మహేశ్ బాబు కూతురు సితార రికార్డు.. ప్రముఖ జ్యుయెల్లరీ బ్రాండ్ కు ప్రచారకర్తగా స్టార్ కిడ్

సూపర్ స్టార్ మహేశ్ బాబు (Mahesh Babu) గారాల పట్టి, స్టార్ సితార ఘట్టమనేని గురించి తెలుగు ప్రేక్షకులకు దాదాపుగా తెలిసే ఉంటుంది. స్టార్ కిడ్ గా సోషల్ మీడియాలోనూ తన కంటూ ప్రత్యేకమైన గుర్తింపును సొంతం చేసుకుంటోంది. 
 

సితారా ప్రస్తుతం స్కూలింగ్ చేస్తున్నారు. చదువుతో పాటు సోషల్ మీడియాలోనూ క్రేజ్ సంపాదించుకుంటున్నారు. ఎప్పుడూ ఇంట్రెస్టింగ్ పోస్టులతో ఆకట్టుకుంటూ ఉంటుంది. ఈ స్టార్ కిడ్ కు 12 లక్షల మంది ఫాలోవర్స్ ఉండటం విశేషం. 
 

ఇదిలా ఉంటే.. సితారకు సంబంధించిన ఓ న్యూస్ నెట్టింట వైరల్ గా మారింది. చిన్న వయస్సులోనే ఈ భారీ ప్రాజెక్ట్ కు సైన్ చేసినట్టు తెలుస్తోంది. ఈ విషయాన్ని స్వయంగా మహేశ్ బాబు అభిమానులే వెల్లడిస్తూ సంతోషం వ్యక్తం చేశారు. 
 

ఓ ప్రముఖ జ్యుయెల్లరీ బ్రాండ్ సితారను బ్రాండ్ అంబాసిడర్ గా ఎంపిక చేసిందంట. ఇందుకు సంబంధించిన యాడ్ షూట్ కూడా ప్రారంభమైందని తెలుస్తోంది. ప్రముఖ టెక్నీషియన్లు యాడ్ కు పనిచేస్తున్నారని సమాచారం. త్వరలో ఈ యాడ్ టీవీలో రానుంది. ఇందుకు సితారా భారీ రెమ్యునరేషన్ కూడా అందుకుంటోందని టాక్.
 

అయితే చిన్న వయస్సులోనే మహేశ్ బాబు కూతురు ఇలా ఓ మేజర్ జ్యుయెల్లరీ బ్రాండ్ కు ప్రచారకర్తగా మారి రికార్డు క్రియేట్ చేశారు. దీంతో మహేశ్ బాబు అభిమానులు ఫుల్ ఖుషీ అవుతున్నారు. అలాగే నెటిజన్లు కూడా ఈ స్టార్ కిడ్ ను ఎదుగుదలను చూసి ఆనందిస్తున్నారు. 

ఇక తండ్రి మహేశ్ బాబుతో కలిసి సితార ‘సర్కారు వారి పాట’లో కనిపించిన విషయం తెలిసిందే. ‘పెన్నీ’ సాంగ్ కు  అదిరిపోయేలా స్టెప్పులేసి వెండితెరపై ప్రేక్షకులను అలరించింది. ఇటు సోషల్ మీడియాలోనూ తన రీల్స్, డాన్స్ వీడియోలతో ఆకట్టుకుంటూ ఉంటుంది.