- Home
- Entertainment
- Lenin 14 Days Collections: అఖిల్‌ ఇంకా సమంతని దాటలేదా? లెనిన్‌ 14 రోజుల్లో రాబట్టిన కలెక్షన్లు ఇవే
Lenin 14 Days Collections: అఖిల్‌ ఇంకా సమంతని దాటలేదా? లెనిన్‌ 14 రోజుల్లో రాబట్టిన కలెక్షన్లు ఇవే
అక్కినేని అఖిల్‌కి ఎట్టకేలకు `లెనిన్‌`తో ఫస్ట్ హిట్‌ అందుకున్నాడు. ఈ మూవీ విడుదలై 14 రోజులు పూర్తి చేసుకుంది. మరి ఇప్పటి వరకు ఎంత వసూలు చేసిందనేది చూస్తే, ఈ మూవీ ఇంకా సమంత సినిమాని దాటలేదని టాక్‌.
లెనిన్‌ కలెక్షన్లు
అఖిల్‌ అక్కినేని దాదాపు 11ఏళ్ల పోరాటం తర్వాత తొలి విజయాన్ని అందుకున్నాడు. అందుకు ఏడు సినిమాలు చేయాల్సి వచ్చింది. `లెనిన్‌`తో ఆయన బ్లాక్ బస్టర్‌ని అందుకున్న విషయం తెలిసిందే. మరళీ కిశోర్‌ అబ్బూరు దర్శకత్వంలో రూపొందిన ఈ చిత్రాన్ని నాగార్జున, నాగవంశీ నిర్మించారు. ఇందులో భాగ్యశ్రీ బోర్సే హీరోయిన్‌గా నటించింది. ప్రమోద్‌, శివాజీ, ఈశ్వరీరావు, రాంకీ, గెటప్‌ శ్రీను వంటి వారు ఇతర కీలక పాత్రల్లో నటించారు. జులై 10న ఈ మూవీ విడుదలైన విషయం తెలిసిందే. మరి ఇప్పటి వరకు ఎంత కలెక్ట్ చేసింది. ఎంత లాభాలు వచ్చాయనేది చూస్తే,
లెనిన్‌ మూవీ 14 రోజుల కలెక్షన్లు
`లెనిన్‌` మూవీ విడుదలై గురువారంతో 14 రోజులు పూర్తి చేసుకుంది. తొలి వీకెండ్‌లోనే బ్రేక్‌ ఈవెన్‌ అయ్యిందని టీమ్ చెప్పింది. మరి ఇప్పటి వరకు ఎంత రాబట్టిందనే లెక్కలు పరిశీలిస్తే, ఈ మూవీ సాలిడ్‌గానే వసూలు చేసింది. ఇంకా స్ట్రాంగ్‌గా కలెక్ట్ చేస్తోంది. ట్రేడ్‌ సైట్ల లెక్కల ప్రకారం ప్రపంచ వ్యాప్తంగా ఈ మూవీ దాదాపు రూ.69కోట్లు రాబట్టింది. సుమారుగా రూ.35కోట్ల షేర్‌ని సాధించింది. గురువారం ఈ మూవీకి ప్రపంచ వ్యాప్తంగా కోటి వరకు కలెక్షన్లు వచ్చినట్టు సమాచారం. ఇండియాలో డెబ్బై లక్షలు రావడం విశేషం. జన నాయగన్‌ తో పోటీ ఉన్నా, ఈ స్థాయిలో వసూళ్లని రాబట్టడం మరో విశేషం.
లెనిన్‌ మూవీ లాభాలు
ఇక నిర్మాతలు ప్రకటించిన లెక్కన ప్రకారం ఈ సినిమా ఇప్పటికే రూ.90కోట్లు దాటింది. అయితే ఈ శుక్రవారం నుంచి కలెక్షన్లు బాగానే పడిపోతాయి. ఓ వైపు జన నాయకుడు, మరోవైపు చెన్నై లవ్‌ స్టోరీ సినిమాలు ఉండటంతో థియేటర్లు తగ్గుతాయి. దీంతో ఆటోమెటిక్‌గా కలెక్షన్లు తగ్గుతాయని చెప్పడంలో అతిశయోక్తి లేదు. అయితే ఈ మూవీ బ్రేక్‌ ఈవెన్‌ టార్గెట్ రూ.22కోట్లు. ఇప్పటికే ఆ లెక్కలు దాటేసింది. సుమారు రూ.15కోట్ల లాభాల్లో ఉంది. లాంగ్‌ రన్‌లో మరో నాలుగైదు కోట్లు చేసే అవకాశం ఉంది. అంటే `లెనిన్‌` సినిమా ద్వారా నిర్మాతలకు సుమారు ఇరవై కోట్ల లాభాలు వస్తాయని చెప్పొచ్చు.
ఇంకా సమంతని టచ్‌ చేయని అఖిల్‌
ఇదిలా ఉంటే `లెనిన్‌` మూవీకి బ్లాక్ బస్టర్‌ టాక్‌ వచ్చినా, ప్రారంభంలో కలెక్షన్ల పరంగా జోరు చూపించినా ఇది ఇంకా అఖిల్‌ మాజీ వదిన, ఆయన స్నేహితురాలు సమంత మూవీని దాటలేకపోయింది. సమంత నటించిన `మా ఇంటి బంగారం` మూవీ బాక్సాఫీసు వద్ద వంద కోట్లకుపై వసూళ్లని రాబట్టింది. ఈ ఏడాది బిగ్గెస్ట్ బ్లాక్ బస్టర్స్ లో ఒకటిగా నిలిచింది. అయితే ఈ సినిమాని అఖిల్‌ `లెనిన్‌` దాటలేకపోయింది. లాంగ్‌ రన్‌లో దాన్ని దాటేస్తుందా అనేది చూడాలి.
