పెళ్లిలోనే అవమానాలు, నాగ చైతన్య హీరోయిన్ ఆవేదన.. సర్ప్రైజ్ చేసిన నయనతార, విగ్నేష్

అక్కినేని నాగచైతన్య నటించిన సాహసం శ్వాసగా సాగిపో చిత్రం గుర్తుందిగా. గౌతమ్ వాసుదేవ్ మీనన్ దర్శకత్వంలో వచ్చిన ఈ చిత్రం ఆశించిన ఫలితం ఇవ్వలేదు. ఈ చిత్రంతో టాలీవుడ్ లోకి ఎంట్రీ ఇచ్చింది మలయాళీ బ్యూటీ మంజిమ మోహన్. రీసెంట్ గా మంజిమ మోహన్ పెళ్లి పీటలు ఎక్కింది. 

యువ నటుడు గౌతమ్ కార్తీక్ ని మంజిమ వివాహం చేసుకుంది. మణిరత్నం కడలి చిత్రంతో గౌతమ్ కార్తీక్ హీరోగా పరిచయం అయ్యాడు. మంజిమ, కార్తీక్ ఇద్దరూ కలసి దేవరట్టం అనే చిత్రంతో నటించారు. అలా ఏర్పడ్డ పరిచయం ప్రేమగా మారడంతో మంజిమ, గౌతమ్ కార్తీక్ తమ రిలేషన్ ని నెక్స్ట్ లెవల్ కి తీసుకువెళ్లారు. 

90వ దశకంలో అభినందన, అన్వేషణ లాంటి చిత్రాలతో అలరించిన హీరో కార్తీక్ తనయుడే ఈ గౌతమ్ కార్తీక్. తండ్రి బాటలోనే గౌతమ్ కూడా హీరో అయ్యాడు. కడలి చిత్రంతో గౌతమ్ కార్తీక్ సైమా, ఫిలిం ఫేర్ అవార్డులు అందుకున్నాడు.  ఈ యువ జంట వివాహం చెన్నైలో బంధు మిత్రుల సమక్షంలో ఘనంగా జరిగింది. సెలెబ్రిటీలు, అభిమానుల నుంచి మంజిమ, గౌతమ్ కార్తీక్ జంటకు శుభాకాంక్షలు వెల్లువెత్తుతున్నాయి. 

అయితే పెళ్లి వేడుకలోనే తనకి అవమానాలు మొదలయ్యాయని మంజిమ మోహన్ ఆవేదన వ్యక్తం చేసింది. అధిక బరువు కారణంగా మంజిమ చాలా కాలంగా కామెంట్స్ ఎదుర్కొంటోంది. మొదట్లో ఆ కామెంట్స్ కి చాలా బాధగా అనిపించేదట. పెళ్లి లో కూడా కొందరు వధువు చాలా లావుగా ఉంది అని కామెంట్స్ చేశారట. కానీ నేను ఇప్పుడు బాధపడడం లేదు. 

నా వరకు నేను ఫిట్ గా ఉన్నాను. లావు తగ్గాలని అనిపించినప్పుడు మాత్రమే తగ్గుతాను. ఎవరి విమర్శలని పట్టించుకోను అని మంజిమ పేర్కొంది. ప్రముఖ సెలెబ్రిటీల నుంచి మంజిమ, కార్తీక్ దంపతులకు శుభాకాంక్షలు, గిఫ్ట్స్ వెల్లువెత్తుతున్నాయి. హీరో జీవా, ఆది పినిశెట్టి, ఐశ్వర్య రజనీకాంత్, విక్రమ్ ప్రభు లాంటి సెలెబ్రిటీలు మంజిమ, గౌతమ్ వివాహానికి హాజరయ్యారు. 

అయితే నయనతార, విగ్నేష్ శివన్ దంపతులు కొత్త జంటని సర్ప్రైజ్ చేశారు. నయన్, విగ్నేష్.. మంజిమ, కార్తీక్ లకు అందమైన బొకే, కేక్ బహుమతిగా పంపారు. గిఫ్ట్స్ పై రాసిన లేఖలో.. డియర్ మంజిమ, గౌతమ్ మీరు జీవితాంతం సంతోషంగా ఉండాలి. విక్కీ నయన్ ల నుంచి మీకు ప్రేమ అని రాసి ఉంది. నయనతార, విగ్నేష్ ఇచ్చిన సర్ప్రైజ్ కి ఈ కొత్త జంట థ్రిల్ అయ్యారు.