`Kalki2898ad 30 రోజుల కలెక్షన్లు.. ఇప్పటి వరకు ఎంత కలెక్ట్ చేసింది? టోటల్‌ లెక్కలు..

 ప్రభాస్‌ నటించిన `కల్కి 2898 ఏడీ` చిత్రం విడుదలైన నెల రోజులు దాటినా ఇంకా థియేటర్లలో సత్తా చాటుతూనే ఉంది. మరి ఈ నెల రోజుల్లో ఈ మూవీ ఎంత కలెక్ట్ చేసిందో చూద్దాం.  

ప్రభాస్‌ హీరోగా నటించిన `కల్కి2898 ఏడీ` సినిమా గత నెలలో విడుదలై సంచలన విజయాన్ని సాధించింది. నాగ్‌ అశ్విన్‌ రూపొందించిన సినిమా కలెక్షన్ల దుమ్మురేపుతుంది. ఈ ఏడాది అత్యధిక వసూళ్లు రాబట్టిన సినిమాగా నిలిచింది. సరికొత్త రికార్డుల దిశగా వెళ్తుంది. అయితే ఈ సినిమా విడుదలై నెల రోజులు అయ్యింది. మరి 30 రోజుల్లో `కల్కి` ఎంత కలెక్ట్ చేసిందనేది చూస్తే. 

`కల్కి 2898 ఏడీ` ప్రపంచ వ్యాప్తంగా ఇప్పటి వరకు ఏకంగా రూ.1015కోట్లు వసూలు చేసింది. ఇందులో ఇండియాలో ఈ సినిమా రూ. 742 కోట్లు(గ్రాస్‌) రాబట్టగా, ఓవర్సీస్‌లో రూ.272కోట్ల గ్రాస్‌ వచ్చింది. ఇందులో ఏపీ, తెలంగాణలో 273 కోట్లు, కర్నాటకలో 70కోట్లు, తమిళనాడులో 45కోట్లు, కేరళాలో 30కోట్లు వసూలుచేసింది. ఇక నార్త్ లో మాత్రం దుమ్మురేపింది. అక్కడ ఈ మూవీ 322కోట్లు రాబట్టడం విశేషం. 

అయితే 1100 మార్క్ చేరిందనే మరో వార్త సోషల్‌ మీడియాలో వైరల్ అవుతుంది. ఏదేమైనా ఈ చిత్రం వెయ్యి కోట్ల క్లబ్‌లో చేరడం విశేషం. ఈ వారమే కాదు, ఆగస్ట్ 15 వరకు `కల్కి` నడుస్తూనే ఉంది. మరిన్ని కలెక్షన్లు వచ్చే అవకాశం ఉంది. ఇదిలా ఉంటే ప్రీ రిలీజ్‌ థియేట్రికల్‌ బిజినెస్‌ 372కోట్లు అయ్యిందట. ఈ లెక్కన అన్ని ఏరియాల్లో బ్రేక్ ఈవెన్‌ దాటి లాభాల్లో వెళ్తుందీ మూవీ. 

ప్రభాస్‌ హీరోగా, కమల్‌ హాసన్‌, అమితాబ్‌ బచ్చన్‌, దీపికా పదుకొనె, దిశా పటానీ, విజయ్‌ దేవరకొండ, దుల్కర్ సల్మాన్‌, బ్రహ్మానందం, మృణాల్‌ ఠాకూర్‌ ప్రధాన పాత్రల్లో నటించిన `కల్కి 2898 ఏడీ` సినిమాకి నాగ్‌ అశ్విన్‌ దర్శకత్వం వహించగా, వైజయంతి మూవీస్‌ నిర్మించింది. ఈ మూవీ నుంచి రెండో పార్ట్ రాబోతుంది. మహభారతం ఎలిమెంట్లకి సైన్స్ ఫిక్షన్‌ జోడించి దర్శకుడు నాగ్‌ అశ్విన్‌ ఈ మూవీని తెరకెక్కించిన విషయం తెలిసిందే. విజువల్‌ ఎఫెక్ట్స్, యాక్షన్‌, మహాభారతం ఎలిమెంట్లు సినిమా విజయానికి కారణమయ్యాయని చెప్పొచ్చు.