మహేష్, ఎన్టీఆర్, అల్లు అర్జున్.. ఆ సినిమాల్లో ఈ హీరోలకు టెంపర్ ఎక్కువ...

మన తెలుగు సినిమాలు కాదు.. అసలు ఏ భాషయినా.. సినిమాలో మంచి పనులు చేసేవాడే హీరో.. కోపంతో ఊగిపోతూ.. నెగెటీవ్ పనులు చేసేవాడు విలన్. ఇలా ప్రేక్షకుల మనసుల్లో ముద్ర పడిపోయంది. కాని మనిషన్నవాడు ఎంత మంచివాడు అయినా.. వాడిలో కూడా ఎంతో అంత నెగెటీవ్ ఉంటుంది. విన్లతో ఫైట్ చేసేవాడు హీరో అయితే.. ఆ హీరోకు కూడా టెంపర్ ఉంటుంది.. వాడిలో కూడా అంతో ఇంతో నెగెటీవ్ ఉంటుంది. ఫైర్ ఉంటుంది. వీక్ నెస్ ఉంటుంది.. అని కొంత మంది దర్శకులు చూపించారు. అలాంటి పాత్రలు వేసిన హీరోల గురించి ఇఫ్పుడు చూద్దాం.. 
 

కోపం అంటే అలాంటి ఇలాంటి కోపం కాదు.. సర్రున నెత్తికెక్కి నరాలు తేలేలా కోపం హీరోకు వస్తే.. అవతల విలన్ పరిస్థితి ఎలా ఉంటుంది ఊహించండి అలాంటి పాత్ర చేసిన వారిలో.. అద్భుతం హైలెట్ ఎవరంటే అల్లు అర్జున్ పేరే ముందు చెప్పుకోవాలి. బన్నీ చేసిన రెండు సినిమాలు అమ్మో ఏంటి ఐకాన్ స్టార్ ఇలా ఉన్నాడు అనిపిస్తుంది. బోయపాటి డైరెక్షన్ లో బన్నీ నటించిన సరైనోడు తో పాటు.. వక్కంత వంశీ తెరకెక్కించిన నా పేరు సూర్య నా ఇల్లు ఇండియా సినిమాల్లో అల్లు అర్జున్ ఇంతింత కండలేసుకున్ని.. టెంపర్ ను కంట్రోల్ చేయలేక.. విలన్లను బట్టలు ఉతికినట్టు ఉతికి ఆరేస్తుంటాడు. ఈసినిమాల్లో హీరో పాత్ర పిల్లలు కాస్త భయపడే విధంగానే ఉంటుంది. 

చాలా సాప్ట్ మీరో అని అంతా అనుకుంటున్న టైమ్ లో.. మహేష్ బాబుతో మాస్ రాగం పాడించాడు పూరీ జగన్నాథ్. మహేష్ చేత మనం ఇప్పటి వరకూ మాట్టాడుకుంటున్న నెగెటీవ్ శేడ్స్ ఉన్న పాత్రలను రెండు సార్లు చేయించాడు. మిల్క్ బాయ్.. ప్రిన్స్ మహేష్ ను పోకిరి సినిమాతో మాస్ రంగు పూయించిన పూరీ జగన్నాథ్.. బిజినెస్ మెన్  సినిమాలో మహేష్ బాబు చేత అరాచకం చేయించాడు. ఈసినిమాలో నెగెటీవ్ ఫీలింగ్స్ మహేష్ ముఖంగా స్పస్టంగా కనిపిస్తుంటాయి. ఒక హీరోను ఈరేంజ్ క్రిమినల్ గా ఏ సినిమాలో చూసుండరు. కోపం వస్తే మహేష్ ను చూస్తే సినిమా చూస్తున్నవారికే భయం వేసేలా పాత్రను డిజైన్ చేశాడు దర్శకుడు. 

ఇక టాలీవుడ్ లో ఎలాంటి పాత్రనైనా అవలీలగా చేయగల హీరో జూనియర్ ఎన్టీఆర్. ఆయన కూడా ఇలాంటి టెంపర్ పాత్రను చేశాడు టెంపర్ సినిమాలో.. హీరోలను నెగెటీవ్ షేడ్స్ లో చూపించడంతో అందెవేసిన చేయి దర్శకుడు పూరీ జగన్నాథ్ ది. ఆయన ప్రతీ సినిమాలో హీరో పాత్ర ఇలానే ఉంటుంది. కాని టెంపర్ సినిమాలో ఇంకాస్త పచ్చిదనం ఎక్కవగా కనిపిస్తుంది. తారక్ ను ఇలా కరుడు కట్టిన పాత్రలో చూడలేకపోయారు జనాలు. క్లైమాక్స్ ఏదైనా.. సినిమా అంతా ఎన్టీఆర్ కోపం.... నెగెటీవ్ బిహేవియర్.. ఒకలా ఉంటుంది. ఎన్టీఆర్ కు లైఫ్ లో మర్చిపోలేన పాత్ర ఇచ్చాడు పూరి. 
 

ఇక ఇలాంటి టెంపర్ పాత్రలు చేయాలి అంటే బాలయ్య తరువాతే ఎవరైనా..? నెగెటీవ్ షేడ్స్ ఉన్న పాత్రలు ఆయన పెద్దగా చేయలేదు కాని... ఫ్యాక్షన్ బ్యాక్ గ్రౌండ్ లో వచ్చిన మూవీస్ లో కోపంతో బాలకృష్ణ ఊగిపోతుంటే.... ఫ్యాన్స్ తెగ ఎంజాయ్ చేసేవారు. సమరసింహారెడ్డ , నరసింహనాయుడు దగ్గర నుంచి..నిన్న మెన్నటి వీరసింహారెడ్డి వరకూ.. బాలయ్య బాబు కోపంతో రగిలిపోయే పాత్రలు చాలా చేశాడు. ప్రత్యర్ధులకు కటిచూపుతో చిచ్చుపోంచే పాత్రను ఆయన ఫ్యాన్స్ అద్భుతంగా ఆదరిస్తుంటారు.