అర్భాజ్ ఖాన్ తో పెళ్లి, పిల్లల్ని కనడం వల్ల మలైకా కెరీర్ పై ఎఫెక్ట్ పడిందా.. సైలెన్స్ బ్రేక్ చేసిన నటి

24 ఏళ్ల వయసులోనే సల్మాన్ ఖాన్ సోదరుడు అర్భాజ్ ఖాన్ ని వివాహం చేసుకున్న మలైకా అరోరా కోన్నేళ్ల క్రితం అతడి నుంచి విడిపోయింది. 

ఐటెం సాంగ్స్ తో ఒక ఊపు ఊపిన మలైకా ప్రస్తుతం ఫోటో షూట్స్ తో కుర్రాళ్లకు పిచ్చెక్కిస్తోంది. 48 ఏళ్ల వయసున్న ఈ సీనియర్ ఐటెం బ్యూటీ గ్లామర్ కు బిటౌన్ జనాలు ముక్కున వేలేసుకుంటున్నారు. అలాంటి మలైకా అరోరా జీవితంలో కూడా ఒడిదుడుకులు ఉన్నాయి. 24 ఏళ్ల వయసులోనే సల్మాన్ ఖాన్ సోదరుడు అర్భాజ్ ఖాన్ ని వివాహం చేసుకున్న మలైకా అరోరా కోన్నేళ్ల క్రితం అతడి నుంచి విడిపోయింది. 

వీరిద్దరికి ఓ కుమారుడు కూడా ఉన్నాడు. మలైకా కొడుకు పేరు అర్హాన్ ఖాన్.  అర్భాజ్ ఖాన్ నుంచి విడిపోయాక యంగ్ హీరో అర్జున్ కపూర్ తో రిలేషన్ షిప్ మొదలు పెట్టింది ఈ బ్యూటీ. అర్జున్ కపూర్ మలైకా కన్నా వయసులో 12 ఏళ్ళు చిన్నవాడు. అయినా వీరిద్దరి మధ్య ప్రేమ చిగురించడంతో బాలీవుడ్ మొత్తం షాక్ కి గురైంది. ఏది ఏమైనా వీరిద్దరూ విమర్శలు పట్టించుకోకుండా సహజీవనం చేస్తున్నారు.

తాజాగా ఓ ఇంటర్వ్యూలో మలైకా మాట్లాడుతూ అర్భాజ్ ఖాన్ తో పెళ్లి గురించి స్పందించింది. త్వరగానే పెళ్లి చేసుకోవడం, పిల్లల్ని కనడం వల్ల కెరీర్ పై ప్రభావం పడిందా అని ప్రశ్నించగా మలైకా ఆసక్తికరంగా బదులిచ్చింది. పెళ్లి, పిల్లల్ని కనడం వల్ల నా కెరీర్ పై ఎలాంటి ప్రభావం పడలేదు. పెళ్లి చేసుకోవడం, పిల్లల్ని కనడం పూర్తిగా నా ఛాయిస్ తో జరిగింది. పిల్లల్ని కన్నంత మాత్రాన కెరీర్ పై ప్రభావం పడుతుంది అని భావించకూడదు. అందుకు నేనే ఉదాహరణ అంటూ మలైకా చెప్పుకొచ్చింది. 

అయితే అర్భాజ్ ఖాన్ నుంచి ఎందుకు విడిపోవాల్సి వచ్చింది అనే దానిపై మాత్రం మలైకా ఓపెన్ కాలేదు. అయితే ప్రస్తుతం మలైకా.. అర్జున్ కపూర్ తో రొమాంటిక్ లైఫ్ ఎంజాయ్ చేస్తోంది.  తరచుగా అర్జున్ కపూర్, మలైకా వెకేషన్స్ కి వెళ్లడం కూడా చూస్తూనే ఉన్నాం. ఇద్దరూ బీచ్ లో జంటగా ఎంజాయ్ చేస్తున్న దృశ్యాలు కూడా సోషల్ మీడియాలో వైరల్ అయ్యాయి.

ఇటీవల మలైకా, అర్జున్ కపూర్ లు విడిపోతున్నారు అంటూ రూమర్స్ వినిపించాయి. ఆ రూమర్స్ కి ఇద్దరూ సోషల్ మీడియా వేదికగా చెక్ పెట్టారు. తామిద్దరం కలసే ఉన్నాం అని క్లారిటీ ఇచ్చారు. 

2018 నుంచి మలైకా, అర్జున్ కపూర్ రిలేషన్ లో ఉన్నారు. మలైకా తెలుగులో గబ్బర్ సింగ్ చిత్రంలో కెవ్వు కేక సాంగ్ లో చిందులేసిన సంగతి తెలిసిందే.