50 ఏళ్ల మహేష్ బాబు, 65 ఏళ్ల నాగార్జున యంగ్ లుక్ సీక్రెట్ ఏంటి, గ్లామర్, ఫిట్ నెస్ కోసం ఏం తింటారు?

సూపర్ స్టార్ మహేష్ బాబుకు ఈ ఏడాది 50 ఏళ్లు వస్తాయి, కింగ్ నాగార్జున్ కు 65 ఏళ్లు వచ్చాయి. అయినా సరే ఫిట్ నెస్ విషయంలో కాని, గ్లామర్ విషయంలో కాని తగ్గేదే లేదు అంటున్నారు. ఏమాత్రం ముడతలు పడని స్కిన్, ఫేస్ లో తగ్గని గ్లో, అవసరం అయితే సిక్స్ ప్యాక్ చేయడానికి కూడా రెడీగా ఉన్నారు ఇద్దరు హీరోలు. ఇంతకీ ఆ గ్లామర్ ను వాళ్లిద్దరు ఎలా కాపాడుకుంటున్నారు. ఇంతకీ వీళ్లిద్దరు ఏం తింటారు? లైఫ్ స్టైల్ ఎలా ఉంటుందో తెలుసా? 

నాగార్జున, మహేష్ బాబు ఇద్దరు ఇద్దరే.. ప్రతీ ఏడాది నెంబర్ మాత్రమే పెరుగుతోంది కాని.. వీరి వయస్సు మాత్రం ఇంకా 30 దగ్గరే ఆగిపోయింది. నాగార్జునకు 65 ఏళ్లు వచ్చాయి. మహేష్ బాబుకు ఈ ఏడాది 50 ఏళ్ళు వస్తాయి. అయినా సరే ఇంకా 30 ఏళ్ళ యంగ్ హీరోల మాదిరి ఉంటారు ఇద్దరు. ఆ ఫిట్ నెస్ కాని, గ్లామర్ కాని, కుర్ర హీరోలకు పోటీ ఇస్తూ, తగ్గేదే లే అంటున్నారు ఇద్దరు స్టార్లు.

వీరిద్దరు ఇలా ఉండటానికి కొన్ని రీజన్స్ అయితే ఉన్నాయి. ఫిట్ నెస్  విషయంలో, వర్కౌట్ విషయంలో, ఫుడ్ విషయంలో కొన్ని నియమాలు పాటిస్తారు  ఇద్దరు హీరోలు. దానితో పాటు వారి జీన్స్ కూడా యంగ్ గా ఉండటానికి ఒక కారణం అని చెప్పవచ్చు. 

ముందుగా సూపర్ స్టార్ మహేష్ బాబు విషయం చూసుకుంటే మహేష్ బాబు కలర్, ఫిట్ నెస్ కు లేడీ ఫ్యాస్స్ ఫిదా అయిపోతుంటారు. ఇప్పుడంటే సూపర్ స్టార్ అంటున్నారు కాని.. మహేష్ బాబుకు ముందు ప్రిన్స్ అన్న పేరు ఉండేది, ఆ విషయం అందరికి తెలుసు.

ఇక 40 ఏళ్లు దాటిన వయస్సులో  కూడా మహేష్ బాబు  మహర్షి లాంటి సినిమాల్లో స్టూడెంట్ పాత్రలు చేశాడంటే, ఆయన మెయింటేనెస్ ఎలా ఉంటుందో ప్రత్యేకంగా చెప్పనక్కర్లేదు. ఇక మహేష్ బాబు ఫుడ్ హ్యాబిడ్స్ గురించి ఓ సందర్భంలో చెప్పారు.

ఆయన డైరీ పదార్ధాలు అస్సలు ముట్టుకోరు. పాలు, పెరుగు, నెయ్యి, బ్రెడ్, పీజ్జా, ఇలా ఏది ఆయన తినరు. ఇక మిగతా అన్ని తింటారు కాని, మితంగా తింటారు. ఏదైనా ఒకటి రెండు కంటే ఎక్కవ తీసుకోరట. 

అంతే కాదు తాను తినే ఫుడ్ లో  ఆయిల్ కూడా చాలా తక్కువగా ఉండేట్టు చూసుకుంటారట మహేష్ బాబు. దాంతో పాటు మహేష్ బాబు ఇంట్లోనే కళ్లు చెదిరే హైటెట్ జిమ్ ఉంది, స్విమ్మింగ్ ఫూల్ ఉంది. రోజు క్రమం తప్పకుండా వర్కౌట్లు, స్విమ్మింగ్  చేస్తుంటారు మహేష్.

ఫుడ్ విషయంలో జాగ్రత్త, రోజు వారి వ్యాయామాలు, ఫ్యామిలీ నుంచి వచ్చిన జీన్స్ మహేష్ బాబును యంగ్ లుక్ లో ఉంచడానికి ఉపయోగపడుతున్నాయి. ఇక రాజమౌళి సినిమా కోసం తాజాగా మహేష్ బాబు చేంజ్ చేసుకున్న లుక్ అయితే మెస్మారైజింగ్ గా ఉంది. ఇక మహేష్ అయితే ఎప్పటికీ ముసలోడు అవ్వడేమో అన్నట్టుగా ఉన్నారు.  

ఇక కింగ్ నాగార్జున గురించి ప్రత్యేకంగా చెప్పనక్కర్లేదు. ఆయన టాలీవుడ్ మన్మధుడు. ప్రస్తుతం 65 ఏళ్ల వయస్సులో కూడా నాగార్జున మన్మధుడే. ఎందుకంటే ఆయన్నుమరిపించేంతగా రొమాంటిక్ హీరో మరొకరు రాలేదు టాలీవుడ్ లో. అంతే కాదు నాగార్జున కూడా అదే ఫిట్ నెస్ ను, గ్లామర్ ను మెయింటేన్ చేస్తూ.. ఇప్పటికీ హ్యాండ్సమ్ గానే కనిపిస్తున్నారు.

ఈ వయస్సులో కూడా నాగార్జునకు లేడీ ఫ్యాన్స్ ఏమాత్రం తగ్గలేదు. నాగార్జున మాత్రం కడుపునిండా తింటారట. నచ్చిన ఫుడ్ తింటారు, కాని దానికి తగ్గట్టు గా వర్కౌట్ కూడా చేస్తారు కింగ్. రోజు ఉదయాన్నే వ్యాయామాలు చేస్తే.. బాడీ మెటబాలిజం కరెక్ట్ గా పనిచేస్తుందంటారు నాగార్జున.

అంతే కాదు నాగార్జున ఫుడ్ లో రోజు పప్పు, నెయ్యి, బ్రౌన్ రైస్, రెండు రకాల ఆకుకూరలు పక్కాగా ఉంటాయట. చికెన్, పిష్ కూడా  ఎక్కువగా తీసుకుంటారు నాగార్జున. ఇక రోజు నైట్ పడుకోబోయే ముందు ఒక స్వీట్ తినకపోతే ఆయనకు అస్సలు నిద్రపట్టదని ఓ ఇంటర్వ్యూలో చెప్పారు నాగార్జున. అయితే ఆయిల్ ఫుడ్ ను చాలా తక్కువగా తీసుకుంటారు స్టార్ సీనియర్ హీరో. మనం రోజువారి తినే ఆయన్ లో ఓ 10 పర్సంట్ కూడా ఆయన తినరట. అది నాగార్జున ఆరోగ్య రహస్యాలలో ఒకటి. మనసును ప్రశాంతంగా ఉంచుకోవడం, ఏ విషయంలో కూడా టెన్షన్ తీసుకోకుండా ఉండటం.. నాగార్జున హెల్త్ అండ్ హ్యాండ్సమ్ లైఫ్ స్టైల్ సీక్రేట్.