జాన్వీ కపూర్‌ ముగ్గురు పిల్లల ఫాంటసీ, భర్తకి ఆయిల్‌ మసాజ్‌ చేస్తూ గోవింద నామస్మరణం

`దేవర` హీరోయిన్‌ జాన్వీ కపూర్‌ హీరోయిన్‌గా సౌత్‌లో సెటిల్‌ కావడమే కాదు, ఇప్పుడు లైఫ్‌లోనూ ఇక్కడే సెటిల్‌ అవుతానంటోంది. ముగ్గురు పిల్లల్ని కనాలని ఉందని చెప్పింది.  

అతిలోక సుందరి శ్రీదేవి కూతురు జాన్వీ కపూర్‌ సౌత్‌ సినిమా ఇండస్ట్రీలో సెటిల్‌ అవ్వబోతుంది. ఇప్పటికే ఆమె తెలుగులోకి ఎంట్రీ ఇస్తూ `దేవర` చిత్రంలో నటించింది. ఎన్టీఆర్‌ హీరోగా రూపొందిన ఈ చిత్రం మంచి విజయం సాధించింది. ఇప్పుడు రామ్‌ చరణ్‌తో కలిసి `ఆర్‌సీ16`లో నటిస్తుంది. త్వరలోనే ఈ సినిమా షూటింగ్‌లో పాల్గొనబోతున్నారు. 

ఇదిలా ఉంటే జాన్వీ కపూర్‌కి తిరుమల శ్రీ వెంకటేశ్వర స్వామి అంటే ఎంతో ఇష్టం. ఇష్టదైవంగా కొలుస్తుంది. తరచూ తిరుమల శ్రీవారిని దర్శించుకుంటూ ఆయన ఆశిస్సులు తీసుకుంటుంది. అమ్మ శ్రీదేవి లాగానే తాను కూడా శ్రీవారి సేవలో తరిస్తుంటుంది. అయితే కేవలం ఇలా దర్శించుకోవడమే కాదు, ఇక్కడే సెటిల్‌ అవుతానంటోంది జాన్వీ కపూర్‌. 

Janhvi Kapoor

తాజాగా తన మనసులో మాట వెల్లడించింది. పెళ్లి చేసుకుని తిరుమలలో సెటిల్‌ అవుతానని చెప్పింది. గోవింద నామాన్ని స్మరించుకుంటూ బతికేస్తానని చెప్పింది. పెళ్లి చేసుకుని ముగ్గురు పిల్లల్ని కనాలనుకుంటుందట. అంతేకాదు ప్రతి రోజు అరటి ఆకుల్లో భోజనం చేయాలని ఉందని చెప్పింది. గోవింద నామ స్మరణం చేసుకుంటూ తన భర్త లుంగీలో ఉంటే ఆయనకు ఆయిల్‌ మసాజ్‌ చేస్తూ, రొమాంటిక్‌ జీవితాన్ని గడపాలనుకుంటున్నట్టు తెలిపింది జాన్వీ కపూర్‌. 

ఇలా తన మనసులో మాటని బయటపెట్టి అందరిని ఆశ్చర్యపరిచింది. అయితే జాన్వీ కపూర్‌ ప్రస్తుతం ప్రేమలో ఉందట. ఆమె ఓ వ్యాపారవేత్త కొడుకు శిఖర్‌ పహారియాతో ప్రేమలో ఉన్నట్టు తెలుస్తుంది. ఈ ఇద్దరు కలిసి చాలా సందర్భాల్లో మీడియాకి దొరికిపోయారు. ఆ మధ్య కలిసే తిరుమల శ్రీవారిని కూడా దర్శించుకున్నారు. దీంతో ఇద్దరి మధ్య లవ్‌ ట్రాక్‌ ఘాఢంగా నడుస్తుందని తెలుస్తుంది. దీంతో జాన్వీ కపూర్‌ మనసులో కోరిక ఉంది, పెళ్లి చేసుకోవడానికి ప్రియుడు ఉన్నాడు, ఇక మ్యారేజ్‌ చేసుకుని పిల్లలను కనడమే ఆలస్యం, తిరుమలలో సెటిల్‌ కావడమే ఆలస్యం అంటున్నారు నెటిజన్లు. 

కెరీర్‌ పరంగా చూస్తే జాన్వీ పూర్‌ గతేడాది ఎన్టీఆర్‌తో `దేవర` చిత్రంలో నటించింది. ఈ మూవీ విశేష ఆదరణ పొందింది. దీనికి పార్ట్ 2 `దేవర 2` కూడా ఉంది. త్వరలోనే ఇది ప్రారంభం కాబోతుంది. దీనికి కొరటాల శివ దర్శకుడు. దీంతోపాటు రామ్‌ చరణ్‌తో కలిసి `ఆర్‌సీ16`లో నటిస్తుంది. బుచ్చిబాబు దర్శకత్వం వహించిన ఈ మూవీ ఇప్పటికే రెండు షెడ్యూల్స్ పూర్తి చేసుకుంది. ఈ నెల 27 నుంచి కొత్త షెడ్యూల్‌ ప్రారంభం కానుందట.