చంద్రమోహన్ చెంపపై కొట్టడంతో కళ్ళు బైర్లుకమ్మాయి... తమ్ముడు చావు బతుకుల్లో ఉన్నా వదల్లేదు!

First Published Feb 10, 2021, 2:01 PM IST

90ల్లో స్టార్ కమెడియన్ గా తెలుగు ప్రేక్షకుల వినోదం పంచారు శ్రీలక్ష్మీ. బ్రహ్మానందం, సుత్తి వేలు, మల్లికార్జున రావు వంటి కమెడియన్స్ భార్యగా శ్రీలక్ష్మీ చేసిన కామెడీని అప్పటి తరం ఇప్పటికీ గుర్తు చేసుకుంటుంది.

కమెడియన్ గా లక్షల మందికి నవ్వులు పంచిన శ్రీలక్ష్మీ జీవితం మాత్రం అనేక విషాదాల మయం. శ్రీలక్ష్మీకి తోడబుట్టినవారు అకాల మరణం పొందారు. అలాగే అనేక ఒడిదుడుకులు ఆమె జీవితంలో ఎదుర్కొన్నారు.

తెలుగు పాప్యులర్ టాక్ షో ఆలీతో సరాదాగా లో నటి హేమతో పాటు పాల్గొన్న శ్రీలక్ష్మీ అనేక విషయాలను ప్రేక్షకులతో పంచుకోవడం జరిగింది.

మీరు ఎప్పుడూ డిప్రెషన్ లో ఉండడానికి కారణం ఏమిటని అడుగగా... ఒకప్పుడు మన బాధ చెప్పుకోవడానికి ఎవరో ఒకరు ఉండేవారు. ఇప్పుడు ఎవరూ లేరు. నా భాధ నేను గోడకు చెప్పుకుంటున్నా అన్నారు.

చంద్ర మోహన్ కారణంగా దర్శకుడు జంధ్యాల మిమ్మల్ని తిట్టారట కదా అని అడుగగా.. ఓ లాంగ్ షాట్ చేస్తూ జంధ్యాల గారు మైక్ తీసుకొని చాలా దూరంలో ఉన్నారు. బస్సు దిగుతున్న నన్ను చంద్ర మోహన్ గట్టిగా చెంపపై కొట్టారు. దానితో నాకు కళ్ళు బైర్లు కమ్మాయని శ్రీలక్ష్మీ చెప్పడం జరిగింది.

ఏంటండీ అంత గట్టిగా కొట్టారని చంద్ర మోహన్ ని శ్రీలక్ష్మీ అడుగగా... నేను కొట్టానా అని ఆయన బుకాయించారని ఆమె అప్పటి చేదు ఘటన గుర్తు చేసుకున్నారు.

మరో సందర్భంలో తమ్ముడు చావు బతుకుల్లో ఉన్నాడని, వెళ్లాలని ఎంత బ్రతిమిలాడినా డైరెక్టర్ షూటింగ్ పూర్తి చేసి వెళ్ళు అన్నారట. ఆ సమయంలో ఈ జీవితం ఎందుకు అనిపించిందట. చివరకు తాను వెళ్లే సరికి తమ్ముడు చనిపోయాడని ఆమె కన్నీరు పెట్టుకున్నారు.