డిజైనర్ వేర్లో కొత్త పెళ్లి కూతురు.. ప్రారంభమైన రానా పెళ్లి సంబరాలు
రానా, మిహీకాలపెళ్లి ఏర్పాట్లు చకచకా జరిగిపోతున్నాయి. ఈ నేపథ్యంలో తాజాగా వధువు మిహీకా బజాజ్ ఇంట్లో హల్దీ వేడుక ఘనం జరిగింది. ఈ వేడుకకు సంబంధించిన ఫోటోలో సోషల్ మీడియాలో వైరల్గా మారాయి. ఈ సెలబ్రేషన్లో మిహీకా ఎల్లో, గ్రీన్ కలర్ కాంబినేషన్లో డిజైన్ చేసిన లెహంగాలో సందడి చేసింది.
టాలీవుడ్ హంక్ రానా దగ్గుబాటి మరో రెండు రోజుల్లో ఓ ఇంటి వాడు కాబోతున్నాడు. చాలా ఏళ్లు పెళ్లి మాట ఎత్తితే తప్పించుకుంటూ వస్తున్న ఈ కండల వీరుడు, లాక్ డౌన్ సమయంలో తన ప్రియురాలిని అభిమానులకు పరిచయం చేశాడు. ప్రముఖ బిజినెస్ ఉమెన్ మిహీకా బజాజ్తో ప్రేమలో ఉన్నట్టుగా ప్రకటించాడు రానా. ఈ జంట తమ ప్రేమను వెల్లడించిన వెంటనే ఇరు కుటుంబాలు పెళ్లి ఏర్పాట్లు ప్రారంభించాయి.
కొద్ది రోజుల క్రితమే రోకా వేడుకను ఘనంగా నిర్వహించారు. పెళ్లి సాధారణ పరిస్థితులు ఏర్పడిన తరువాత చేయాలని భావించినా.. ఇప్పట్లో ఆ పరిస్థితి కనిపించకపోవటంతో అతి కొద్ది మంది అతిథుల మధ్య కోవిడ్ నింబంధలను పాటిస్తూ రామానాయుడు స్టూడియో పెళ్లి చేయాలని నిర్ణయించారు. ఆగస్టు 8న రానా దగ్గుబాటి, మిహీకా బజాజ్లు ఒక్కటవ్వబోతున్నారు.
ఇప్పటికే పెళ్లి ఏర్పాట్లు చకచకా జరిగిపోతున్నాయి. ఈ నేపథ్యంలో తాజాగా వధువు మిహీకా బజాజ్ ఇంట్లో హల్దీ వేడుక ఘనం జరిగింది. ఈ వేడుకకు సంబంధించిన ఫోటోలో సోషల్ మీడియాలో వైరల్గా మారాయి. ఈ సెలబ్రేషన్లో మిహీకా ఎల్లో, గ్రీన్ కలర్ కాంబినేషన్లో డిజైన్ చేసిన లెహంగాలో సందడి చేసింది. మిహీకా ధరించిన ప్రత్యేకంగా డిజైన్ చేసి సీ షెల్స్ ఆభరణాలు ప్రత్యేక ఆకర్షణగా నిలిచాయి.
ఇక పెళ్లి ఏర్పాట్లలో భాగంగా వేడుకకు సంబంధించిన అందరికీ కరోనా పరీక్షలు చేయిస్తున్నట్టుగా తెలుస్తోంది. చెఫ్లు, సర్వర్లతో పాటు అతిథులకు కూడా కరోనా పరీక్షలు చేస్తారన్న టాక్ వినిపిస్తోంది. అయితే ఈ వార్తలపై దగ్గుబాటి ఫ్యామిలీ ఎలాంటి ప్రకటనా చేయలేదు.