మహేష్ బాబు 'సర్కారు వారి పాట'కి నేషనల్ అవార్డు మిస్సయిందా ?

సూపర్ స్టార్ మహేష్ బాబు, పరశురామ్ కాంబినేషన్ లో తెరకెక్కిన చిత్రం సర్కారు వారి పాట. ఈ చిత్రం గ్రాండ్ సక్సెస్ ఏమీ కాలేదు. మహేష్ అభిమానులు కూడా ఈ చిత్రంతో సంతృప్తి చెందలేదు. ఈ మూవీ రిలీజ్ అయినప్పుడు మిక్స్డ్ ఒపీనియన్స్ వెలువడ్డాయి. 

అయితే ఈ చిత్రమే జాతీయ అవార్డులకు నామినేట్ అయింది. కానీ అవార్డు గెలుచుకోలేకపోయింది. కొద్దిలో సర్కారు వారి పాట చిత్రానికి నేషనల్ అవార్డు మిస్ అయిందని వార్తలు వస్తున్నాయి. డైరెక్టర్ పరశురామ్ ఈ చిత్రాన్ని బ్యాంకింగ్ సెక్టార్ బ్యాక్ డ్రాప్ లో తెరకెక్కించారు. 

ఇండియాలో బ్యాంకింగ్ రంగం అనేది ప్రజలకు అత్యంత కీలకం. ఈ నేపథ్యంలో సందేశాత్మకంగా పరశురామ్ ఈ చిత్రాన్ని తెరకెక్కించారు. మిడిల్ క్లాస్ కుటుంబాలని బ్యాంకింగ్ వ్యవస్థలోని కొందరు ఎలా వేధిస్తున్నారు అనే అంశాలని ఈ చిత్రంలో చూపించారు. 

ఈ మూవీలో సందేశం నేషనల్ అవార్డు జ్యూరీ మెంబర్స్ కి నచ్చిందట. కానీ కొన్ని కారణాల వల్ల అవార్డు ఇవ్వకుండా పక్కన పెట్టేశారు. లేకుంటే సర్కారు వారి పాటకి జాతీయ అవార్డు దక్కేది. సీతారామం చిత్రం కూడా జాతీయ అవార్డు మిస్ చేసుకుంది.