దేశభక్తి చిత్రాలలో 'ఖడ్గం' స్థానం వేరు.. ఎన్ని అవార్డులు కొల్లగొట్టిందో తెలుసా.. 

జనవరి 26న దేశం మొత్తం 76వ గణతంత్ర దినోత్సవ వేడుకలు జరగనున్నాయి.  రిపబ్లిక్ డే సందర్భంగా సోషల్ మీడియాలో దేశ భక్తికి సంబంధించిన అంశాలు ట్రెండ్ కావడం మొదలయ్యాయి. సినీ ప్రియులు అయితే దేశభక్తి చిత్రాల గురించి చర్చించుకుంటున్నారు.

జనవరి 26న దేశం మొత్తం 76వ గణతంత్ర దినోత్సవ వేడుకలు జరగనున్నాయి.  రిపబ్లిక్ డే సందర్భంగా సోషల్ మీడియాలో దేశ భక్తికి సంబంధించిన అంశాలు ట్రెండ్ కావడం మొదలయ్యాయి. సినీ ప్రియులు అయితే దేశభక్తి చిత్రాల గురించి చర్చించుకుంటున్నారు. టాలీవుడ్ లో అయితే అల్లూరి సీతారామరాజు చిత్రం మొదలుకుని అనేక దేశభక్తి చిత్రాలు వచ్చాయి. 

అల్లూరి సీతారామరాజుతో దేశభక్తి చిత్రాల్లో సూపర్ స్టార్ కృష్ణ సరికొత్త బెంచ్ మార్క్ క్రియేట్ చేశారు. దేశభక్తి చిత్రాల్లో కృష్ణవంశీ తెరకెక్కించిన ఖడ్గం చిత్రానికి కూడా ప్రత్యేక స్థానం ఉంది. కృష్ణ వంశీ తన క్రియేటివిటీ ప్రదర్శించి అద్భుతంగా ఈ చిత్రాన్ని మలిచారు. ఈ చిత్రంలో శ్రీకాంత్, రవితేజ, ప్రకాష్ రాజ్, సోనాలి బింద్రే, కిమ్ శర్మ ప్రధాన పాత్రల్లో నటించారు. 

శ్రీకాంత్ పోలీస్ అధికారిగా నటించారు. రవితేజ సినీ నటుడు కావాలని కలలు కనే కుర్రాడిగా నటించారు. ఈ పాత్రలని దేశభక్తికి ముడిపెడుతూ కృష్ణ వంశీ చాలా అందంగా కథని మలిచారు. అప్పుడప్పుడే ఇండస్ట్రీలో ఎదుగుతున్న దేవిశ్రీ ప్రసాద్ ఈ చిత్రానికి అద్భుతమైన సంగీతం అందించారు. అనేక అవార్డుల్ని ఈ చిత్రం సొంతం చేసుకుంది. ఈ చిత్రానికి 5 నంది అవార్డులు 3 ఫిలిం ఫేర్ అవార్డులు దక్కాయి. 

ఉత్తమ దర్శకుడిగా కృష్ణ వంశీ ఈ చిత్రానికి నంది అవార్డు అందుకున్నారు. అదే విధంగా బెస్ట్ మేకప్ ఆర్టిస్ట్, ఉత్తమ జాతీయ సమైక్యత చిత్రం, బెస్ట్ ఆర్ట్ డైరెక్టర్ విభాగాల్లో ఖడ్గం చిత్రానికి నంది అవార్డులు దక్కాయి. రవితేజకి స్పెషల్ జ్యురి నంది అవార్డు లభించింది. ఇక ఫిలిం ఫేర్ అవార్డుల్లో కూడా కృష్ణ వంశీ ఉత్తమ దర్శకుడిగా నిలిచారు. ఉత్తమ విలన్ గా షఫీ, బెస్ట్ సపోర్టింగ్ రోల్ లో సంగీత లకి ఫిలిం ఫేర్ అవార్డులు దక్కాయి.