రాంచరణ్ బర్త్ డే వేడుకల్లో చిరు, మోహన్ బాబు గొడవల గురించి ఇలా.. స్టేజీపై కుండబద్దలు కొట్టేసిన మంచు మనోజ్

గ్లోబల్ స్టార్ గా ఎదిగిన రాంచరణ్ బర్త్ డే సెలెబ్రేషన్స్ అంబరాన్ని అంటేలా సాగుతున్నాయి. మెగా ఫ్యాన్స్ ఆధ్వర్యంలో చరణ్ బర్త్ డే వేడుకల కోసం గ్రాండ్ ఈవెంట్ నిర్వహించారు. 

గ్లోబల్ స్టార్ గా ఎదిగిన రాంచరణ్ బర్త్ డే సెలెబ్రేషన్స్ అంబరాన్ని అంటేలా సాగుతున్నాయి. మెగా ఫ్యాన్స్ ఆధ్వర్యంలో చరణ్ బర్త్ డే వేడుకల కోసం గ్రాండ్ ఈవెంట్ నిర్వహించారు. ఈ ఈవెంట్ కి బుల్లితెర సెలెబ్రిటీలు, బిగ్ బాస్ సెలెబ్రిటీలు. టాలీవుడ్ నుంచి ప్రముఖులు హాజరయ్యారు. 

ఈ ఈవెంట్ కి మంచు ఫ్యామిలీ నుంచి మంచు మనోజ్ అతిథిగా హాజరు కావడం చిన్న సర్ప్రైజ్ అనే చెప్పాలి. ఈ ఈవెంట్ లో మంచు మనోజ్ ఫుల్ జోష్ లో కనిపిస్తూ తన ప్రసంగంలో ఆసక్తికర వ్యాఖ్యలు చేశాడు. చెన్నైలో ఉన్నప్పుడు మా ఇళ్లన్నీ పక్కపక్కనే ఉండేవి. దీనితో అందరం కలిసి మెలిసి పెరిగాం. 

చిన్నప్పటి ఫ్రెండ్స్ ఎవ్వరినీ రాంచరణ్ మరచిపోలేదు. అందరిని గుర్తుపెట్టుకున్నాడు. ఇక రాంచరణ్ ఎవరైనా ఆపదలో ఉన్నారని తెలిస్తే వెంటనే ఆదుకుంటాడు. ఆ గుణం చాలా తక్కువ మందికి ఉంటుంది అని మంచు మనోజ్ తెలిపాడు. దుబాయ్ లో ఒక తెలుగు ఆడపిల్లకి కష్టం వచ్చింది. ఇమిగ్రేషన్ సమస్య వచ్చి ఫ్యామిలీ మొత్తాన్ని లాక్ చేసేశారు. 

నాకు వీలైనంత వరకు సహాయం చేశాను. ఇంకా కావాలి. ఎవరిని అడగాలి అని ఆలోచిస్తుండగా రాంచరణ్ గుర్తుకు వచ్చాడు. వెంటనే ఫోన్ చేశాను.. మిత్రమా దుబాయ్ లో ఒక ఆడపిల్ల కష్టాల్లో ఉంది.. వెంటనే 5 లక్షలు కావాలి అని అడిగా. అకౌంట్ నంబర్ పంపు బాబాయ్ అని చెప్పాడు. అకౌంట్ నెంబర్ పంపగానే క్షణాల వ్యవధిలో 5 లక్షల సాయం చేశాడు అని మంచు మనోజ్ గుర్తు చేసుకున్నారు. 

ఆ తర్వాత మంచు ఫ్యామిలీ, మెగా ఫ్యామిలీ మధ్య ఉన్న విభేదాల గురించి వేదికపై మనోజ్ ఓపెన్ గా సంచలన వ్యాఖ్యలు చేశారు. నేను ఈ ఈవెంట్ కి వస్తూ ఉంటే కొందరు మిత్రులు అడిగారు. మీ నాన్న మోహన్ బాబు గారు.. వాళ్ళ నాన్న చిరంజీవి గారు ఎప్పుడూ గొడవపడుతుంటారు.. మళ్ళీ కలసి పోతుంటారు. కానీ నువ్వు మాత్రం చరణ్ తో స్నేహంగా ఉంటున్నావేంటి అని అడిగారు. 

నేను ఒక్కటే సమాధానం ఇచ్చా. భార్య భర్తలు గొడవపడుతుంటారు కలసిపోతుంటారు.. దాని గురించి బయటి వాళ్ళు మాట్లాడకూడదు. చిరంజీవి గారు.. మోహన్ బాబు గారు క్యూట్ టామ్ అండ్ జెర్రీ అని అభివర్ణించారు. మెగా ఫ్యామిలీ, మంచు మధ్య రిలేషన్ ఫిష్ అండ్ వాటర్ లాగా ఉండాలి.. ఫిష్ అండ్ ఫిషర్ మాన్ లాగా కాదు అంటూ డైలాగ్ చెప్పి అలరించాడు.