- Home
- Entertainment
- మీ తాత గుద్దడం వల్ల నాకు 3 రోజులు జ్వరం..సీనియర్ హీరోయిన్ కామెంట్స్, అంతకి మించేలా షాకిచ్చిన జూ.ఎన్టీఆర్
మీ తాత గుద్దడం వల్ల నాకు 3 రోజులు జ్వరం..సీనియర్ హీరోయిన్ కామెంట్స్, అంతకి మించేలా షాకిచ్చిన జూ.ఎన్టీఆర్
సీనియర్ ఎన్టీఆర్ తో నటించిన చాలా మంది హీరోయిన్లు ఇప్పటికి తమ అనుభవాలు పంచుకుంటుంటారు. జయసుధ, వాణిశ్రీ, జయప్రద లాంటి హీరోయిన్లు ఎన్టీఆర్ గురించి సందర్భం వచ్చినప్పుడల్లా చెబుతుంటారు.
సీనియర్ ఎన్టీఆర్ తో నటించిన చాలా మంది హీరోయిన్లు ఇప్పటికి తమ అనుభవాలు పంచుకుంటుంటారు. జయసుధ, వాణిశ్రీ, జయప్రద లాంటి హీరోయిన్లు ఎన్టీఆర్ గురించి సందర్భం వచ్చినప్పుడల్లా చెబుతుంటారు. కొన్నిసార్లు వీరి మధ్య కొన్ని గమ్మత్తైన విషయాలు జరుగుతుంటాయి.
సీనియర్ నటి జయప్రద.. ఎన్టీఆర్ తో ఎన్నో చిత్రాల్లో నటించారు. యమగోల, అడవిరాముడు లాంటి బ్లాక్ బస్టర్ చిత్రాలు వీరి కాంబినేషన్ లో వచ్చాయి. ఓ షోలో జయప్రద, జూనియర్ ఎన్టీఆర్ ఇద్దరూ పాల్గొన్నారు. ఈ షోలో జయప్రద మాట్లాడుతూ.. ఎన్టీఆర్ తో డ్యాన్స్ చేయడం గురించి షాకింగ్ కామెంట్స్ చేసింది.
యమగోల చిత్రంలో 'ఓలమ్మీ తిక్కరేగిందా' సాంగ్ ఆడియన్స్ హుషారెత్తించే విధంగా ఉంటుంది. ఇదే పాటని జూనియర్ ఎన్టీఆర్ యమదొంగ చిత్రంలో రీమిక్స్ చేశారు. ఆ రోజుల్లో అది పెద్ద హిట్ సాంగ్. ఆ సాంగ్ లో మీ తాతగారితో కలసి నటించడం నా అదృష్టం అని జయప్రద తెలిపింది.
ఆ సాంగ్ షూటింగ్ తర్వాత నాకు మూడు రోజులు హై టెంపరేచర్ ఫీవర్ వచ్చింది. ఒళ్ళంతా నొప్పులు. కొన్ని రోజుల తర్వాత కోలుకున్నా అని జయప్రద నవ్వుతూ చెప్పారు. ఆ సాంగ్ లో అంతలా మీ తాతగారు గుద్దుతూ డ్యాన్స్ చేశారు అని జయప్రద పడీపడీ నవ్వుతూ చెప్పారు. వింటున్న జూనియర్ ఎన్టీఆర్ కూడా నవ్వేశారు.
జయప్రదకి జూనియర్ ఎన్టీఆర్ ఇచ్చిన సమాధానం కూడా షాకింగ్ గా ఉంది. యమదొంగ చిత్రంలో ఈ సాంగ్ లో తారక్, మమతా మోహన్ దాస్ కలసి చేశారు. యమదొంగ చిత్రంలో నేను సన్నగా ఉన్నాను. అంతకు ముందులాగా లావుగా ఉండిఉంటే మా హీరోయిన్ పని కూడా మీ లాగే అయిపోయేది అంటూ ఎన్టీఆర్ ఫన్నీ కామెంట్స్ చేశారు.
నేను సన్నగా ఉన్నాను కాబట్టి ఆమెకి అంత ప్రాబ్లెమ్ కాలేదు అని ఎన్టీఆర్ సమాధానం ఇవ్వడం కొసమెరుపు. ఓలమ్మి తిక్కరేగిందా పాటని జూనియర్ ఎన్టీఆర్ యమదొంగ చిత్రంలో స్వయంగా పాడారు.