ఓటీటీలోకి వచ్చిన లేటెస్ట్ కామెడీ థ్రిల్లర్: వెన్నెల కిశోర్ నటించిన 'శ్రీకాకుళం షెర్లాక్ హోమ్స్

11

vennela kishore, Srikakulam Sherlock Holmes, OTT

తెలుగు ప్రేక్షకులను తమ కామెడీతో ఆకట్టుకుంటున్న వెన్నెల కిశోర్ ప్రధాన పాత్రలో నటించిన కామెడీ థ్రిల్లర్ 'శ్రీకాకుళం షెర్లాక్ హోమ్స్' ఇప్పుడు ప్రముఖ తెలుగు ఓటీటీ యాప్ ఈటీవీ విన్ లో స్ట్రీమింగ్ అవుతోంది. ఈ సినిమాను క్రిస్మస్ సందర్భంగా డిసెంబర్ 25న థియేటర్లలో విడుదల చేశారు. విడుదలకు ముందే ప్రముఖ టికెట్ బుకింగ్ యాప్ 'బుక్ మై షో'లో ఈ సినిమాకు 7.5 రేటింగ్ వచ్చింది, ఇది చాలా గొప్ప విషయమని చెప్పాలి.

ఈ సినిమాలో వెన్నెల కిశోర్ తన కామెడీతో ప్రేక్షకులను అలరిస్తూ, డిటెక్టివ్ పాత్రలో తన అద్భుత నటనతో ఆకట్టుకున్నాడు. టాలీవుడ్ లో బ్రహ్మానందం తర్వాత కామెడీతో ప్రేక్షకులను ఆకట్టుకుంటున్న నటుడుగా పేరు తెచ్చుకున్న వెన్నెల కిశోర్, ఈ సినిమాలో కూడా తన సత్తా చూపించాడు. వెన్నెల కిశోర్ కు జోడీగా నటించిన అనన్య నాగళ్ల కూడా తన నటనతో ప్రేక్షకులను మెప్పించింది.

ఇంకా ఈ సినిమాలో రవితేజ మహాదాస్యం, 'నేనింతే' ఫేమ్ సియా గౌతమ్, కాలకేయ ప్రభాకర్, మురళీ ధర్ గౌడ్ ప్రధాన పాత్రల్లో నటించారు. ఈ సినిమాను శ్రీ గణపతి సినిమాస్ పతాకంపై లాస్య రెడ్డి సమర్పణలో వెన్నపూస రమణారెడ్డి నిర్మించారు. 'కమిటీ కుర్రోళ్లు', 'ఆయ్', 'క' వంటి విజయవంతమైన చిత్రాలను డిస్ట్రిబ్యూట్ చేసిన వంశీ నందిపాటి ఈ సినిమాను విడుదల చేశారు.

థియేటర్లలో ఈ సినిమాను మిస్ అయ్యారా? అయితే ఎంచక్కా ఈటీవీ విన్ లో స్ట్రీమింగ్ చేస్తూ చూడండి. విడుదలైన కేవలం నెల రోజుల్లోనే ఈ సినిమా ఓటీటీ ప్లాట్‌ఫాం లోకి వచ్చి ప్రేక్షకులను అలరిస్తుంది.