Lock Upp:టాప్ బిజినెస్ మాన్ భార్యతో శృంగారం చేశాను... కంగనా షోలో కంటెస్టెంట్ సంచలన కామెంట్స్

లాక్ అప్ రియాలిటీ (Lock Upp)షో కంటెస్టెంట్ తెహ్సీన్ పూనావాలా ప్రముఖ పారిశ్రామికవేత్త భార్యతో శృంగారం చేశానని చెప్పడం సంచలనంగా మారింది. ఈ వారం షో నుండి ఎలిమినేటైన తెహ్సీన్ గేమ్ లో భాగంగా టాప్ సీక్రెట్ రివీల్ చేశారు.

బాలీవుడ్ ఫైర్ బ్రాండ్ కంగనా రనౌత్ (Kangana Ranaut)హోస్ట్ గా లాక్ అప్ పేరుతో రియాలిటీ షో మొదలైంది. ఏక్తా కపూర్ నిర్మాతగా ఉన్న ఈ షోలో ఆల్ట్ బాలాజీ, ఎమ్ ఎక్స్ ప్లేయర్స్ ఓటిటి ప్లాట్ ఫార్మ్స్ లో ప్రసారమవుతుంది. బోల్డ్ కంటెంట్ తో సాగుతున్న లాక్ అప్ షోకి మంచి ఆదరణ దక్కుతున్నట్లు సమాచారం. అయితే కంటెస్టెంట్ తెహ్సీన్ పూనావాలా చేసిన కామెంట్ ఇండస్ట్రీని ఊపేస్తోంది. 

మార్చి 12న తెహ్సీన్ ఎలిమినేట్ అయ్యారు. ఎలిమినేషన్స్ లో ఉన్న కంటెస్టెంట్స్ లో అతి తక్కువ ఓట్లు పొందిన తెహ్సీన్ ప్రేక్షకుల నిర్ణయం మేరకు ఎలిమినేట్ కావడం జరిగింది. అయితే తాను ఓ కంటెస్టెంట్ ని సేవ్ చేసే ఛాన్స్ హోస్ట్ కంగనా ఇచ్చారు. దాని కోసం తెహ్సీన్ తన జీవితంలో జరిగిన టాప్ సీక్రెట్ బయటపెట్టాలని కంగనా కండీషన్ పెట్టారు. 

హౌస్ లో తనకు ఇష్టమైన కంటెస్టెంట్ సైషా షిండేని సేవ్ చేయడానికి తెహ్సీన్ ( Tehseen Poonawalla)ఓ సీక్రెట్ రివీల్ చేశారు. ఆ సీక్రెట్ విన్న ప్రేక్షకుల మైండ్ బ్లాక్ అయ్యింది. దేశంలోనే గొప్ప పారిశ్రామిక వేత్త ఒకరు తెహ్సీన్ ని తన భార్యతో శృంగారం చేయాలని కోరాడట. అందు కోసం ఓ లగ్జరీ నైట్ క్లబ్ వీకెండ్ రెండు రోజులు బుక్ చేశాడని తెహ్సీన్ తెలిపారు. 

ఆ వ్యాపారవేత్త భార్యతో నువ్వు శృంగారం చేశావా? అని కంగనా రనౌత్ అడుగగా... అవును నేను ఎంజాయ్ చేశాను. అయితే ఆయన ఓ కండీషన్ పెట్టాడు. మేము శృంగారం చేస్తున్నప్పుడు దూరం నుండి చూస్తానని కండీషన్ పెట్టాడు. ఆయనకు అలాంటి చిత్రమైన కోరికలు ఉన్నాయి. నేను దానికి ఒప్పుకున్నాను, అయితే దూరం నుండి చూడాలే తప్ప డిస్టర్బ్ చేయకూడదని నేను కూడా కండీషన్ పెట్టాను అన్నారు. 

ఇలాంటి జుగుప్సాకరమైన కామెంట్స్ వెనుక ఎంత వరకు నిజం ఉందనేది తెలియాల్సి ఉంది. అలాగే సెన్సేషన్ కోసం, షో వ్యూవర్షిప్ కోసం కూడా ఇలాంటి కామెంట్స్ చేసే అవకాశం కలదు. మొత్తంగా కామెంట్స్ తో షోకి పిచ్చ పాపులారిటీ వచ్చి పడింది. ఇక తెహ్సీన్ పొలిటికల్ అనలిస్ట్ గా సుపరిచితుడు. 

హోస్ట్ గా కంగనా మొదటి ప్రయత్నం ఫలిస్తున్నట్లే కనిపిస్తుంది. ఓటీటీ రియాలిటీ, టాక్ షోలకు ఆదరణ పెరుగుతున్న నేపథ్యంలో స్టార్స్ ఈ దిశగా అడుగులు వేస్తున్నారు. నాగార్జున హోస్ట్ గా కొనసాగుతున్న బిగ్ బాస్ ఓటీటీ డిస్నీ ప్లస్ హాట్ స్టార్ లో ప్రసారం అవుతున్న సంగతి తెలిసిందే. మరి లాక్ అప్ టాక్ షో ముగిసే నాటికి ఇంకెన్ని సంచలనాలు నమోదు కానున్నాయో.