- Home
- Entertainment
- Jabardasth Faima: పెద్దలను ఎదిరించి ప్రియుడిని పెళ్లాడిన జబర్దస్త్ ఫైమా.. లేడి కమెడియన్ పెళ్లాడింది ఎవరినంటే?
Jabardasth Faima: పెద్దలను ఎదిరించి ప్రియుడిని పెళ్లాడిన జబర్దస్త్ ఫైమా.. లేడి కమెడియన్ పెళ్లాడింది ఎవరినంటే?
ఎట్టకేలకు తను ప్రేమించిన ప్రియుడిని పెళ్లాడింది జబర్దస్త్ లేడీ కమెడియన్ ఫైమా. పెద్దలను ఎదిరించి తను అనుకున్నది సాధించింది. ఇంతకీ ఆమె ప్రియుడు ఎవరు? పెళ్లి ఎంత సింపుల్ గా జరిగిందంటే..?
సింపుల్ గా జబర్దస్త్ ఫైమా పెళ్లి..
పటాస్ ద్వారా కమెడియన్ గా జర్నీ స్టార్ట్ చేసి.. జబర్దస్త్, బిగ్ బాస్ ద్వారా గుర్తింపు పొందిన ఫైమా ఎట్టకేలకు వైవాహిక జీవితంలోకి అడుగుపెట్టింది. గత కొన్నాళ్లుగా ప్రేమలో ఉన్న తన ప్రియుడు ప్రవీణ్ నాయక్ను ఆమె వివాహం చేసుకుంది. వీరి వివాహం హైదరాబాద్లోని రిజిస్ట్రార్ కార్యాలయంలో సాదాసీదాగా జరిగింది. ఎలాంటి ఆర్భాటాలు లేకుండా, అత్యంత సన్నిహితులు , స్నేహితుల సమక్షంలో ఈ పెళ్లి జరిగింది. వివాహానికి సంబంధించిన వీడియోను ఫైమా తన ఇన్స్టాగ్రామ్ ఖాతాలో షేర్ చేసుకుంది.
ఫైమా ఎమోషనల్ కామెంట్స్..
తన పెళ్లి గురించి ప్రకటిస్తూ.. ఎమోషనల్ కామెంట్స్ చేసింది ఫైమా. తమ ప్రేమ ప్రయాణంలో ఎన్నో అడ్డంకులు ఎదురయ్యాయని, తమను విడదీయడానికి ప్రయత్నాలు జరిగాయని బాధపడింది పైమా. ఆమె మాట్లాడుతూ.. “ఇక నుంచి మేము భార్యాభర్తలం. వాళ్లు మమ్మల్ని అనుమానించారు, నిందించారు, మమ్మల్ని విడగొట్టడానికి ప్రయత్నించారు. కానీ మా ప్రేమే ఆ అడ్డంకులన్నింటినీ అధిగమించి మా వైపు బలంగా నిలిచింది. ఎన్ని ఇబ్బందులు వచ్చినా, పోరాటం చేసి, అంతులేని సహనంతో భరించాం. మేము విడిపోవడానికి వేయి కారణాలు, ప్రతికూల పరిస్థితులు ఎదురైనా కూడా ప్రతిరోజూ కలిసి ఉండాలనే నిర్ణయించుకున్నాం. మొత్తానికి భార్యాభర్తలం అయ్యాం” అంటూ ఫైమా తన పోస్ట్లో పేర్కొంది.
అసలు విషయం ఎందుకు చెప్పలేదు?
పెద్దలు ఒప్పుకోలేదు అని చెప్పింది కానీ.. తమ పెళ్లిని అడ్డుకోవడానికి ప్రయత్నించింది ఎవరు అనే విషయాన్ని మాత్రం ఫైమా వెల్లడించలేదు. వారు ఎవరు? ఎందుకు ఇంతటి పోరాటం చేయాల్సి వచ్చింది? అనే విషయాలను మాత్రం ఫైమాచెప్పలేదు. అయితే ఫైమా, ప్రవీణ్ నాయక్ వేర్వేరు కులాలు, మతాలకు చెందినవారు కావడంతో వారి వివాహానికి పెద్దల నుంచి అభ్యంతరాలు వ్యక్తమయ్యాయని సమాచారం.ఇటీవలి కాలంలో ఫైమా, ప్రవీణ్ నాయక్ తమ వివాహంపై పలు వీడియోలు, సోషల్ మీడియా పోస్టుల ద్వారా సంకేతాలు ఇచ్చారు. చివరికి ఇద్దరూ రిజిస్ట్రార్ ఆఫీస్ లో వివాహ బంధంతో ఒక్కటయ్యారు.
గతంలో ఏం జరిగిందంటే..?
పటాస్ షోలో కమెడియన్గా గుర్తింపు పొందిన ఫైమా, అదే షోలో పనిచేసిన ప్రవీణ్ అనే మరో కమెడియన్తో గతంలో ప్రేమలో ఉన్నట్లు ప్రచారం జరిగింది. ఆ ప్రేమ వ్యవహారం బుల్లితెర వర్గాల్లో చర్చనీయాంశమైంది. ఆ తర్వాత కాలంలో ఏం జరిగిందో తెలియదు కానీ.. వీరిద్దరు బ్రేకప్ చెప్పుకున్నారు. ప్రవీణ్ వేరే పెళ్లి చేసుకోగా.. ఫైమా, ప్రవీణ్ నాయక్ తో మళ్లీ ప్రేమలో పడింది. ఈ విషయంపై అప్పట్లో ఫైమా మాట్లాడుతూ.. “పెళ్లి మన చేతుల్లో ఉండదు కదా” అని వ్యాఖ్యానించింది.
ఫైమాకు శుభాకాంక్షలు తెలిపిన సెలబ్రిటీలు..
ఇక ఫైమా పెళ్లి విషయం తెలిసిన వెంటనే పలువురు ప్రముఖులు కొత్త జంటకు శుభాకాంక్షలు తెలిపారు. శ్రీసత్య, అరియానా గ్లోరీ, ఇనయా సుల్తానా, కీర్తి భట్, రాజ్, ప్రియాంక జైన్, భానుశ్రీ, రోల్ రైడా, ఆదిరెడ్డి తదితరులు సోషల్ మీడియాలో విషెస్ తెలిపారు. పేదరికం నుంచి వచ్చిన ఫైమా.. తన సంపాదనతో ఇంటిని నిలబెట్టింది. తల్లీ తండ్రుల కోసం ఇల్లు కూడా కట్టింది. కుటుంబాన్ని సెటిల్ చేసిన తరువాత తను పెళ్లి చేసుకుంది.
