిమాకు థియేటర్లలో ఇంకా బలమైన వసూళ్లు వస్తున్నందున, ఓటీటీ రిలీజ్లో ఆలస్యం కూడా అయ్యే అవకాశాలు ఉన్నట్లు తెలుస్తోంది.
ఈ నేపథ్యంలో, తుడరుమ్ సినిమాను ఓటీటీలో చూడాలనుకుంటున్న వీక్షకులు అధికారిక ప్రకటన కోసం ఎదురు చూస్తున్నారు. త్వరలో జియో హాట్స్టార్ ఈ విషయంపై స్పష్టత ఇవ్వనుంది. సినిమాకు దేశవ్యాప్తంగా వస్తున్న స్పందనను చూసితే, ఓటీటీ ప్లాట్ఫార్మ్లో కూడా ఇది మంచి హిట్ అవుతుందన్న అంచనాలు ఉన్నాయి.
