రజినీకాంత్ సినిమాలకు గుడ్ బై చెప్పబోతున్నారా? క్లారిటీ ఇచ్చిన సూపర్ స్టార్ భార్య లత.

సూపర్ స్టార్  రజినీకాంత్ సినిమాలకు వీడ్కోలు పలకనున్నట్లు వార్తలు వస్తున్న నేపథ్యంలో, ఆయన భార్య లత రజినీకాంత్ స్పందించారు. ఈ విషయంలో క్లారిటీ ఇచ్చే ప్రయత్నం చేశారు. 

సూపర్ స్టార్ రిటైర్మెంట్ పై లత క్లారిటీ

ఇండియాన్ ఫిల్మ్ ఇండస్ట్రీలో  సూపర్ స్టార్ గా వెలుగొందుతున్న రజినీకాంత్ కు ప్రస్తుతం 74 ఏళ్ళు. ఈ వయసులో కూడా బిజీగా ఉన్న రజినీకాంత్, ప్రస్తుతం కూలీ, జైలర్ 2 సినిమాలలో నటిస్తున్నారు. ఈ రెండు సినిమాలను సన్ పిక్చర్స్ నిర్మిస్తోంది.

విడుదలకు సిద్ధమవుతున్న కూలీ

లోకేష్ కనకరాజ్ దర్శకత్వంలో రజినీకాంత్ కూలీ సినిమాలో నటిస్తున్నారు. ఈ చిత్రంలో సత్యరాజ్, నాగార్జున, శృతిహాసన్, అమీర్ ఖాన్ వంటి పెద్ద తారాగణం నటిస్తోంది. ఈ చిత్రానికి అనిరుధ్ సంగీతం అందిస్తున్నారు. క్రిష్ గంగాధరన్ ఛాయాగ్రహణం అందిస్తున్నారు. ఈ చిత్రం ఆగస్టు 14న విడుదల కానుంది.

జైలర్ 2 షూటింగ్ లో బిజీగా రజినీ

రజినీకాంత్ నటిస్తున్న మరో  సినిమా  జైలర్ 2. ఈ చిత్రానికి నెల్సన్ దిలీప్ కుమార్ దర్శకత్వం వహిస్తున్నారు. ఈ చిత్రంలో రజినీకాంత్ తో పాటు రమ్యకృష్ణ, మీర్నా, మోహన్ లాల్, శివరాజ్ కుమార్ నటిస్తున్నారు. ఈ మూవీలో నటసింహం  బాలకృష్ణ కూడా అతిథి పాత్రలో నటిస్తున్నట్లు సమాచారం. ఈ  సినిమాకు కూడా అనిరుధ్ సంగీతం అందిస్తున్నారు.

రజినీ రిటైర్మెంట్ పై లత స్పందన

74 ఏళ్ళ వయసులో కూడా సినిమాల్లో బిజీగా ఉన్న రజినీకాంత్, జైలర్ 2 తర్వాత సినిమాలకు రిటైర్మెంట్  పలకనున్నట్లు సోషల్ మీడియాలో వార్తలు వచ్చాయి. ఈ వార్తలను రజినీకాంత్ భార్య లత ఖండించారు. ఒక ఇంటర్వ్యూలో ఆమె మాట్లాడుతూ, నాకు తెలిస్తే చెప్తాను, ఇంకా ఆయన ఆ  ఆలోచించనలో లేరు అని అన్నారు. ఒకవేళ రిటైర్మెంట్ తీసుకోవాలి అని అనిపిస్తే.. స్వయంగా రజినీకాంత్ ఆ విషయాన్ని వెల్లడిస్తారని లత అన్నారు.