Gautam Tollywood Entry: గౌతమ్‌ హీరోగా ఎంట్రీ.. హింట్‌ ఇచ్చిన మహేష్‌బాబు.. పండగ చేసుకుంటున్న ఫ్యాన్స్

మహేష్‌బాబు, నమ్రతలకు కుమారుడు గౌతమ్‌, కూతురు సితార ఉన్నారు. గౌతమ్‌ ఇప్పటికే `వన్‌ః నేనొక్కడినే` చిత్రంలో బాల నటుడిగా సినీ రంగప్రవేశం చేశారు. ఇందులో మహేష్‌బాబు చిన్ననాటి పాత్రని పోషించారు. సినిమా పరాజయం చెందడంతో గౌతమ్‌ రోల్‌ హైలైట్‌ కాలేదు. కానీ గౌతమ్‌కి మాత్రం మంచి పేరొచ్చింది. బాగా చేశాడని, అంతా ప్రశంసలు కురిపించారు. 

అయితే సినిమా పరాజయం చెందినేమో మళ్లీ సినిమాల వైపు చూడలేదు గౌతమ్‌. మహేష్‌ కూడా ఎంకరేజ్‌ చేయలేదు.  అయితే  ఆ మధ్య సితార ఓ హాలీవుడ్‌ చిత్రంలోని ఓ పాత్రకి తెలుగు డబ్బింగ్‌ చెప్పింది. అది మినహాయిస్తే  పూర్తిగా గౌతమ్‌, సితారలు స్టడీస్‌పైనే ఫోకస్‌ పెట్టారు. సినిమాలకు దూరంగా ఉన్నారు. మరోవైపు సితార మాత్రం యూట్యూబ్‌ ఛానెల్‌ ప్రారంభించి అందులో స్టడీస్‌కి సంబంధించిన వీడియోలు, తన గేమింగ్‌, ఇతర యాక్టివిటీస్‌కి సంబంధించిన విషయాలను పంచుకుంటుంది. తాను మాత్రం భవిష్యత్‌లో సినిమాల్లోకి వస్తానని, నటిని అవుతాననే ఆసక్తిని ఓ ఇంటర్యూలో వెల్లడించింది. 

కానీ ఇప్పటి నమ్రతగానీ, మహేష్‌ గానీ తమ పిల్లల భవిష్యత్‌ గురించి ఇప్పటి వరకు స్పందించలేదు. దీంతో నిజంగానే వాళ్లు సినిమాల్లోకి వస్తారా? అనేది సస్పెన్స్ గా మారింది. ఇంకా చెప్పాలంటే ఇప్పటి వరకు ఆ చర్చ కూడా లేదు. కానీ తాజాగా సరికొత్త చర్చకి తెరలేపారు మహేష్‌. గౌతమ్‌ గురించి స్పందించారు. గౌతమ్‌ సినిమాల్లోకి వస్తాడనే హింట్‌ ఇచ్చాడు. మహేష్‌బాబు.. బాలయ్య హోస్ట్ గా నిర్వహిస్తున్న `అన్‌స్టాపబుల్‌ విత్‌ ఎన్బీకే` షోలో మహేష్‌ పాల్గొన్నారు. మహేష్‌ గెస్ట్ గా షూట్‌ చేసిన ఎపిసోడ్‌తో ఈ షో పూర్తి కానుంది. ఈ ఎపిసోడ్‌ శుక్రవారం నుంచి `ఆహా`లో స్ట్రీమింగ్ అవుతుంది. 

ఇందులో ఆసక్తికర విషయాలను వెల్లడించారు మహేష్‌. గౌతమ్‌ క్యాట్‌, సితార బ్రాట్‌ అని, సితార తాట తీసేస్తుందని తెలిపారు. ఇక తన సినిమా కెరీర్‌ గురించి చెబుతూ, స్వతహాగా కథలను ఎంచుకుంటానని, ప్రారంభం నుంచి ఇదే పాటించానని, సినిమా జయాపజయాల క్రెడిట్‌ తనే తీసుకుంటానని, పరాజయం చెందినా అందుకు తానే బాధ్యత వహిస్తానని తెలిపారు మహేష్‌. అంతేకాదు తాను ఇప్పుడు ఎలా ఉంటున్నానో, మున్ముందు గౌతమ్‌ కూడా అలానే ఉండాలని కోరుకుంటున్నట్టు చెప్పారు మహేష్‌. 
 

ఇలా అనుకోకుండానే మహేష్‌ అసలు విషయాన్ని లీక్‌ చేశారు. గౌతమ్‌ సినిమాల్లోకి ఎంట్రీ ఇవ్వబోతున్నారనే విషయాన్ని స్పష్టం చేశారు. అయితే అది ఎప్పుడనేది చెప్పలేదు. కానీ గౌతమ్‌ కూడా సినిమాల్లోకి వస్తారనే వార్తతో సూపర్‌ స్టార్‌ అభిమానులు ఫుల్‌ ఖుషీ అవుతున్నారు. పండగ చేసుకుంటున్నారు. ఇకపై గౌతమ్‌ వైపు ఫోకస్‌ పెట్టబోతున్నారు. టాలీవుడ్‌లోకి మరో వారసుడు రాబోతున్నారనే విషయం కన్ఫమ్‌ అయ్యిందని చెప్పొచ్చు. ఇదిలా ఉంటే బాలయ్య తనయుడు మోక్షజ్ఞ హీరోగా ఎంట్రీకి కూడా సన్నాహాలు జరుగుతున్న విషయం తెలిసిందే.

ఇదిలా ఉంటే బాలయ్య షోతో మహేష్‌ మరో ఆసక్తికర విషయాన్ని పంచుకున్నారు. చిన్నప్పుడు తన బర్త్ డే నిర్వహించేవారని, వచ్చిన గెస్ట్ లు తనకు వెయ్యి, రెండు వేలు ఇచ్చేవారని, వాటికోసమే తాను ఎదురుచూసేవాడినని తెలిపారు మహేష్‌. కానీ తీరా ఫంక్షన్‌ అయ్యాక ఆ మనీ తన అమ్మమ్మ తీసుకునేదని తెలిపి నవ్వులు పూయించారు మహేష్‌. 

ఇక ప్రస్తుతం మహేష్‌బాబు `సర్కారు వారి పాట` చిత్రంలో నటిస్తున్నారు. పరశురామ్‌ దర్శకత్వంలో రూపొందుతున్న ఈ మూవీ చిత్రీకరణ దశలో ఉంది. ఇందులో కీర్తిసురేష్‌ కథానాయికగా నటిస్తుండగా, థమన్‌ సంగీతం అందిస్తున్నారు. ఈ చిత్రం సమ్మర్‌ స్పెషల్‌గా మే 20న విడుదల కాబోతుంది. దీంతోపాటు మూడు రోజుల క్రితమే మహేష్‌.. త్రివిక్రమ్‌ దర్శకత్వంలో రూపొందనున్న చిత్రాన్ని ప్రారంభించిన విషయం తెలిసిందే. ఇందులో పూజా హెగ్దే కథానాయికగా నటిస్తుంది.