సల్మాన్ పిచ్చి ప్రేమ.. అర్థరాత్రి అపార్ట్మెంట్ పై నుంచి దూకేస్తానంటూ!
బాలీవుడ్ కండల వీరుడు సల్మాన్ ఖాన్, ఐశ్వర్య రాయ్ల ప్రేమకథ గురించి అందరికీ తెలిసిందే. ఎంతో కాలం సన్నిహితంగా ఉన్న ఈ జంట కొన్ని ఇబ్బందికర పరిస్థితుల మధ్య విడిపోయారు. అయితే రిలేషన్లో ఉన్న సమయంలో సల్మాన్ తన పిచ్చి ప్రేమతో ఐష్ను చాలా ఇబ్బంది పెట్టాడట. అలాంటి కొన్ని సంఘటనలు ఐష్ను ఇప్పటికీ వెంటాడుతున్నాయి.
సల్మాన్, ఐష్ రిలేషన్లో ఉన్న సమయంలో ఐశ్వర్య ఓ అపార్ట్మెంట్లోని 17వ అంతస్తులో ఉండేది. అయితే ఆ సమయంలో తన ఇంటికి వచ్చిన సల్మాన్, తన మాట వినకపోతే అక్కడి నుంచి దూకేస్తానంటూ ఐశ్వర్యను బెందించాడు.
బాలీవుడ్లో ఎన్నో వివాదాలకు కేంద్ర బిందువైన జంట సల్మాన్, ఐశ్వర్య. వీరిద్దరి రిలేషన్ వీరితో పాటు ఇంకా చాలా మంది బాలీవుడ్ ప్రముఖులను ఇబ్బందుల పాలు చేసింది.
సల్మాన్తో బ్రేకప్ తరువాత పలు ఇంటర్వ్యూలలో ఆ సంఘటనలను గుర్తు చేసుకుంది ఐశ్వర్య, ఆ సమయంలో తనపై సల్మాన్ చేయి చేసుకునేవాడు కూడా అని చెప్పింది ఈ బ్యూటీ.
అయితే సల్మాన్ మాత్రం తాను ఐష్ మీద చేయి చేసుకున్నట్టుగా వచ్చిన ఆరోపణలను ఖండించాడు. అయితే అర్థరాత్రి ఐష్ ఇంటి దగ్గర గొడవ చేసిన విషయాన్ని మాత్రం ఈ కండల వీరుడు అంగీకరించాడు.
ఐశ్వర్యతో పిచ్చిప్రేమలో ఉన్న సల్మాన్ ఆమెను పెళ్లి చేసుకోవాలనుకున్నాడు. ఈ మేరకు సంప్రదింపులు కూడా జరిపాడు. కానీ ఆసమయంలో ఐష్ కెరీర్ పీక్స్లో ఉండటంతో ఆమె పెళ్లికి సమయం కావాలని కోరింది.
2001 నవంబర్లో అర్ధరాత్రి ఐశ్వర్య నివసిస్తున్న అపార్ట్మెంట్ దగ్గరకు వెళ్లి గొడవ చేశాడు. రాత్రి 3 గంటల వరకు తలుపు తీయాలంటే కొడుతూనే ఉన్నాడు. చివరకు ఆయ చేతికి గాయం అయి రక్తం కూడా వచ్చింది. అంతేకాదు ఐశ్వర్య తన మాట వినకపోతే 17వ అంతస్థు నుంచి దూకేస్తానంటూ సల్మాన్ బెదిరించాడని ప్రత్యక్ష సాక్ష్యులు వెల్లడించారు. ఇక తప్పని పరిస్థితుల్లో ఐష్, సల్మాన్ ఇంట్లోకి రానిచ్చింది.
ఈ ఘటన తరువాత చాలా కాలం పాటు సల్మాన్, ఐష్లు ఇద్దరు మౌనంగానే ఉండిపోయారు. చివరకు 4 నెలల తరువాత సల్మాన్ గొడవ జరిగిన విషయం అంగీకరించినా.. మీడియా ఆ వార్తలను ఓవర్ హైప్ చేసిందని ఆరోపించాడు.
`ఆ రోజు గొడవ జరిగిన విషయం నిజమే, కానీ మీడియా అనవసరంగా ఆ వార్తను హైలెట్ చేసింది. ఐశ్వర్య నేను రిలేషన్లో ఉన్నాం. ముక్కు ముఖం తెలియని వాడితో నేను ఎందుకు గొడవపడతాను. మా మధ్య ప్రేమ ఉంది, అందుకే గొడవలు కూడా అవుతున్నాయి. పోలీసులు కూడా నన్ను ఆ బిల్డింగ్లోకి వెల్లకుండా ఆపుతున్నారు` అంటూ కామెంట్ చేశాడు సల్మాన్.
ఈ గొడవపై ఐశ్వర్య తండ్రి సల్మాన్ మీద పోలీస్ కంప్లయింట్ కూడా ఇచ్చాడు. అయితే సల్మాన్ మాత్రం తన తప్పు తనకు అర్థమైందని, ఐష్ తండ్రి మీద తనకు ఎలాంటి కోపం లేదని చెప్పాడు.